Tatekuku Hamata a dana oshivilodalo shaye sheedula 109

OMUKULUPE womomukunda Omafo popepi nOhangwena mOukwanyama mOshitopolwa sha Hangwena tatekulu Henock Ndinonya Hamunyela Hamata meti 26 Desemba 2008 okwadana oshivilodalo shaye sheedula 109 peumbo laye pOmafo.

Oshivilo osha li sha kalwa kovanenenhu, n gashi kOmumbiishofi wa ELCIn e li mOshipundi shetulumuko tatekulu Appolos Kaulinge, Omumbiishofi wa ELCIN eli mOshipundi shetulumuko Omundohotola Kelopas Dumeni, Omufita JosaphatShanghala, Omufita Nehemia Sheefeni, ovana vaye, hano va tatekulu Hamata,tava kwatelwa komesho komonamati Omundohotola Naftali Hamata, BrigadierRauna Kapawanwa Hamata na meme Haipinge, oitenya tai kwatelwa komeshokOmufita tatekulu Elia Haipinge, ovatekulu, ovashiinda nookaume vahapu.
Ondjokonona ya tatekulu Hamata, oyo a shangifa ye mwene oya leshwa oyaleshwa komona tatekulu Laban Hamata na oya li ngaha; ‘Ame Ndinonya Hunyela yaHamata onda dalelwa momukunda hau ifanwa Oihambo popeni mOmupanda haiifanwa paife Dumeni. Tate okwa tembuka po tai kOkatengefitu, okwa alukile
ko a shuna kOihambo ndele taka ninga omukunda waye Okatengefitu keli popepinOnghengela ko oko a fila.Handi kufwa po komukulukadi mumwaina watate ndele handi kala handi lifa eengobe daNande yaHedimbi da li meumbo letu popepi nOnghumbwaimbi omu mwaliouhamba waNande shaashi ye inaya kOndjiva.
Meedula odo okwa holokeele ondjala.Pefimbo londjala onda ilwa mooHaufiku ndiye kOuyele kooHaukongowaNamupunda. Onda ninga ko eedula donhumba. Haukongo eshi a fya onda kufwa po kovatekulu Puleni Haidula navakwawo, vali kOmevamalulu. Pefimbo londjala yokapuka eshi ya pita po onda kufwa po kooPuleni nda shuulwako komukulu wange Nghipandwa ndele ta etange mooNauyoma yaMweshipandeka mOshikango penya pena Ngwaalada.
Onda ninga mo ashike okafimbo kashona ndele handi twalwa
kohambo yaHamwaama, efimbo olo eli mOkatope, nda ninga omunahambo, nda lifaeengobe ngaashi kOhaihana neenhele dikwawo.
Nauyoma eshi afya onda hanga nda twala eengobe di kalye oihati keumbo laye.Nauyoma okwa lekelange onguloshi ndi shune neengobe kOkatope. Eshi kwasha mboli a mona kutya ota fi okwa tuma okamati Dumeni kwaame ndiye kuye. Ondemu hanga eli pokalupale kaye a yaamena. Eshi nda kolola okwa dimbulula
ondaka yange ndele tati eengobe inadi ya vali kohambo. Efiku tuu olo Nauyoma oka mana eengeda. Ondali umwe womwaavo va shingapo eengobe pamukalowokufyuulula eengobe.
Eengobe otwedi twala kooNghidinwa yaHaihambo kOnhamhinda. Otwa ya kOmaputu kooIpumba kwali kuna eengobe dimwe ndele hatudi fitikinineko di haye nande nomunhu umwe.
Onda lopotwa koo Andriasa yaShindjoba kutya onda vaka eengobe ndele handi di kufwa. Nda shuna keumbo letu kooHamwaama kOkatope. Nda mona kutya onda ninga omumati a kula nokuya koushimba kokawe kaMbaye.
Onda ningako odula imwe. Nda alukila keumbo. Nokonima nda shuma koushimba kokawe kaLiindili ko oko nda shashelwa momudo 1920 muAuguste.
Nda alukila kOwambo ndele inandi shuna vali kOkatope shaashi onda tila pamwe itandi kolekwa. Onda ya kOvenduka yaHamwaanyena tayi kEyovela. Onda tulwa moilonga yolutenda olo landja mOvenduka la yuka kokapale oko paife haka ifanwa paife Hosea Kuutako.
