Tangi unene Standard Bank: Nakapala ta ti

PETHIMBO ta popitha oshigwana shoka she yile keegululo lyOshitayimbaangashOkmbaanga ya Standard pOnandjaba mOkalongo mOshitopolwa sha Musati mOlyomakaya ga zi ko, Omupeha gwElenga enene lya Kalongo tatekulu Mathias Walaula, ano tatekulu Timotheus Nakapala, pehala lyAakalongo, okwa pandula noonkondo Ombaanga ya Standard sho ya ninga etokolo yi tunge Oshitayimbaanga shayo mOkalongo moka mwa kala mu na ompumbwe onene yOombaanga naakalimo haya ende oondjila oonde okmuya kOshakati nosho tuu ya kambaange nenge ya kanane iimaliwa yawo.

‘Oshinima ehumokomeho. Okalongo oka kala ka dhinika, molwashoka otwa kala tu li kohi ya yakwetu, sigo tatu ikutha ko tse yene nokukala twiithikamena kutse yene ngeyi, tu li nawa, tu li kutse yene ngeyi. Aanangeshefa yetu mboka oyo taya kwatele komeho emona lyoshitopolwa noshilongo, ngashiingeyi oye uvite nawa nenge hwepo, omolu Ombaanga sho ye ya kOshitopowla shetu sha Kalongo.
Atuhe otwa nyanyukwa notwapandula noonkondo sho Aawiliki yakwetu ya Standard Mbanga ya dhilaadhila nawa ye tu etele omayakuloo gOmbaanga yawo popepi natse mOkalongo, mOnandjaba,’ tatekulu Nakapala ta ti ngawo nokukunkilila oshigwana sha Kalongo shi longithe Ombaanga yasho ndjika ngashi tashi vulika noku yi takamitha wo nawa, oshoka ngashiingeyi kayi shi we ya Standard Bank, ihe oya ninga po yoshigwana shomOkalongo.
Tatekulu Thomas Elago, mwene gwomukunda Oushipu, okwa nyongotholela wo The Namibian konima yoshituthiegululo kutyaotashi ka kala oshiwanawa nge Oombaanga oonkwawo moshilongo tadhi landula oshiholelwa oshiwanawa sha Standard Bank, molwashoka mOkalongo omu na w3o iilyo oyindji yOombaanga dhilwe ngashi unene ndjoka yOtango yOpashigwana (First National Bank -FNB).