Weatherly a landitha po ohite pOshomeya

EHANGANO lyoomina moNamibia, Weatherly International olya zimine okulanditha po ohite yokuhengumuna ongopolo niikwamina yilwe poTsumeb.

Ehangano Dundee Precious Metals olyo aniwa lya landapo ohite ndjika moshimaliwa koomuma noshowo nomoku kutha iipambuliko.Dundee okwa gandja aniwa oodola dhAmerica oomiliona 33.Weatherly okwa hulitha po woo euvathano ndyoka a li a ningi nehangano lyo koChina ndyoka lya li li na oku ninga olyo ewiliki miinima ya Weatherly, na olya li ta li eta ompito opo oomina ndhoka dha pata dhongopolo dhi patuluke ishewe nokutameka okulonga.Euvathano nehangano, East China Mineral Exploration and Development Bureau olya li li na oku manithwa pehulilo lyomwedhi nguka.Weatherly okwa patele oomina dhe dhongopolo moNamibia mu Desemba 2008 molwaashoka oondando yongopolo oya li ya gwa pevi unene muuyuni, na okwa li ashike ha longo nohite.Elandithopo lyohite ota li ningi Weatherly a kale keena we oongunga, osho ehangano ndika lya ulike momushangwa.Weatherly okwa ti ota tsikile noku tala onkalo opo a egulule oomina ya Tjihase noya Matchless noshowo okutunga ndjoka yoshilambo she eguluka ya Tschudi.