Tate Kandiyelu na meme gumwe ya pila mondunda yokulala

O NKUNDANA yoluhodhi noyi halukitha noonkondo oye tu zilile momukunda Oshali/Ongha mUukwanyama mOshitopolwa sha Hangwena, tayi ti kutya omukalimo gwomomukunda moka, tate Daniel David Ndeevelo gwoomvula 63, a tseyika wo nawa nedhina Kandiyelu, okwa si eso lyombaadhilila nolinyanyaleka sho a pile mondunda moka a li a lala ongulohi yokupendukila metitano ndika lya zi ko.

Otaku tiwa kutya mondunda moka tate Kandiyelu okwa li mo na meme gumwe gwedhina Elizabeth ngoka wo naye omo a hulithila moka. Kutya oshike sha eta omulilo ngoka kashi shiwike nOpolisi otwa kundana tayi shi konaakona.Tate Ndeevelo, oye he gwokamatyona kedhina Festus Daniel Ndeevelo, ka li haka sikola mOseko yOpombanda yaNgha nokasile omvula ya za ko meti 8 Juli 2005, taku tiwa kutya oka si sho ka dhengwa aniwa pOsikola yawo mpoka kaalongi.Oshipotha shika natango oshi li mOmpangu nomakonaakono gOpolisi oga kala taga tsikile.Nakusa tate Ndeevelo otaku tiwa kutya ota fumvikwa ongula yonena pOngha yawo mpoka.Oshiningwanima shika sheso lyawo sho ya pile ayehe mondunda moka, osha halukitha ayehe yomomukunda moka, naanegumbo lye oye li tayi ipula kutya omulilo ngoka ogwe ya ngiini.Opolisi otayi konaakona epyo lyawo kutya olya ende naanaa ngiini.Kutya oshike sha eta omulilo ngoka kashi shiwike nOpolisi otwa kundana tayi shi konaakona.Tate Ndeevelo, oye he gwokamatyona kedhina Festus Daniel Ndeevelo, ka li haka sikola mOseko yOpombanda yaNgha nokasile omvula ya za ko meti 8 Juli 2005, taku tiwa kutya oka si sho ka dhengwa aniwa pOsikola yawo mpoka kaalongi.Oshipotha shika natango oshi li mOmpangu nomakonaakono gOpolisi oga kala taga tsikile.Nakusa tate Ndeevelo otaku tiwa kutya ota fumvikwa ongula yonena pOngha yawo mpoka.Oshiningwanima shika sheso lyawo sho ya pile ayehe mondunda moka, osha halukitha ayehe yomomukunda moka, naanegumbo lye oye li tayi ipula kutya omulilo ngoka ogwe ya ngiini.Opolisi otayi konaakona epyo lyawo kutya olya ende naanaa ngiini.