Uuketha womahogololo wa patululwa

UUKETHA womahogololo u li uhamano mboka wa li wa adhika mOombelewa dhOpolisi mOvednuka omasiku ga zi ko, ow ali wa patululwa komeho giikundaneki niilyo yoongundu dhopapolitika mEtitano lya zi ko.

Muuketha mbuka omwa li mu na oombapila dhomahogololo gEwawa lyAagundjuka mo Swapo.
Aanambelewa yaali yOkomisi yOmahogololo opo ya li pepatululo lyuuketha mbuka.
Oongundu dhoka dha li dhi na aakalelipo pepatululu lyuuketha mboka odho Swapo na RDP.
Oshiwike sha zi ko, Opolisi oya li ya popi kutya oya lombwelwa ko Swapo kutya Ewawa lyAakukuntu mOpaati ndjika olya li lya indile uuketha womahogololo uhamano kOkomisi yOmahogololo momumvo 2006 u ka longithwe pOkongresa yEwawa ndika ndjoka ya li ko omumvo ngoka na olya lya indile Opolisi yi u pungule, ihe ina u ka talwa ko.