Uuministeli wi ilongekidhila omapeya

N ELALAKANO okusindana mekondjitho lyomapeya ngoka haga hanagulapo omahala omanene guunapelo, Uuministeli wUunamapya, Omeya nOmakuti, owi ikalekela oshimaliwa oshindji shokulongitha mekondjitho lyomapeya.

Omukuluntu gwOshikondo shi na sha nOmakuti mUuministeli mbuka, Joseph Hailwa okwa lombwele The Namibian omasiku ngaka kutya oshikondo shawo osha hwahwameka wo iikonga yi na sha nokuganda omauyelele kaanamikunda nkene ye na okuungaunga nomapeya. Okwa ti mEmbo lyOmulekeneno gwoshimaliwa shEpangelo shomumvo 2008/2009, iilyo yekondjitho lyomapeya oyi na mo oshimaliwa shOondola oomiliyuna omilongo mbali.Hailwa okwa ti iimaliwa mbika otayi ka longithwa mokulanda omashina gokuninga uundjila tau kalelele momakuti, mboka hau imbi omapeya kaaga fike po okuti akuhe.Ookondalaka dhokuninga uundjila mbuka otadhi ka gandjwa nee aniwa kOokampani dhopaumwene ndhoka dhi na uunongo miilonga mbika.”Otwa hala okulanda omangeleindela gokuninga uundjila na ootendela mu shika otadhi ka tseyithwa mbala,” Hailwa ta popi.Aantu yamwe momikunda oye li wo ya pewa iilonga yokuninga uundjila miihwa kUuministeli, shoka haye shi pewelwa oshimaliwa.Mokandjila kehe ke na uule wokilometa, Uuministeli owa futu oshimaliwa shi li pokati kOondola/N$450 no N$700.Miitopolwa mbyoka hayi mono unene iihuna komapeya mu Namibia, oshitopolwa sha Kavango na Caprivi.Ihe mOtjozondjupa, Omaheke, Omusati, Oshana nOshikoto namo ohamu iteyele wo omapeya.Okwa ti mEmbo lyOmulekeneno gwoshimaliwa shEpangelo shomumvo 2008/2009, iilyo yekondjitho lyomapeya oyi na mo oshimaliwa shOondola oomiliyuna omilongo mbali.Hailwa okwa ti iimaliwa mbika otayi ka longithwa mokulanda omashina gokuninga uundjila tau kalelele momakuti, mboka hau imbi omapeya kaaga fike po okuti akuhe.Ookondalaka dhokuninga uundjila mbuka otadhi ka gandjwa nee aniwa kOokampani dhopaumwene ndhoka dhi na uunongo miilonga mbika.”Otwa hala okulanda omangeleindela gokuninga uundjila na ootendela mu shika otadhi ka tseyithwa mbala,” Hailwa ta popi.Aantu yamwe momikunda oye li wo ya pewa iilonga yokuninga uundjila miihwa kUuministeli, shoka haye shi pewelwa oshimaliwa.Mokandjila kehe ke na uule wokilometa, Uuministeli owa futu oshimaliwa shi li pokati kOondola/N$450 no N$700.Miitopolwa mbyoka hayi mono unene iihuna komapeya mu Namibia, oshitopolwa sha Kavango na Caprivi.Ihe mOtjozondjupa, Omaheke, Omusati, Oshana nOshikoto namo ohamu iteyele wo omapeya.