Uukumwe wa BIG ina wi itaala etompelo lya NUNW

IILYO yuukumwe wegandjo lyiiyemo yopetameko nenge[Basic Income Grant] BIG oya ti yo ina yi tompelwa komatompelo ga gandjwa kondundahangano yaaniilonga moNamibia NUNW.

Ondundanda hangano yaaniilonga moNamibia oyi ikutha mo muukumwe mbuka ombaadhilila omasiku ga piti naashika osha ningwa inaashi tegelelwa kiilyo yomuukumwe mbuka.
Hilma Shindondola omuwiliki gwehangano lya Labour Resource and Research Institute , okwa i ndile opo NUNW a kundathane oshinima shika niilyo ye pethimbo lyoshigongi oshinene she , sha thanekwa okuningwa nuumvo.
Okwa ti uukumwe mbuka iwa itaala kutya omukalo nguka gwa BIG ogo gumwe tagu vulu okulongithwa omoluu wanawa waantu mboka ya hepa yo yamwe yaana iilonga.
Shindondola okwa popi pethimbo lyoshigongi shoonkundana, ta ti uukumwe mbuka otawu ka taamba aakalelipo yaaniilonga ngele oya tokola oku galuka.Uukumwe owa ti kawu uviteko kutya oshike epangelo inaa li hala okutula BIG miilonga ngele nguka ota ka kutha mo ashike ooperesenda 6 momutengeneko gwiimaliwa yepangelo komumvo.
Okwa ulike kutya omukalo nguka gwoku tidhila oluhepo kokule ogwa tameka okulongithwa kiilongo ngaashi Brazil, molwa ashike sho nguka gwa tamekwa nokusindana pOtjivero popepi nOmitara moshitopolwa sha Maheke.
Ehangano lyaaniilonga ya South Afria[Cosatu] olya ti lyo ota li ,yambidhidha edhiladhilo ndika, oshoka ota li ka shonopeka iilonga yoku ambidhidha ezimo alihe kwaamboka oyo ha ya longo .
Oshilyo oshitotipo sha BIG Herbert Jauch okwa lundile NUNW kutya oti iyutha komahalo gopapolitika gongundu yo Swapo, unene tuu sho ye eli iimangela kuyo.
NUNW okwa tseyithile metitatu kutya ye ota zimo muukumwe wa BIG, na ina hala we okulongela kumwe na BIG, oshoka aniwa oshinima sha BIG ita shi ka kuthapo oluhepo.
Jauch okwa ti etompelo lya NUNW kali na oonkondo dha sha, oshoka nonando amushanga ndyaji gwa NUNW, okwa ulike omikalo odhindji nkene oluhepo ta lu kandulwa po BIG itashi ti oye awike omukalo gumwe tii ta gu tidhile uuthigona kokule. Jauch okwa ti NUNW okwa ndopa okutseyithila iilyo iikwawo kombinga yomaipulo ngoka ena moshinima shika.
Etokolo lya NUNW olya adha uukumwe inaa wu li, ilongekidhila.
Omumbisofi Zephania Kameeta gwongerka ya ELCRN okwa ti oku uvite nayi koshinima shika, unene tuu sho NUNW inaa tseyithila iilyo yuukumwe omanga inaa ninga etseyitho ndika.
Kameeta okwa ti BIG ha ye awike omukalo gwo ku tidha po oluhepo, ndele uukumwe mbuka owa gandja ethaneko ndika ongo limwe lyomomathaneko okutidha po oluhepo.
Okwa ti BIG okwa ninga po eyooloko enene moshilongo na okwa kaleke oonkundathana dhokukondjitha uuthigona moshilongo tadhi popiwa.Kameeta okwa ti oku na einekelo kutya iizemo yomalolelo ga BIG yopOtjivero popepi, nOmitara oyo iiwanawa.
Ota ku popiwa kwaamboka ye li popepi na NUNW kutya ehangano olya kwankwa momutse koSwapo kombinga yaashika na ina li ha la li monike ta li tsondumbo nomuperesidende, Hifikepunye Pohamba ngoka kuyele a tile BIG ota kumike aantu ya kale aananyalo.