Banner Left

Uundjolowele wAamalinda ou li moshiponga

Uundjolowele wAamalinda ou li moshiponga

K ONIMA owala yomasiku gaali gatatu lwaampoka sho efundja lya ponokele pOmalinda, aanambelewa yuuhaku oya tameka nale neipyakidhilo okutyeka onkalo kombinga yuundjolowele mopndoolopa moka.

Okwa lopotwa kutya oositola dhimwe otadhi gandja iikulya mbyoka ya nuka komeya kaakwashigwana mondoolopa moka omanga iikulya mbyoka inayi tyekwa ku talike ngele otayi vulu tuu okuliwa kaantu nenge aawe. Pethimbo lyaafathana, okwa lopotwa aantu yalwe taya mbombolokele kOmalinda hoka ya ka gandje ekwatho, yamwe otaya gandja omagano giikulya mbyoka aanuuhaku taya ti kutya oyi na manga okutyekwa omanga inayi topolelwa aantu.”Otashi vulika iikulya yimwe yi kale ya tulwa uuzigo mokati kaayihe,” Andrew Titus gwokUuministeli wUuhaku ngoka a li kOmalinda mehuliloshiwike ta popi ngaaka.”Okwa ningwa epopilo kutya Ooinspekta yuuhaku naya konakone manga iikulya mbyoka imanga inayi pewa aantu,” Titus ta popi.Okwa hokolola ngeyi kutya okulanditha iikulya yaa li muundjolowele nenge okuyi pa aantu oshali osha keelelwa koveta, naangoka ta ka adhika teshi ningi ote ki itula muupyakadhi woveta.Uuministeli owa li wo tau tala kombinga yonkalo yomeya ga yogoka mondoolopa, ta popi.Osipana ndjoka ya zi koshikondo shuundjolowele oya li owala ya tegelela omakende opo yi tulemo omeya ngoka taga ka konakonwa kombinga yuundjolowele.”Omeya gefundja otashi vulika ga kale ga ya moopaipi dhomeya gokunwa, na ishewe otashi vulika wo omeya gohanya ga ya wo mumwe nomeya gokunwa.”Okwa popi wo kutya aantu naya fulukithe omeya gokunwa nenge gokuteleka.Iikulya mbyoka ya hola nenge iimuna mbyoka ya si komeya otashi vulika yi hile oondhi ndhoka wo tashi vulika dhi ete omukithi, omanga omeya ogendji ngoka ga talama momudhingoloko taga kala ehala ewanawa lyokuvalela oomwe.”Elago enene olyo owala ndyoka kutya ehala ndika kali shi lyomalaria,” Titus ta popi.Ofaalama yiingulu yedhina Namibia Pig Farm ndjoka yi li pondje ya Malinda oya tameka nale okuumba ezimba (ya tameka okunika).Menindjela Solomon Nemaire okwa ti kutya iingulu yi li 1 000 mbyoka sa kefundja poofaalama yawo oya fumvikwa.Kuyele, Ngoloneya gwa Karas Katrina Hanse okwa li a indile aakwashigwana mOmalinda ya gandje uuyelele womaliko gawo ngoka ga yonuka kutya oge na ongushu yi thike peni opo shi kwathele mokuninga etokolo ku talike ngele otaku ningwa etseyitho lyoshiponga nenge tutye ehala lyeyonuko.Nemaire okwa popi ngeyi mEtitatu kutya eyonuko ndyoka lya guma iingulu olya thika sigo opoomiliyuna mbali oshinkwanu mbali (N$2,2 million).”Itandi popi iingulu, ihe otandi popi omaliko, omashina niilongitho yilwe,” ta popi ngaaka.Okwa popi ngeyi iilonga otayi tsikile hoka naakonakoni ye na sha noasuransi oya yile ko ya ka konakone eyonuko mEtutatu.Okapangelo kopOmalinda oka tameke niilonga ishewe niilonga yako mEtiyali lyoshiwike shika naakalimo hoka oya tseyithilwa nale kutya mboka taya pumbwa epango naya kale owala ya thika kokapangelo hoka.Pethimbo lyaafathana, okwa lopotwa aantu yalwe taya mbombolokele kOmalinda hoka ya ka gandje ekwatho, yamwe otaya gandja omagano giikulya mbyoka aanuuhaku taya ti kutya oyi na manga okutyekwa omanga inayi topolelwa aantu.”Otashi vulika iikulya yimwe yi kale ya tulwa uuzigo mokati kaayihe,” Andrew Titus gwokUuministeli wUuhaku ngoka a li kOmalinda mehuliloshiwike ta popi ngaaka.”Okwa ningwa epopilo kutya Ooinspekta yuuhaku naya konakone manga iikulya mbyoka imanga inayi pewa aantu,” Titus ta popi.Okwa hokolola ngeyi kutya okulanditha iikulya yaa li muundjolowele nenge okuyi pa aantu oshali osha keelelwa koveta, naangoka ta ka adhika teshi ningi ote ki itula muupyakadhi woveta.Uuministeli owa li wo tau tala kombinga yonkalo yomeya ga yogoka mondoolopa, ta popi.Osipana ndjoka ya zi koshikondo shuundjolowele oya li owala ya tegelela omakende opo yi tulemo omeya ngoka taga ka konakonwa kombinga yuundjolowele.”Omeya gefundja otashi vulika ga kale ga ya moopaipi dhomeya gokunwa, na ishewe otashi vulika wo omeya gohanya ga ya wo mumwe nomeya gokunwa.”Okwa popi wo kutya aantu naya fulukithe omeya gokunwa nenge gokuteleka.Iikulya mbyoka ya hola nenge iimuna mbyoka ya si komeya otashi vulika yi hile oondhi ndhoka wo tashi vulika dhi ete omukithi, omanga omeya ogendji ngoka ga talama momudhingoloko taga kala ehala ewanawa lyokuvalela oomwe.”Elago enene olyo owala ndyoka kutya ehala ndika kali shi lyomalaria,” Titus ta popi.Ofaalama yiingulu yedhina Namibia Pig Farm ndjoka yi li pondje ya Malinda oya tameka nale okuumba ezimba (ya tameka okunika).Menindjela Solomon Nemaire okwa ti kutya iingulu yi li 1 000 mbyoka sa kefundja poofaalama yawo oya fumvikwa.Kuyele, Ngoloneya gwa Karas Katrina Hanse okwa li a indile aakwashigwana mOmalinda ya gandje uuyelele womaliko gawo ngoka ga yonuka kutya oge na ongushu yi thike peni opo shi kwathele mokuninga etokolo ku talike ngele otaku ningwa etseyitho lyoshiponga nenge tutye ehala lyeyonuko.Nemaire okwa popi ngeyi mEtitatu kutya eyonuko ndyoka lya guma iingulu olya thika sigo opoomiliyuna mbali oshinkwanu mbali (N$2,2 million).”Itandi popi iingulu, ihe otandi popi omaliko, omashina niilongitho yilwe,” ta popi ngaaka.Okwa popi ngeyi iilonga otayi tsikile hoka naakonakoni ye na sha noasuransi oya yile ko ya ka konakone eyonuko mEtutatu.Okapangelo kopOmalinda oka tameke niilonga ishewe niilonga yako mEtiyali lyoshiwike shika naakalimo hoka oya tseyithilwa nale kutya mboka taya pumbwa epango naya kale owala ya thika kokapangelo hoka.

Stay informed with The Namibian – your source for credible journalism. Get in-depth reporting and opinions for only N$85 a month. Invest in journalism, invest in democracy –
Subscribe Now!

Latest News