OVALUMENHU vavali ova kwatwapo kopolii yaHangwena molwa oulunga woimuna nova holoka nale mOmangu ya Mengestrata moshitukulwa osho.
Limbedo Haimbili na Timoteus Shali, otava tamenekelwa evako leengobe 9, dina ongushu yoshimaliwa shEedola/N$17 400 da Paulus Johannes Nghuumono, womomukunda Onelombe mo Hangwena.
Otaku hokololwa kutya eengombe edi oda kanene kohambo kEendobe omudo wadjako. Eengombe dili hamano oda monika da hangika tave dilandifapo moshitukulwa shaKongo omanga nhatu inadi monika natango.
*Moshiningwanima sha yooloka, omunyasha womomukunda Ongudi popepi nOmungwelume, Festus Mofuka Simon (womido 17) oo a kala ta tyakaleke momunyeka a homataa ombele okuda omudo wadjako, okwa kwatwapo kopolifi ya Mungwelume momafiku 18 omwedi ou nokwa holoka nale momangulilo yamangesitalata yaShakati.
Otaku hokololwa kutya mefiku 01 Januali neudo, Mofuka okwa ponokela Asteria Lukas womido 24 nombele pOmungwelume nokumunyeka oinima yongushu N$950 omanga ina fadukapo.
*Moshiningwanima shikwawo, omutamanekwa ou okwa ponokela Elizabeth Nashinge nombele momafiku 12 omwedi ou nokumunyeka eengodi dopeke mbali dongushu N$700.Efimbo a kwatwa po kOpolifi, okwa hangika neengodi dopeke nhatu odo kwali a nyeka ovanhu.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
