Yaandja Vaino Kalenga taya dhengwa kiiluli

O NKUNHDANA ontilithi oye tu zilile mOnaanda mUukwambi mOshitopolwa sha Musati moka yaandja tate Vaino Kalenga taya dhengwa aniwa nomakuma nomamanya nosho tuu kuwalye.

Tate Kalenga ta lombwele The Namibian ongula yohela kutya okuza tuu meti 6 lya Aguste nuumvo, megumbo lyawo kaye li mo we nombili molwashoka otaya uhala taya umbwa nomamanya, nomakuma, na kehe shimwe shomegumbo lyawo tashi vulu okuumbwa. “Itatu uhala we tuu nande koshinima shoka.Tatu uhala ashike tatu dhengwa kiinima katu yi wete.Hashi ningwa ashike omutenya nuusiku okuhulila pohetatu yokongulohi lwaampoka” Kalenga ta ti ngawo nokugwedha po kutya oya li ya ka ithana nOmusita gwEgongalo lyawo e ye a galikane, ashike naye sho ngaa a thiki mo megumbo okwa tameke ta umbwa ngawo nokudhengwa nomamanya nomakuma.Kalenga ta ti kutya, oshinima shika oshe yalulila noonkondo, unene tuu uunona wawo owa tulwa muumbanda uunene koshinima shika na kau lala mo we megumbo nokuli, ohau ka lala puushiinda pootate gwe.Ota indile nee koshigwana, ngele opu na ngoka e na uunongo wokuungaunga niinima yoludhi nduka noku yi tidha po, e ya kwathele muupyakadhi wawo mbuka, oshoka otawu ya hepeke noonkondo lela shili.Iiningwanima mbika oyi li po tayi indjipala mOnooli.Oshoka kuyele nuumvo otwa lopotele Egumbo lya meme gumwe gwomomukunda Oshimhwaku mOukwanyama mOshitopolwa sha Hangwena nalyo lya kala tali hepekwa pamukalo nguka gwaanegumbo moka taya dhengwa nomakuma nosho tuu kuwalye, omanga aakalimo yaali yomegumbo limwe pOkaku mOndonga mOshitopolwa sha Shana, ya dhipagwa koshinima shoka sha kala tashi ya pondo.Kalenga ota indile lela a mana mo koshigwana shi mu kwathele pamwe naanegumbo lye muupyakadhi wawo mbuka.”Itatu uhala we tuu nande koshinima shoka.Tatu uhala ashike tatu dhengwa kiinima katu yi wete.Hashi ningwa ashike omutenya nuusiku okuhulila pohetatu yokongulohi lwaampoka” Kalenga ta ti ngawo nokugwedha po kutya oya li ya ka ithana nOmusita gwEgongalo lyawo e ye a galikane, ashike naye sho ngaa a thiki mo megumbo okwa tameke ta umbwa ngawo nokudhengwa nomamanya nomakuma.Kalenga ta ti kutya, oshinima shika oshe yalulila noonkondo, unene tuu uunona wawo owa tulwa muumbanda uunene koshinima shika na kau lala mo we megumbo nokuli, ohau ka lala puushiinda pootate gwe.Ota indile nee koshigwana, ngele opu na ngoka e na uunongo wokuungaunga niinima yoludhi nduka noku yi tidha po, e ya kwathele muupyakadhi wawo mbuka, oshoka otawu ya hepeke noonkondo lela shili.Iiningwanima mbika oyi li po tayi indjipala mOnooli.Oshoka kuyele nuumvo otwa lopotele Egumbo lya meme gumwe gwomomukunda Oshimhwaku mOukwanyama mOshitopolwa sha Hangwena nalyo lya kala tali hepekwa pamukalo nguka gwaanegumbo moka taya dhengwa nomakuma nosho tuu kuwalye, omanga aakalimo yaali yomegumbo limwe pOkaku mOndonga mOshitopolwa sha Shana, ya dhipagwa koshinima shoka sha kala tashi ya pondo.Kalenga ota indile lela a mana mo koshigwana shi mu kwathele pamwe naanegumbo lye muupyakadhi wawo mbuka.