Tatekulu Simon Haikela womOshalembe e tu fiya po

T ATEKULU Simon Haikela, omukulupe weedula 88 womomukunda Oshalembe mOnheliwa mOukwanyama mOshitopowla sha Musati kwali, a dalwa modula 1917, omudo Ohamba Mandume ya Ndemufayo a fya, okwa hulifila meumbo laye mOshalembe meti 30 Juli 2005.

Otaku tiwa kutya tatekulu Haikela, oo e li omona wa Haikela ya Hakwenye na meme Naita ya Hafino, okwa dalelwa mOihole ya Mandume, nomOshalembe okwe ya mo na xekulu Shaukwanyama, na omo nee a putukila. Oye a kokola po Ofikola ya Dimbwa oyo paife yedina Ekangolinene, yi li mOshikandjohoololo sha Etayi.Tete, ofikola ei okwa li he yi longele peumbo la tate Gabriel ya Shekudja mOdimbwa , fio a pewa epitikilo opo e i dike pomunghenye opo yadikwa tetetete.Okwa li a hombola nomuholike waye meme Ester Mwenyombali, oo naye yo e tu tetekela nale.Nakufya tatekulu Haikela na meekulu Mwenyombali, ova pelwe omaano ounona vahamano, oukadona vatano nomumati wavo umwe.Ovakainhu vavali ova tetekela nale.Ovatekulu ava a fiya ko ove li omulongo navane, outekulu vahapu lela noshoyo nee ovamwaina vavali ovakainhu.Nakusa tatekulu Haikela oye nakudala meme Maria Mutaleni Kavalela oo e li Kaansola womOndoolopa ya Ngwediva noku li yo Omulongifikola mOseko yOpombanda ya Gabriel Taapopi mOngwediva noshowo Ndamononghenda ya Haikela ou ta longele kOmaleishiya paife mOuninisteli wOinima yOpondje noshoyo nee Johannes Haikela.Oshivilopako shaye, osho sha li sha kalwa kengafifi linene, mwa kwatelwa kwali ovalongwa vaye votete voomeme Dortea Nghinaunye nosho tuu, osha ningilwe pOshalembe meti 2 Auguste 2005.mOshipopiwa shaye, meme Dortea okwa holola oupenda wa nakufya tatekulu Haikela mokulonga ofikola pefimbo linya nokweenda eendjila dile okuya kOmambo kOngenga.Ta weda po ta ti, ” Kalunga oye e tu pele, ye oye e tu kufa tate wetu, tatekulu wetu e tu tekula nalenale.Omwenyo wange oKristus nefyo olo elikolo,Tulumukwa nombili u teelele ongula yependuko.”Oshifo shetu nasho otashi yandje omahekeleko koonakufiwapo atusheni.Oye a kokola po Ofikola ya Dimbwa oyo paife yedina Ekangolinene, yi li mOshikandjohoololo sha Etayi.Tete, ofikola ei okwa li he yi longele peumbo la tate Gabriel ya Shekudja mOdimbwa , fio a pewa epitikilo opo e i dike pomunghenye opo yadikwa tetetete.Okwa li a hombola nomuholike waye meme Ester Mwenyombali, oo naye yo e tu tetekela nale.Nakufya tatekulu Haikela na meekulu Mwenyombali, ova pelwe omaano ounona vahamano, oukadona vatano nomumati wavo umwe.Ovakainhu vavali ova tetekela nale.Ovatekulu ava a fiya ko ove li omulongo navane, outekulu vahapu lela noshoyo nee ovamwaina vavali ovakainhu.Nakusa tatekulu Haikela oye nakudala meme Maria Mutaleni Kavalela oo e li Kaansola womOndoolopa ya Ngwediva noku li yo Omulongifikola mOseko yOpombanda ya Gabriel Taapopi mOngwediva noshowo Ndamononghenda ya Haikela ou ta longele kOmaleishiya paife mOuninisteli wOinima yOpondje noshoyo nee Johannes Haikela.Oshivilopako shaye, osho sha li sha kalwa kengafifi linene, mwa kwatelwa kwali ovalongwa vaye votete voomeme Dortea Nghinaunye nosho tuu, osha ningilwe pOshalembe meti 2 Auguste 2005.mOshipopiwa shaye, meme Dortea okwa holola oupenda wa nakufya tatekulu Haikela mokulonga ofikola pefimbo linya nokweenda eendjila dile okuya kOmambo kOngenga.Ta weda po ta ti, ” Kalunga oye e tu pele, ye oye e tu kufa tate wetu, tatekulu wetu e tu tekula nalenale.Omwenyo wange oKristus nefyo olo elikolo,Tulumukwa nombili u teelele ongula yependuko.”Oshifo shetu nasho otashi yandje omahekeleko koonakufiwapo atusheni.