Uukwana womOshakati otau yi kOvenduka

U UKWANA mboka wa valwa wu li kumwe mOshipangelo shEpangelo sha Shakati konima yoshiwike shimwe otwa kundana tau yi kOvenduka ongula yonena opo Oondohotola mboka ye na uunongo monkalo yawo ndjika ya ka tale aniwa sho taya ningi po, Omuwiliki gwUuhaku moNooli, Omundohotola Naftali Hamata ta lombwele The Namibian ngawo ohela mOshakati.

Omundohotola Hamata ta ti kutya omasiku ngaka oya ningi ekwatathano nOmundohotola e na sha niinima yomatando gomitima, Omundohotola gwokOvenduka, ngoka a ti kutya okwa ninga ekwatathano nomundohotola gwOmitima gwoko Kapa ko South Afrika ngoka a tokola e ye a tale uunona mbuka kOvenduka. Omundohotola nee nguka, Dr Hamata ota ti kutya ota thiki nena mOvenduka nuunona mbuka uyali wa shitwa omala gawo ge li kumwe notaku tiwa kutya ou na omutima gumwe nehuli limwe, otau falwa ongula yonena kOshipangelo sha Venduka okuza mwaashoka shEpangelo sha Shakati wu ka monike kOmundohotola gwOmitima ngoka ta zi kOkapa koSouth Afrika nena.Uunona mbuka uyali, uukadhona auhe, wa valwa ku meme gwawo Elizabeth Paulus gwokomukunda Iiwiyongo mUukwambi mOshitopowla sha Shana, ngoka e li Omukatoolika ka Roma, owa shashwa nale nokuli ku Pata Lukas Mosmedi gwa Katana, esiku tuu ndjoka wa valwa.Kamwe oko Monika Ngendinomuwa na Taimi Talohole ya Salomo Diogenus Shigwedha gwokOmege mUukwambi mOshitopolwa sha Shana.Edhilaadhilo ndjoka li li po, oku wu kutha ngeno kumwe paunongononi, ashike nee sho wu na omutima gumwe nehuli limwe, oshidhigu notaku tiwa kutya ngele okwa tokolwa wu kuthwe kumwe, kamwe oke na okuhulitha shapo naahoka nee wo taka kala po, nena kaku shiwike naanaa kutya otaka vulu okulala ko ethimbo ele.Yina gwuunona mbuka, ano meme Elizabeth, ota ti kutya oKalunga ke e mu pe uunona we wa shitwa ngawo noku li ashike i inekela mu shaashoka she ya po.Ta ti kutya ehalo lya Kalunga nali gwanithwe.Olwo lwotango moNamibia tamu valwa uunona uukwana wu li kumwe ngawo noshi li nee eshongo enene kOondohotola dhomoshilongo noshowo muuyuni.Yamwe otaya ti kutya ngele uunona mboka owa kuthwa kumwe patando ndele kamwe taka si, nenge auhe tau si, kali shi edhipago nondjo ku Kalunga? Yamwe otaya ti ngeno nau ethiwe ashike wu kale ngawo, Kalunga a tale ye mwene sho te wu longele.Omundohotola nee nguka, Dr Hamata ota ti kutya ota thiki nena mOvenduka nuunona mbuka uyali wa shitwa omala gawo ge li kumwe notaku tiwa kutya ou na omutima gumwe nehuli limwe, otau falwa ongula yonena kOshipangelo sha Venduka okuza mwaashoka shEpangelo sha Shakati wu ka monike kOmundohotola gwOmitima ngoka ta zi kOkapa koSouth Afrika nena.Uunona mbuka uyali, uukadhona auhe, wa valwa ku meme gwawo Elizabeth Paulus gwokomukunda Iiwiyongo mUukwambi mOshitopowla sha Shana, ngoka e li Omukatoolika ka Roma, owa shashwa nale nokuli ku Pata Lukas Mosmedi gwa Katana, esiku tuu ndjoka wa valwa.Kamwe oko Monika Ngendinomuwa na Taimi Talohole ya Salomo Diogenus Shigwedha gwokOmege mUukwambi mOshitopolwa sha Shana.Edhilaadhilo ndjoka li li po, oku wu kutha ngeno kumwe paunongononi, ashike nee sho wu na omutima gumwe nehuli limwe, oshidhigu notaku tiwa kutya ngele okwa tokolwa wu kuthwe kumwe, kamwe oke na okuhulitha shapo naahoka nee wo taka kala po, nena kaku shiwike naanaa kutya otaka vulu okulala ko ethimbo ele.Yina gwuunona mbuka, ano meme Elizabeth, ota ti kutya oKalunga ke e mu pe uunona we wa shitwa ngawo noku li ashike i inekela mu shaashoka she ya po.Ta ti kutya ehalo lya Kalunga nali gwanithwe.Olwo lwotango moNamibia tamu valwa uunona uukwana wu li kumwe ngawo noshi li nee eshongo enene kOondohotola dhomoshilongo noshowo muuyuni.Yamwe otaya ti kutya ngele uunona mboka owa kuthwa kumwe patando ndele kamwe taka si, nenge auhe tau si, kali shi edhipago nondjo ku Kalunga? Yamwe otaya ti ngeno nau ethiwe ashike wu kale ngawo, Kalunga a tale ye mwene sho te wu longele.