The Dogg a nyanya molwombili

AAHOLI yoongalo niiyimbo ya totwa kehangano lyiikwangalo lyedhina Mshasho Productions oya ende pamwe nependa lyawo The Dogg mokunyanya nokundhelela omolwa ombili moVenduka metitano.

Onkulungu mokwaito, ngoka a li nehokololo ta li limbilike oshiwike sha yi konima ye undulathano mehala lyokongulohi lyomoshilando okwa gandja omushangwa nyenyeto kopolisi ya Namibia.Onkulungu ndjika ya yonenwa ondjelo moshiningwanima shomombaa ndjoka okwa gandja euvaneko okukondjela nokuhumitha komeho onkalo yombili moshilongo.’Oshiwike sha yi onda ningwa oshinima shoka sha papudhula ndje. Peha lyo ku longitha oonkondo dhandje ndi geyele nondi huge mboka ya ningile ndje shika, onda tokola ndi longithe ethimbo lyandje opo ndi nwethemo ngame ndi popye pehala lyaamboka kaayena ewi.Ota tu ti oshagwana,’ osho a popi manga ta lombwele omugandjimalombwelo gwoshitaasi shopolisi yaVenduka, omukonakoni omukuluntu, Robert Sanjahi.Sanjahi okwa ti okwa kumikwa oku mona aagundjuka oyendji ta ya popile ombili, nokwa indileThe Dogg nenge Martin Morocky noonkulungu oonkwawo miiyimbo ya kale yena oshinakugwanithwa ngele ta ya toto iiyimbo noongowela dhayo.’Etumwalaka lyeni lyotango na li kale lyombili,’Sanjahi te ya lombwele.Okwa indile woo kaagundjuka unene mboka kaayena iilonga opo yi iyambe ongaa polisi yiiyamba.