Uuyuki moompangu

OMUPANGULI NDJAI gwa Namibia, Peter Shivute mOshipopiwa she okwa kwashilipaleke kutya Oompangu dhe otadhi gandja eyakulo lyuuyuki koshigwana notadhi tsikile nokuninga ngawo paendondo dhi ili nodhi dhili dhOompangu moshilongo.

Tadhi tala, ngaashi sha shangwa mEkotampango lya Namibia, kutya moshilongo omu na Uudemokoli, aantu taya simaneke nokuvulika kOoveta, ano oshilongo tashi lelwa paveta nOpauyuki nUuthemba wOmuntu tau gwanithwa po. Omupangulindjayi Shivute ta ti, Ompangu yOpombanda aluhe oyo nee ontsa tayi tala kutya ayihe mbyoka otayi gwanithwa po moshilongo, moshigwana. Shivute ta ti, Ompangu yOpombanda ndjika inayi kale tayi ithanwa Ompangu yOpombanda ya Shakati, ihe nayi ithanwe Ompangu yOpombanda mOshakati, kayi shi ya Shakati ihe Ompangu yOpombanda yi li mOshakati, kayi shi ya Shakati. Ta ti Namibia oku na ashike Ompangu yimwe yOpombanda moshilongo ashihe naandhoka tadhi tungwa kIitopolwa nenge pondje yaandjoka ya Venduka, aluhe oyi li ashike yimwe. Chief Justice Shivute ta pandula Epangelo pehala lyOshitopolwa shOompangu sho tali fala omayakulo koshigwana nogOompangu dhOpombanda ngeyi.