Eshi ndadja kolutenda onda kutwa mopoosa moilonga yokufela eepaala deengodi. Nda ningwa folomana yavakwetu shaashi ndali nda monika ndina omayele ndi dule vakwetu.
Konima yokafimbo Erastus yaHailemo okwa tulange ponhele yaye mohotela omo nda noxola mo ndele handi kalamo eedula nhatu. Modula 1930 omwa ningwa oshikonga shoku hadamo ovo veli moushondolo. Ame onda lekela ndiye keumbo, itandi futu, ndele eshi nda lekela, kwinya ovanhu otava futifwa. Nda futa
ngoo nee ndele handi ya kOwambo. Onde uya meumbo laImmanuel Hamata omukuluwange.
Handi kongo okakadona nda mona Saara yaTomas yaNhinda. Handi
hombolele mooImanuel ndele hatu pelwamo omaano okaana kokaadona. Ondali ndina okudika eumbo mOhangwena opo pena Usko Nghaamwa. Ndele eshi inandi hala oku monifwa oixuna kuHaufiku yaKasheeta elenga loshikandjo, onda indila
omusamane Josef yaNghishekwa ali mepya laShikapa a penge onhele mekove laye.
Okwa pange onhele apa ndili paife ngaha. Ndaya pamwe nakwetu vahapu momukwakwa, twa lambalala onhaulila kolupadi fiyo
okOtswana. Mufye mwa hoololwa ava inava kola nawa vaye kuunafalama, naame omo ndali mwaavo. Ondaya kofaalama koRhodensia. Otwa yako tuli omulongo twaka longa komakaya oule wodula imwe.
Twa monika nee twa kula ndele hatu twalwa nee kOdjoini keemina. Ovo nee va monika va kola muvo omwa li ngaashi Mateus Nghiwewelekwa na Abraham Halweendo navakwawo.
Konima yodula imwe eshi ndeya koshilongo inandi ya vali koushimba.
Ondaka longa kovasoomi kEenhana moilonga yetungo leengulu omanga omukulu wange Immanuel eli moshihongelo. Pefimbo olo mEenhana omwali Feelani Linda ou a tunga oshihakulilo Shangela ye oye ngoo a tungapo shaEnhana.
Konima yodula imwe okudja kEenhana onda ka longa moshihakulilo shaNgela omanga omukulu wange Immanuel eli koshitopolwa shongerki. Ondali handi ifanwa ndika longe koshitopolwa shongerki omafimbo amwe ame handi shuna
ngoo koshihakulilo fiyo osheshi nda ninga womongundu yovakulupe.
Nda lekelwa moilonga komutumwa Raimo itandi dulu vali oku longa nawa. Onda hombola okakadona kange Saara yaTomas yaNhinda modula 1933. Nda hombolela meumbo lomukulu wange Immanuel Hamata. Onda djamo 1936 ndeya oku ninga
eumbo letu apa ndili fiyo onena.
MooImanuel otwa monena mo okaana ketu koshiveli Viktoria Ipawa mo1934. Otwa pewa oshali shounona vaheyali, ovalumenhu vane novakainu vatatu. Aveshe omo veli momwenyo. Omukulukadi wange Saara okwa fiyangepo modula 1979 eshi Kalunga emu ila po pa pita paife eedula 29.
Onda mona vali omukwafi meme Albertina yaLazarus yaNauta
ali ha longo menongelo lovayakuli ongalo. Otwa ningile oshivilohombolo mo1981. Meme Albertina okwa teembukamo omu modula 2005. Eshi shemu tembukifa itandi shi yelifa naana,
ashike oinima yaye imwe omo ili omu.
Pefimbo te mu yambeke noku mu nangeka noupuna, Omumbiishofi Dumeni, okwa pandula neenghono ounona wa tatekulu Hamata eshi we mu sila oshisho nawa ngaho. Ta indile kovadalwa aveshe va kale tava file ovakulunhu vavo oshisho nawa ndele tava kala nomwenyo mule ngaha.
Oshivilo, osho sha li sha yelulwa neilikano kOmumbiishofi kaulinge nokupatwa neilikano kOmufita Sheefeni, konima eshi Omundohotola Hamata a yandja omapandulo ponhele ya tate wavo, osha li sha wilikwa ku tate Vilho Shimwooshili na meme Martha Nghishidimbwa.