Tshithigona ota yapulwa ngula pOkatana, nOngeleka ya Kakekete omOsoondaha

O NKUNDANA ye tu zilila mOmbelewa yOmumbiisofi Omukuluntu gwOngeleki ya Katoolika ka Roma, Liborius Ndumbukuti Nashenda, mOvenduka otayi ti kutya omumati omugundjuka gwomomukunda Omusimboti mUukwambi mOshitopolwa sha Shana Mathias Ndemutshiwa Tshithigona ota yapulilwa Uupristeri ngula mOlyomakaya meti 20 Oktoba 2007 pOkatana kOmumbiishofi Omukuluntu gwOshikandjongeleka sha Venduka Ndumbukuti Nashenda.

Omupristeli Omukuluntu gwAapristeli mOshitopolwangeleka shaWambo Pata Jose Thomas, ta lombwele Oshifo shika kutya Oshituthiyapulo sha Pata omupe Mathias Tshithigona, shoka kwa talika tashi ka kalwa kengathithi enene lyAakriste, otashi ka tameka pOmugoyi (09h00) gwongula pOkatana. Ongeleka ya Katoolika ka Roma, unene mOshitopolwa shoka hashi ithanwa Owambo, oya kala noyi li natango mompumbwe yOopata aavalelwamo.Ashike okuya momathimbo ngaka, ompumbwe ndjika otayi ende tayi kanduka po kashona nakashona sho aamati aagundjuka taya ende taya kutha eithano lyUupristeli.Omupristeli omupe Mathias ogwEgongalo lya Oblate Maria Immaculate (OMI).*Pokati mpoka Omupristeli Omukuluntu gwAapristeli mOwambo Jose Thomas okwa tseyitha wo kutya mOsoondaha yeti 21 Oktoba 2007, Omumbiishofi Omukuluntu Nashenda otaka yapula Ongelaka ompe pOkakekete mOmbalantu mOshitopolwa sha Musati ndjoka ya tungwa po keitulomo lyAakwanegongalo yOngeleka ya Katoolika mOkakekete, pakwathelo lyOmumbiishofi Omukuluntu Nashenda nosho wo payambidhidho lyookuume kAakakekete okuza koombinga noombinga.Nale Aakariste ya Katoolika mOkakekete oya kala haya ka gongala kOmagongalo ngashi Oshikulufitu, Onelago, Olufalwanashitala nOmbundamuti.Egongalo epe lya Kakekete oli li Oshitayi shEgongalo enene lya Nelago.Oshituthiyapulo lyOngeleka otashi tameke pomugoyi (09h00) gwongula.Ongeleka ya Katoolika ka Roma, unene mOshitopolwa shoka hashi ithanwa Owambo, oya kala noyi li natango mompumbwe yOopata aavalelwamo.Ashike okuya momathimbo ngaka, ompumbwe ndjika otayi ende tayi kanduka po kashona nakashona sho aamati aagundjuka taya ende taya kutha eithano lyUupristeli.Omupristeli omupe Mathias ogwEgongalo lya Oblate Maria Immaculate (OMI).*Pokati mpoka Omupristeli Omukuluntu gwAapristeli mOwambo Jose Thomas okwa tseyitha wo kutya mOsoondaha yeti 21 Oktoba 2007, Omumbiishofi Omukuluntu Nashenda otaka yapula Ongelaka ompe pOkakekete mOmbalantu mOshitopolwa sha Musati ndjoka ya tungwa po keitulomo lyAakwanegongalo yOngeleka ya Katoolika mOkakekete, pakwathelo lyOmumbiishofi Omukuluntu Nashenda nosho wo payambidhidho lyookuume kAakakekete okuza koombinga noombinga.Nale Aakariste ya Katoolika mOkakekete oya kala haya ka gongala kOmagongalo ngashi Oshikulufitu, Onelago, Olufalwanashitala nOmbundamuti.Egongalo epe lya Kakekete oli li Oshitayi shEgongalo enene lya Nelago.Oshituthiyapulo lyOngeleka otashi tameke pomugoyi (09h00) gwongula.