KAMPALA – Etokolo lyEpangelo lya Uganda okukala inali hiya Omupresidende gwa Sudan, Omar El-Bashir koshigongi shEhangano lyUukumwe wAafrika, otashi ulike kutya iilonga yOmpangu ya International Criminal Court (ICC) otayi yambidhidhwa mwAafrika, Ehanagno egameno lyuuthemba womuntu lyopaigwana, osho lya popi.
‘|Shika oshinima shi li nawa lela, sha ningwa kOmupresidende gwa Uganda, Richard Dicker gwehangano ndika lya Human Rights Watch, osho a lombwele oshitumikundaneki sha AFP ngaaka. Molyomakaya ga zi ko, Ombelewa yOmupresidende gwa Uganda oya tseyitha kutya Bashir ina hiywa koshigongi shehangano lyUukumwe wAafrika shoka tashi kala mu Uganda mu Juli.Dicker okwa ti omapopyo ga Bashir poshigongi shehangano ndika shomumvo gwa zi ko kutya ye okwa manguluka okuya kehe mpoka a hala, otaga ulike kutya kamu na oshili. Ompangu ndjika otayi kongo Bashir a ka pangulilwe iilonga iiwinayi mbyoka taku popiwa a longo pethimbo lyiita mu Sudan.William Pace, ngoka e li omutse gwehangano tali yambidhidi ompangu ndjika okwa ti ye oku na einekelo kutya eyambidhidho lyOmpangu nduka otali ka pula komeho. – Nampa-AFP
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
