Uulingilingi nau mone ehulilo moNamibia; Hamutenya ta ti

PETHIMBO ta popitha oshigongi sho RDP mOshakati mOlyomakaya ga zi ko, Omupresidende gwo RDP omusamane Hidipo Hamutenya okwa gandja uusama uunene kEpangelo lyOswapo kutya olya mwenena unene uulingilingi tau ningwa moshilongo, nokwa indila koshigwana shi hogolole RDP opo uulingilingi, wu hulithwe po.

Omusamane Hamutenya ta ti, Oodola dha Namibia dhOomiliona otadhi kana mo moshilongo nokuya moondjato dhoohandimwe, ashike Epangelo lyOswapo olya mwena ashike ita li ningi ko sha nande. ‘Oshilongo shika onashi ka mbangolote esiku limwe ngele, nani itaku ningwa sha tashi mweneke uulingilingi, ano uufuthi niikengelela moshilongo,’omusamane Hamutenya ta ti ngawo nokupula kutya Namibia noshigwana she ota yi sigo openi e na iinima ye tayi yakwa po ngeyi, pwa mweniwa ashike kwaamboka taya pangele.?Hamutenya ta pula ngawo nokugwedha po kutya Omupresidende Pohamba sho a yi koshipundi momumvo ngoka 2004, okwa ti Epangelo lye itali kiidhidhimikila we nande Okorapushena, ashike nee ngele oto tala pethimbo ndika, mboka ye li naanaa naye oyo taya ningi Okorapushena, ye a mwena ashike a tala ko.’Onda hala oku mu lombwela kutya ngele okarapushena ndjika yi li yi igalala moshilongo shetu, itayi hulithwa po nena kala wa tegelela embangoloto lyoshilongo shetu Namibia meendelelo na ke na we esiku toka mona ehumokomeho lyiihwapo nenge li li nawa.Ta ti Swapo ke shi okutula iinima melandulathano, ano ke shi okuutha kutya shika naashika osho nashi ningwe tango ko taku landula shika naashika, uuna tashi ya okutunga nokuhumitha komeho oshilongo. Omusamane Hamutenya taga gandja oshiholelwa shetungo lyolutenda oshinima ngashi shoka shetungo lyolutenda, oshinima shehumokomeho shili, ashike nee hasho sha li shi na okuningwa tango, omanga pu na iinima yimwe ya endelela, ngashi egandjo lyiilonga koshigwana, unene tuu shoka oshigundjuka, elando lyomiti opo iipangelo nuukilinika yi kale yi na omiti noshowo ehumithokomeho lyElongo, ano okulandela Oosikola omambo noshowo yilwe ya endelela shi vulithe etungo lyOlutenda, lwo talu kala ashike mpoka ‘Ondjamba ontokele’ kalu na sho talu longithwa.Omupresidende gwo RDP Hamutenya ta ti, oshinima shetungo lyolutenda osha li ashike okuyelutha po nokusimanekitha edhina lyomuntu gumwe nayalwe, ya lunge tayi itapula. Oto tungu ngiini olutenda lweshina lyokolutenda kOshitopowla shika, ngoye ku na ko oongeshefa oonene, oofaabulika hoka kwa gwana okufalwa iinima tayi tutwa komashina gokolutenda, okuya nokuza kOmahala gOongeshefa oonene ndhoka?Omusamane Hamutenya ta pula ngawo nokugwedha ko kutya ye nomusamane Jesaya Nyamu oya kala nokulombwela yakwawo mbaka yOswapo pethimbo ndyoka kutya olutenda inalu pumbiwa manga moNooli, na kulongwe iinima mbyoka ya pumbiwa meendelelo koshigwana, ngashi okugandja iilonga koshigwana oshindji shoka pethimbo ndika kashi na iilonga noshowo kutalike komahumithokomeho nokomayakulo ga pumbiwa meendelelo, ashike omadhilaadhilo gawo ngoka inaga taambiwa ko, noya talika oompote nokutalika ko kaye shi Aaswapo lela, ndele tashi eta yamwe ya tidhwe mo nokuli mOngundu yOswapo, noya tokola ya tote po Ongundu yawo yo RDP, ndjoka tayi kala mokulonga muuwanawa woshigwana shika shampa ashike she yi hogolola momahogololo gOpaupresidende nogOshigongi shOpashigwana ngoka taga ka kala ko eti 27 sigo eti 28 Novemba 2009 moshilongo ashihe. ‘Aanwameme, aamati naakadhona, ethimbo olya pya tu dhilaadhileni nawa noondunge oonene,kutya otatu tsikileni nonkalo yi li ngashi yili ngeyi, nenge otatu lundululeni po sha.Ta ti Oosikola nIipangelo kayi li nawa, molwashoka Swapo okwa kanitha eenditho nawa lyiinima noshowo ondjila. Aantu kaye na iilonga noye li taya mono iihuna noonkondo. Ta ti RDP ngele okwa yi koshipundi, otaka eta po elunduluko enene melongo, okuza tuu mOosikola dhIikunino okuya pombanda. Ta ka gandja elongo lyoshali koshigwana ndele kashi, li ngashi, ngashiingeyi elongo tali futilwa. Ta ti uuhaku nawo ote ke wu opaleka nawa ye wo taka longa noonkondo oshigwana shi mone iilonga pamukalo gwokweeta Oofaabulika moshilongo.