Uudhano wOkapuka owo mboka tau zi hoka, Sammy ta ti

UUDHANO wEtanga lyokoompadhi, lyomoshimbamba, lyOvolley, nowObasketball, hau dhanwa kehe omvula kOosikola, unene dhomoshitopolwa sha Hangwena, hau ithanwa Annual Kapuka School Tournament nonuumvootau ka dhanenwa pOseko yOpombanda ya Ponhofi nokwa tegelelwa Oosikola odhindji, ngashi shito, dhi ka kuthe ombinga.

Omulongekidhi gwomaudhano ngaka, tate Sammy Mushelenga, ta lombwele The Namibian kutya, ngashi shito uudhano mbuka, tau ka kala ko mehuliloshiwike lyeti 19 Juni sigo 21 Juni 2009, nonuumvo otau ka kwatela mo Etanga lyokoompadhi lyaamati naakadhona, Obasketball, Onetball noshowo Ovolley.
Okapandi hoka taka kondjelwa muudhano mbuka, Mushelenga ta ti oke thike pOondola/N$18,380 mwa kwatelwa Ekopi hali yugathanwa noomedalia.Osipana yEtanga lyokoompadhi yaamati otayi inyolitha no N$260, omanga yaakadhona OoN$240. OnetaballN $240, Ovolley yaamati N$220, yaakadhona N$120. Ovolley yOoClub N$350, Obasket yaamati N$130 noyaakadhona N$130.
Ngoka ta ka dhenga mo Oosipana adhihe metanga lyokoompadhi lyaamati ota ka pewa OoN$2050 nEkopi, omutiyali otaka pewa N$1050, omutitatu N$300 nomutine N$200. kOmbinga yEtanga lyokoompadhi lyaakadhona ngoka taka dhenga mo yakwawo ayehe otaka pewa N$700 nEkopi, omutiyali N$400 nomutitatu N$280.
Omutango mo Netball ota pewa N$1000 nEkopi, Omutiyali OoN$700, omutitatu N$300 nomutine N$200.
mOvolley yaamati omutango ota pewa N$1000 nEkopi, omutiyali N$500, omutitatu N$300 nomutine N$200. Omutango mOvolley yAakadhona ota pewa N$300 nEkopi, omutiyali N$200 nomutitatu N$100.
Omutango mOvolley yOocluba ota pewa N$2500 nomalopi 9 geuyugathano, omutiyali ota pewa N$1500, omutitatu ota pewa N$600 nomutine ota pewa N$400. Omutango mObasketball yaamati ota pewa N$550 nEkopi lyeyugathano, omutiyali
N$350 nomutitatu OoN$100 omanga omutango mObasketball yaakadhona ta
pewa N$300, omutiyali N$200 nomutitatu N$100.
Kakele kuudhano mbuka wa Kapuka, Mushelenga ta ti, otaya ka kala wo nuudhano wetanga lyokoompadhi lyuumati wu li kohi yoomvula 13 noshowo etanga lyokoompadhi lyOonakudhana aakulu (oukrox wa kwashilipalekwa ku N.S. Plumbing Services cc), owa thanekwa wu ka kale ko mehuliloshiwike lyeti 6 Juni sigo 8 Juni 2009.
Okapandi hoka taka kondjelwa kwaamboka yoomvula dhi li kohi yoomvula 13 okethike pOoN$3000 nEkopi, omanga hoka taka kondjelwa koonakudhana aakulu yetanga lyokoompadhi kethike po N$5000 nEkopi.
Oosipana tadhi kutha ombinga otadhi futu kehe yimwe N$200. Osipana ndjoka tayi ya yotango otayi ka pewa N$1500, ontiyali N$1000 nontintatu N$500.
Mehuliloshiwike olyo tuu ndika Mushelenga ta ti otamu ka kala wo uudhano wOatletika wa kwashilipalekwa ku Kaansela gwOshikandjohogololo sha Ngela tate Ngidipohamba Ndilula, mwene gwo Ndilula Marathon Sport Club, moka tamu ka kala aamatuki yoshinano oshile, okuzaq kOhaingu wa thinda kOshikango nenge kOhangwena lwaahoka.
Tate Ndilula uudhano mbuka okwe wu kwashilipaleka nee nOondola/N$2000 noomedalia. Mushelenga ota indile kOosipana ndhoka dha hala okukutha ombinga momaudhano ngaka dhi inyolithe manga ku na ethimbo ye ta indile koshigwana shi ye shin yambidhidhe Oosipana dhadho nokundjangeka ngeyi uudhano mbuka. Ta indile koshigwana, unene tuu shoka oshinangeshefa shi yambidhidhe omaudhano mokati koshigwana, unene tuu shoka oshigundjuka.