Ya gongala pEenhana nokudhimbulukwa esiku lyomapenda gaNamibia, 26 Aguste

Ya gongala pEenhana nokudhimbulukwa esiku lyomapenda gaNamibia, 26 Aguste

pEENHANA E NGATHITHI enenene lyAanamibia nosho wo aakalimo yomiilongo yopondje olya li lya gongala pEenhana mOukwanyama mOshitopowla sha Hangwena mOsoondaha ya zi ko nokudhimbululwa Esiku lyOmapendafule.

Oshituthi osha li sha egululwa negalikaono kOmusita Omukuluntu gwAakwiita tatekulu Erastus Katalala. Omupresidende Hifikepunye Pohamba okwa egulula pambelewa Edhidhilikodhimbulutho mpoka pwa fumvikwa omasipa gAakondjelemingulu ngoka giitsuwilwe mEenhana nopomahala galwe mOshitopolwa sha Hangwena kehulilo lyomumvo 2005.Okuza mpoka Omupresidende Pohamba noshowo Omupresidende Omukulu he yoshigwana Sam Nujoma nosho wo Omuprima gwOshilongo Nahas Angula, Omunashipundi gwOshigongi shOpashigwana Theo Ben Gurirab, Omunashipundi gwOmutumba omutiyali gwopashigwana Asser Kapere, Komanda yEtanga lyEgameno Ndjayi Martin Shali, Omukuluntu gwAakalelipo yIilongo byawo moNamibia Manuel Rodriques, Ohamba yAukwanyama mEekulu Martha Mwadinomho Nelumbu, ayehe mbaka oya tula oongala kOmbila ndjoka yOmapendafule.Okuza mpoka Oshituthi osha ka dhanenwa nee pOkapale kOmaudhano ka Eenhana mpoka Omupresidende Pohamba a popitha oshigwana nokutumbula lela iinima oyindji tayi tungu oshigwana.Poshituthi opo tuu mpoka, Omupresidende Pohamba okwa gandja Oonkatu dhiilonga, Oombandi dhUupenda noshowo Oonzapo dhuupenda kOmapendafule gIita yEkondjelomanguluko ge vulithe po 50 ngaashi ga tothwa mo nanwa kwaamboka haye ga totha mo.Oshituthi shoka sha li mewiliko lyOministeli yElongo tate Nangolo Mbumba nosho wo kOministeli yOmauyelele nIikwakutumwamombepo meme Netumbo Nandi Ndaitwah, osha li sha egululwa negalikano kOmusita gwAakwiita tatekulu Erastus Katalala naanashituthi oya li ya taambwa ko ku Ngoloneya yOshitopolwa sha Hangwena Usko Nghaamwa.Mayola gwOndoolopa ya Eenhana meme Julia Shikongo otaka ninga oshipopiwa shepateko nokupandula Omupresidende, Aawiliki yi ili noyi ili naanashituthi ayehe.Oshituthi osha li lela oshiwanawa notashi fuula, unene tuu sho Etanga lyEgameno lya zilile kOkila ya AVBOB mEenhana moka tali maashinga nOshiketha shomasipa gomapendafule shi li konima yawo mOhauto yoshikwiita, taya maashina ya thinda nee kehala lyomonumende mpoka pwa fumvikwa omasipa gaakondjelimanguluko mbaka, li li pooha dhOngeleka ya Elcin mEenhana moka.Opwa li wo oongundu dhomaudhano, tadhi kwatelwa komeho ku Ndilimani, nodha kala tadhi nyenyepeke oshituthi nawa noondjimbo dhEkondjelomanguluko nosho tuu.Omupresidende Hifikepunye Pohamba okwa egulula pambelewa Edhidhilikodhimbulutho mpoka pwa fumvikwa omasipa gAakondjelemingulu ngoka giitsuwilwe mEenhana nopomahala galwe mOshitopolwa sha Hangwena kehulilo lyomumvo 2005.Okuza mpoka Omupresidende Pohamba noshowo Omupresidende Omukulu he yoshigwana Sam Nujoma nosho wo Omuprima gwOshilongo Nahas Angula, Omunashipundi gwOshigongi shOpashigwana Theo Ben Gurirab, Omunashipundi gwOmutumba omutiyali gwopashigwana Asser Kapere, Komanda yEtanga lyEgameno Ndjayi Martin Shali, Omukuluntu gwAakalelipo yIilongo byawo moNamibia Manuel Rodriques, Ohamba yAukwanyama mEekulu Martha Mwadinomho Nelumbu, ayehe mbaka oya tula oongala kOmbila ndjoka yOmapendafule.Okuza mpoka Oshituthi osha ka dhanenwa nee pOkapale kOmaudhano ka Eenhana mpoka Omupresidende Pohamba a popitha oshigwana nokutumbula lela iinima oyindji tayi tungu oshigwana.Poshituthi opo tuu mpoka, Omupresidende Pohamba okwa gandja Oonkatu dhiilonga, Oombandi dhUupenda noshowo Oonzapo dhuupenda kOmapendafule gIita yEkondjelomanguluko ge vulithe po 50 ngaashi ga tothwa mo nanwa kwaamboka haye ga totha mo.Oshituthi shoka sha li mewiliko lyOministeli yElongo tate Nangolo Mbumba nosho wo kOministeli yOmauyelele nIikwakutumwamombepo meme Netumbo Nandi Ndaitwah, osha li sha egululwa negalikano kOmusita gwAakwiita tatekulu Erastus Katalala naanashituthi oya li ya taambwa ko ku Ngoloneya yOshitopolwa sha Hangwena Usko Nghaamwa.Mayola gwOndoolopa ya Eenhana meme Julia Shikongo otaka ninga oshipopiwa shepateko nokupandula Omupresidende, Aawiliki yi ili noyi ili naanashituthi ayehe.Oshituthi osha li lela oshiwanawa notashi fuula, unene tuu sho Etanga lyEgameno lya zilile kOkila ya AVBOB mEenhana moka tali maashinga nOshiketha shomasipa gomapendafule shi li konima yawo mOhauto yoshikwiita, taya maashina ya thinda nee kehala lyomonumende mpoka pwa fumvikwa omasipa gaakondjelimanguluko mbaka, li li pooha dhOngeleka ya Elcin mEenhana moka.Opwa li wo oongundu dhomaudhano, tadhi kwatelwa komeho ku Ndilimani, nodha kala tadhi nyenyepeke oshituthi nawa noondjimbo dhEkondjelomanguluko nosho tuu.

Stay informed with The Namibian – your source for credible journalism. Get in-depth reporting and opinions for only N$85 a month. Invest in journalism, invest in democracy –
Subscribe Now!

Latest News