MINISTA yoonakulwa aakulu, omundohotola Nickey Iyambo okwa ti epangelo olya kwata olule moku yakula oonakulwa aakulu.Okwa ti epangelo olya li lina oku tseya nkene sha pumbiwa okukwathela oonakulwa aakulu kuyele. Okwa ti ye ota zimine kutya epangelo olya tokelwa ndele oshihwepo okuyeleka nokukala inaapa ningwa sha.
Iyambo okwa popi ndhika pethimbo ta egulula oshigongi shomasiku gane tashi kundathana ehungumwenyo lyoonakulwa aakulu moVenduka. Okwa ti pethimbo lyetalelopo lye oshilongo ashihe okupopya noonakulwa aakulu okwa ndhindhilike kutya oya pumbwa okwaaludhwa kiilalo yomiita unene tashi pitile mokuya hunga omwenyo opo ya vule okugalukila moshigwana.Okwa ti oshishiwike kutya iita yekondjelomanguluko oya li iilulu niile, naambika oya thigile aaNamibia oyendji iiyadhi yopamahupilo, paundjolwele, pankalathano, nopambepo.Okwa ti omakonakono muuyuni oga ulike kutya oonakulwa aakulu mpoka ta ya adhika oye na uupyakadhi pambepo nopamwenyo noshowo eyuvo nayi ndyoka ya mono pethimbo lyiita. Okwa ti inapa ningwa oshindji pethimbo lyegaluko lyaantu mbaka koshilongo opo ya hungwe omwenyo yo nomazimo gawo oku ya kwathela ya vule okugalukila monkalo yopashigwana oshipe sha Namibia.Iyambo okwa ti oshigongi osha longekidhwa opo uuministeli we wiilonge shakombinga yehungomwneyo, noshoowo oku kundathana nokweeta po omikalo dhoku hunga omwenyo ndhoka tadhi longo.Amushanga takalele muuminsteli ,mbuka,William Amagulu okwa ti sigo oompaka uuministeli we owa zimina eishangitho lyoonakulwa aakulu yeli lwopo mayovi 15 000.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
