TransNamib oye mwene a futu omashina gaChina

OMITSE dhomashina ne ndhoka TransNamib a landa koChina koodola oomiliona 44 odha futwa niimaliwa yehangano lyolyene.Ominista Yiilonga omusamane Helmuth Angula okwa lombwele oparliamende metine.

Sho a yamukula epulo lyomutotimpango Arnold Tjihuiko gwo Nudo, Angula okwa ti ofuto yomitse ndhika oya ningwa sha ukilila kehangano ndyoka lya landitha iilongitho mbika sha pitile mombaanga yalyo.’Ina pa longithwa ando omweendi gwopokati pethimbo omashina ngaka ta ga landwa.,’ Angula ta popi nomuthindo.Omitse dhomashina ndhika odha thikile, moshilongo uule woomvula ntano dha piti, ndele odha vulu ashike okulongithwa uule woomwedhi 33 nodha mono uupyakadhi lwo 265 pethimbo ndyo okuza mu Kotoba 2004 sigo Juni 2007, Angula ta lombwele oparliamende ngaaka.’TransNamib okwa thikameke omashina ngaka mu Juni 2007 molwaashoka otaga longo nuunkundi,’Angula ta gwedha ko.’Etokolo okulanda omashina ngaka olya li lya ningwa sho kwa li kwa monika kutya oge li nawa pamahupilo, ndele molwaashoka ka pwa li ekonakono lya nkene taga ka longa, noshowo sho inaa pa talwa nawa kuukwatya wa go wopaungomba nangele otaga opalele moNamibia, omashina ngaka ka ga li nani omawanawa nomudhingoloko gwa Namibia.Kepulo lya Nora Schimming Chase omutotimpango gwo Cod pethimbo kutya olye ta ka futila ‘ondjamba ontokele ndjika’ lyomumvo 2005/2006, Angula okwa yamukulile ta ti TransNamib nehanganolya China oya li ya uvathana kutya omashina ngaka ota ga ka pangelwa koodola oomiliona mbali.Omashina ngaka oga li ga landwa opo ga longithwe mondjila pokati ka Venduka nOndangwa noshowo pokati koVenduka nokapale koondhila ka Hosea Kutako,ndele shika inashi ningwa.Omalweendo ga go oga lundululwa opo ga kale haga ende pokati kaMbaye na Venduka noku za mu Juli 2006 omashina ngaka oga kala taga ende pokati koVenduka nOndangwa lumwe moshiwike konima sho olutenda ndoka lwa li ta lu tungwa lwa pu.OmuguGwombashe Star ogwa teka po mu Maalitsa 2007 sho ongelabokisa ya yonuka.Molwaashoka omashina ngano oga li ashike ga longelwa Namibia opwa li uudhigu oku mona iiparte oku za koChina naasho oshiparte sha thiki mu Septemba 2007, oshiparte shika osha yonuka ishewe konima yoomwedhi 15 2008, iiparte iikwa wo oya tumununwa naashi ga pangelwa ngashingeyi omashina ota ga longo ndele iha ga yiwe kOndangwa.