OMUKALIMO a tseyika nawa gwomOmbaye mOshitopolwa sha Rongo nomOngenga mOshitopolwa sha Hangwena, tatekulu Kaupuwa Ndjadila okwa mana oondjenda dhe mOshipangelo sha Kahandja mOlyomakaya ga zi ko konima yuuwehame nomepepi lyoomvula odhindji.
Nakusa tatekulu Ndjadila, ngoka ethimbo olindji lyonkalamwenyo ye e li kala unene mOmbaye, na oye he yaamati mbaka, Laban Ndjadila, Boy-Boy Ndjadila, Dan Ndjadila nayakwawo yalwe, okwa thiga ko omukulukadhi gwe meme Paulina Ndjadila, oyana naatekulu oyendji.
Ota fumvikwa mOlyomakaya ngaka twa thinda mOmbaye okuzilila mongeleka yawo yomOmbaye mokamOkuisebmond omanga Oshituthidhimbuluko she tashi kala ko mEtitano lyoshiwike shika mOmbaye tuu moka.
Nakusa tatekulu Ndjadila okwa li gwaantu ayehe noyendji, unene tuu mboka yomOmbaye moka, otaye mu pongola noonkondo. Oshifo shtu otashi gandja omahekeleko koonakuthigwapo atuheni.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
