Ya gandja ombedhi

A
ANAMIBIA oyendji oya li ya yambidhidha Jan Markus ngoka a li geelwa oomwedhi ndatu mondholongo metitano oshoka okwa pogola mokuyoga ohauto mepandaanda.

Markus ngoka a kwatelwe kuyele nuumvo mepandaanda lya Lindi moVenduka okwa pelwe a fute oodola 300 nenge a ye kondholongo oomwedhi ndatu , ndele sho kaa li noshimaliwa okwa yi mondholongo.Sho ehokololo lye lya holoka moThe Namibian omaandaha aantu oyendji oya ti oya hala okumufutila mo mondholongo.Okwa futilwa mo komusahenda gumwe ha longele muni gwa Venduka.Ehokololo lye olya gumu aantu oyendji mboka ya gandja ombedhi ketokolo ndyoka lye mu fala kondholongo. Omusahenda ngoka aa futile Markus okwa ehokololo lya Markus sho ta kambadhala oku yambidhidha omukadhi nomwana olye mu gumu ye pamwe naaniilonga ooyakwawo.Okwa ti sho a minike na Markus okwa mono kutya omake ge oga li ga talala. Okwa ti ye okwa li ashike a hala oku kwatha omukwaita ngoka, oshoka ka kwali ena okupatelwa mondholongo.Okwa gwedha ko ta ti osha simana kutya opolisi noompangu ta ya ningi eyooloko pokati kompango nuuyuki.. Okwa ti nguka omuntu ngoka ta kambadhala okwiikongela sha, onkene oshilando oshina okuningapo sha. Oyendji yaakalimo oya li ya hwamekwa koshinima shika no ya lundile opolisi kutya oya odheka ashike mboka yaanaposha. Gumwe okwa ti aayogi yiihauto otaya kondjitha omilandu dhoshilando, oshoka yo ota ya kondjo opo ya hupe.