Tjiriange a laleke oparliamende

MINISTA gwOonakulwa aakulu, Ngarikutuke Tjiriange okwa laleke iilyo yoparliamende metitatu omanga inaa ya moshipundi shevululuko ongo omutotimpango noshilyo shokabinete ka Namibia.

‘Otandi pandula ayehe mboka yakuthombinga mekondjelomanguluko, mboka ya kondjitha omukolonyeki omunankondo, nokweeta ngaaka kutya nena otwa kuutumba moparliamende yaNamibia lyamanguluka, na otuna okabinete,omuperesidende, egumbo lyokutota oompango, noshowo oshikondo shoompangu,’Tjiriange a ti.’Opena natango omashongo ogendji ngoka gena okutaagulukwa ngaashi, ondjala, oluhepo noshowo okugandja evi, sigo oompaka inatu thika mpoka twa hala okuya.Natango katu na ompito okuya pomahala mpoka aakuluntu yetu noshowo okuku yetu ya fumvikwa mevi.Mboka tamu taamba oshinakugwanithwa shelelo okuza kutse otandi mwiindile mu tale iinima mbika’Tjiriange ta kumagidha.Okwa ti aagundjuka ya Namibia inaya lombwela aaleli kutya yo ina ya hala okulombwelwa kombinga yondjokonona, oshoka ngele inaya hala oku uva ondjokonona otaya kala ye li owala.’Onda li ominista yuuyuki ndjoka ya longa ethimbo ele muumbugantu waAfrika noshowo muuyuni,’Tjiriange ta lombwele egumbo.Tjiriange okwa longo ongo ominista yuuyuki uule woomvula omulongo.Sho a tsikile ta popi moTjiherero, Tjiriange okwa dhimbulukwa ekondjelomanguluko momimvo 1960’.Okwa ti ye , Hage Geingob, Theo Ben Gurirab, na Libertine Amathila oya li aagundjuka sho ya tameke ekondjelomanguluko, na oya kondjo etumo lyopandjokonona.Okwa ti ngashingeyi aagundjuka oye na oshinakugwanithwa okutsikila mpoka twa hulile okutu mangulula mondjala, komikithi ndhoka tadhi tu dhipaga.Otwa pumbwa okukala mombili, nomeyambeko’Okwa ti konima yokuya moshipundi shevululuko ye itaka mwena owala ndele ota longele natango ongundu yoSwapo. Tati aantu ihaya hogolola epangelo ndele yo oha ya hogolola oongundu dhopolitika, na okuna einekelo kutya ongundu ye otayi kala nokusindana omahogololo opo aluhe yi kale tayi pangele.Oshipopiwa she osha tolokwa kuminista gwopevi, Kazenambo Kazenambo.Omutotimpango gwo DTA, McHenry Venaani okwa laleke woo egumbo tati okwa pandula kompito ndjoka a li ena oku longa naamboka ya eta emanguluko, Na okwa uvaneke kutya otaka shanga shika membo lye.Okwa ti onsteyo ye oya koko nokuhuma komeho omolwa iinakugwanithwa mbyoka a li a pewa pompito mpoka a li eli ongo omutotimpango.’Oshinima tashi nikitha oluhodhi kutya otandi thigi po egumbo, ndele onda pandula ayehe, na unene tuu aatotimpango aakiintu mboka ya longo ndje oshindji, na ondi iilongo omadhildhilo gi ili no gi ili. Oparliamende onkulu oya kuutumba sigo ometine esiku lyawo lyahugunina, naandjoka tayi landula otayi ka ganithilwa iilonga metitano.