Uunona pOsikola yaKandjengedi tau pupo kiihauto

O MUKULUNTUSIKOLA gwosikola ya Kandjengedi pokati kOngwediva nOshakati, Laina Shigwedha, aalongisikola, aavali nuunona auhe posikola mpoka, oya lulilwa konkalo odhigu yuunona wawo tau lyatwa kiihauto mbyoka tayi matuka mondjila onene ya Ngwediva nOshakati ndjoka ya enda pooha dhosikola yawo.

Osikola ndjika oya dhikilwe po momumvo 1980 noyi na ngashiingeyi aanona ye li 643, aalongisikola ye li 18 mwa kwatelwa Omukuluntusikola. Tayi longo okuza pOgrade 1 sigo Ograde 7.Osikola yoyene oyi li ngaa ando puuwanawa, ashike ohau lyatwa unene kiihauto tau si nenge tau lemanekwa.Sigo oompaka opwa lyatwa okusa uunona wu li uheyali (7) omanga 16 wa ehamekwa pethimbo tau taaguluka ondjila wa thinda kosikola.Omukuluntusikola meme Shigwedha ota ti kutya okuza tuu momumvo 1982, sigo okonena ndjika oya kala momaluhodhi omanene gaanasikola yawo taya lyatwa kiihauto mondjila ya Ngwediva na Shakati.Shigwedha ta ti mo 1982, omulongwa gwawo Natalia Matheus oye a ningi oshihakanwa shotango okulyatwa kohauto nokusa pethimbo ta taaguluka ondjila ndjoka.Omunasikola omutiyali Laina Hosea okwa lyatwa mo 1984.Mo 1996 tapu lyatwa ishewe yaali Justina Fernando na Angelinu Kaimundu.Mo 1999 omwa lyatwa Mirjam Kankondi omanga momumvo 2001 mwa lyatwa Esekiel Angula, ayehe mboka olyatwa okusa.Sho tatu popi ngeyi osikola ndjika ya Kandjengedi natango oyi li moosa dhokanona kawo kamwe, Ester Linekela Shimhanda hoka ka pumwa ishewe kohauto nokusa mOmaandaha goshiwike shika, ano meti 29 Mei 2006.*Uunona mboka wa pumwa nokweehamekwa nayo oyendji kamwe omo 1984, okatiyali omo 1985, omanga mo 1997 mwa pumwa uunona utatu.Kamwe omo1998, 1999, 2000, omanga mo 2001 namo wo mwa pumwa okakwawo kamwe.Mo 2004 omwa lemanekwa ishewe utatu.Kakele ka Ester Shimhanda ngoka a lyatwa po kohauto nokusa mOmaandaha ngaka ga zi ko, kuyele nuumvo pOsikola ya Kandjengedi mpoka opwa pumwa nokweehamekwa wo uunona wu li utatu kiihauto mondjila tuu ndjoka.”Tse, otu li muudhigu yakwetu na katu shiwe kutya otu na okuninga ngiini.Uunona wetu otau lyatwa unene kiihauto, ” Shigwedha ta ti ngaaka noluhodhi olunene enene.Ta ti kutya oya ninga oonkambadhala odhindji okukala iiponga mbika moshipala, ashike inadhi kwatha sha.Meme Shigwedha ta ti oya lopota onkalo ndjika kEpangelo, unene tuu ku Kansola gwOshikandjohogololo sha Ngwediva, okuza nale noshowo ku Kansola gwongashiingeyi gwa Ngwediva Thikameni Ekandjo.Shigwedha ta ti Ekandjo okwe yile kOsikola yawo pamwe nAanambelewa yOshikondo shOondjila noshOpolisi yomoondjila e taya ningi oonkundathana nayo muupyakadhi wawo.Shigwedha ta ti kutya Aakuluntu mboka oye ya lombwelele kutya otaya ka ninga po sha shoka tashi ka ngambeka aahingi yiihauto ya kale itaya hingi we ondapo onene mondjila moka.Ashike sigo oompaka inapu ningwa sha tashi keelele uupyakadhi