Unita oku na uumbanda kutya Epangelo otali ka laateka omahogololo

LUANDA – Ongundu yompilameno ya Unita oya popi kutya oyi na uumbanda kutya Epangelo lya Angola otashi vulika li ka laateke omahogololo ga simana – ngoka ogo gotango konima yiita moshilongo shika, ngoka kwa tegelelwa ga ka tule oshilongo shika pomuthika gu li nawa.

Angola oku li oshilongo oshitiyali hashi longo omahooli ogendji muuyuni. Unita oku na uumbanda kutya otashi vulika omahogololo ngaka ga ka ningwe konima yomumvo 2006.Alcides Sakala, Amushanga gwIikwambelewa gwa Unita, okwa popi kutya omainyengo gOmupresidende Jose Eduardo dos Santos, gokutalulula Oveta yi na sha nomahogololo ngele oyi li tuu pakotampango, otashi vulika shi ka laateke omahogololo ngoka ga halika koyendji.”Shoka tu uvite osho shika kutya Omupresidende okwa hala okudhana ootakatika, nokupopya kutya omumvo 2006, kagu li nawa omo mu ningwe omahogololo,” Sakala osho a lombwele oshitumikundaneki sha Reuters ngaaka.”Ndika otali ka kala epuko molwashoka, oshigwana osha hala omahogololo.Oyendji oye na einekelo kutya onkalo otayi ka lunduluka,” ta tsikile ko ngaaka.Omahogololo ngoka ga ningilwe mo 1992, aatalelimahogololo yopaigwana oya li ya popi kutya oga li pauyuuki, ihe Unita okwa li a popi kutya kaga li pauyuuki, shoka sha ka tukula iita iinene moshilongo shika pokati ka Unita nEpangelo.Iita oya ka hula ashike momumvo 2002, sho omuleli gwa Unita Jonas Savimbi a dhipagelwa molugodhi, shoka sha ka eta aakwiita yongundu ya tulepo omatati.Oparliamende ya Angola oya li ya pititha oveta yi na sha nomahogololo mu Apilili nuumvo, ihe Sakala okwa ti Unita oku na uumbanda kutya okweeta Ompangu yOpombandambanda moshinima shika, otashi vulika shi ka kwate moshipala etotepo lyOkomisi yOmahogololo.”Shampa kapu na Okomisi yOmahogololo osha yela kutya kapu na ngoka ta ka kondolola omahogololo,” Sakala ta popi.Omugandjimulombo gwongundu ya MPLA, ndjoka ya tameke okulela oshilongo shika oshiyamba momahooli okuza sho Angola a zi muupika wAaputu momumvo 1975, okwa ti omumvo 2006 ogwo ngaa natango gwa talika kutya omo tamu ka ningwa omahogololo.- Nampa-ReutersUnita oku na uumbanda kutya otashi vulika omahogololo ngaka ga ka ningwe konima yomumvo 2006.Alcides Sakala, Amushanga gwIikwambelewa gwa Unita, okwa popi kutya omainyengo gOmupresidende Jose Eduardo dos Santos, gokutalulula Oveta yi na sha nomahogololo ngele oyi li tuu pakotampango, otashi vulika shi ka laateke omahogololo ngoka ga halika koyendji.”Shoka tu uvite osho shika kutya Omupresidende okwa hala okudhana ootakatika, nokupopya kutya omumvo 2006, kagu li nawa omo mu ningwe omahogololo,” Sakala osho a lombwele oshitumikundaneki sha Reuters ngaaka.”Ndika otali ka kala epuko molwashoka, oshigwana osha hala omahogololo.Oyendji oye na einekelo kutya onkalo otayi ka lunduluka,” ta tsikile ko ngaaka.Omahogololo ngoka ga ningilwe mo 1992, aatalelimahogololo yopaigwana oya li ya popi kutya oga li pauyuuki, ihe Unita okwa li a popi kutya kaga li pauyuuki, shoka sha ka tukula iita iinene moshilongo shika pokati ka Unita nEpangelo.Iita oya ka hula ashike momumvo 2002, sho omuleli gwa Unita Jonas Savimbi a dhipagelwa molugodhi, shoka sha ka eta aakwiita yongundu ya tulepo omatati.Oparliamende ya Angola oya li ya pititha oveta yi na sha nomahogololo mu Apilili nuumvo, ihe Sakala okwa ti Unita oku na uumbanda kutya okweeta Ompangu yOpombandambanda moshinima shika, otashi vulika shi ka kwate moshipala etotepo lyOkomisi yOmahogololo.”Shampa kapu na Okomisi yOmahogololo osha yela kutya kapu na ngoka ta ka kondolola omahogololo,” Sakala ta popi.Omugandjimulombo gwongundu ya MPLA, ndjoka ya tameke okulela oshilongo shika oshiyamba momahooli okuza sho Angola a zi muupika wAaputu momumvo 1975, okwa ti omumvo 2006 ogwo ngaa natango gwa talika kutya omo tamu ka ningwa omahogololo.- Nampa-Reuters