mbuka.Pokati mpoka Oombelewa dhIifendela yIihauto dhe ya nee nadho ishewe popepi nOsikola ya Kandjengedi mpoka, na meme Shigwedha pamwe naalongi ye oye uvite kutya uupyakadhi owa fa wa etwa popepi, ashike inapu ningwa omalongekidho gi iwetikile.Tayi longo okuza pOgrade 1 sigo Ograde 7. Osikola yoyene oyi li ngaa ando puuwanawa, ashike ohau lyatwa unene kiihauto tau si nenge tau lemanekwa.Sigo oompaka opwa lyatwa okusa uunona wu li uheyali (7) omanga 16 wa ehamekwa pethimbo tau taaguluka ondjila wa thinda kosikola.Omukuluntusikola meme Shigwedha ota ti kutya okuza tuu momumvo 1982, sigo okonena ndjika oya kala momaluhodhi omanene gaanasikola yawo taya lyatwa kiihauto mondjila ya Ngwediva na Shakati.Shigwedha ta ti mo 1982, omulongwa gwawo Natalia Matheus oye a ningi oshihakanwa shotango okulyatwa kohauto nokusa pethimbo ta taaguluka ondjila ndjoka.Omunasikola omutiyali Laina Hosea okwa lyatwa mo 1984.Mo 1996 tapu lyatwa ishewe yaali Justina Fernando na Angelinu Kaimundu.Mo 1999 omwa lyatwa Mirjam Kankondi omanga momumvo 2001 mwa lyatwa Esekiel Angula, ayehe mboka olyatwa okusa.Sho tatu popi ngeyi osikola ndjika ya Kandjengedi natango oyi li moosa dhokanona kawo kamwe, Ester Linekela Shimhanda hoka ka pumwa ishewe kohauto nokusa mOmaandaha goshiwike shika, ano meti 29 Mei 2006.*Uunona mboka wa pumwa nokweehamekwa nayo oyendji kamwe omo 1984, okatiyali omo 1985, omanga mo 1997 mwa pumwa uunona utatu.Kamwe omo1998, 1999, 2000, omanga mo 2001 namo wo mwa pumwa okakwawo kamwe.Mo 2004 omwa lemanekwa ishewe utatu.Kakele ka Ester Shimhanda ngoka a lyatwa po kohauto nokusa mOmaandaha ngaka ga zi ko, kuyele nuumvo pOsikola ya Kandjengedi mpoka opwa pumwa nokweehamekwa wo uunona wu li utatu kiihauto mondjila tuu ndjoka.”Tse, otu li muudhigu yakwetu na katu shiwe kutya otu na okuninga ngiini.Uunona wetu otau lyatwa unene kiihauto, ” Shigwedha ta ti ngaaka noluhodhi olunene enene.Ta ti kutya oya ninga oonkambadhala odhindji okukala iiponga mbika moshipala, ashike inadhi kwatha sha.Meme Shigwedha ta ti oya lopota onkalo ndjika kEpangelo, unene tuu ku Kansola gwOshikandjohogololo sha Ngwediva, okuza nale noshowo ku Kansola gwongashiingeyi gwa Ngwediva Thikameni Ekandjo.Shigwedha ta ti Ekandjo okwe yile kOsikola yawo pamwe nAanambelewa yOshikondo shOondjila noshOpolisi yomoondjila e taya ningi oonkundathana nayo muupyakadhi wawo.Shigwedha ta ti kutya Aakuluntu mboka oye ya lombwelele kutya otaya ka ninga po sha shoka tashi ka ngambeka aahingi yiihauto ya kale itaya hingi we ondapo onene mondjila moka.Ashike sigo oompaka inapu ningwa sha tashi keelele uupyakadhi mbuka.Pokati mpoka Oombelewa dhIifendela yIihauto dhe ya nee nadho ishewe popepi nOsikola ya Kandjengedi mpoka, na meme Shigwedha pamwe naalongi ye oye uvite kutya uupyakadhi owa fa wa etwa popepi, ashike inapu ningwa omalongekidho gi iwetikile.