Tangi unene sanlam…

Ehangano Ekwashilipaleki lya Sanlam, mEtine lyOshiwike sha zi ko olya gandja omagano gOshimaliwa shOodola dha Namibia eyovi limwe (N$1000) kOsikola yaanona yedhina Onamihonga Primary School tayi adhika muuzilo wUukwanyama moHangwena, opo yi kiikwathele moompumbwe dhayo.

Omunambelewa Omugandjimayele Omukuluntu mo Sanlam tate, Jackson Hangula oye a gandja Otjeke yooN$1000 ndjika kOmupehakuluntusikola mpoka meme Maria Shikufa, ngoka a taamba ko oshimaliwa shawo shika pehala, lyOmukuluntusikola gwawo meme Hilya Shinana, ngoka ka li po omolu oshiponga shohauto.Kakele kOsikola ya Namihonga, Sanlam oshiwike sha zi ko okwa gandja wo omagano goshimaliwa kOosikola ngashi Omusimboti, noshowo Okando, omanga moshiwike shika taka gandja wo ekwatho ndika koOsikola Opawa SP mOnheleiwa mOukwanyama mOshitopolwa sha Musati. Omusamane Hangula okwa ti kutya Sanlam okwa tokola okukwathela oshigwana, unene tuu mokuhumitha komeho oshigwana shokomongula naamboka taye yahumitha komeho.Ta indile kaanasikola yoposikola ndjika ya Onamihonga, yi ilonge ya mana mo ndele taya ka kala uuyelele moshigwana. Omulongisikola Mathews Mutendewa, okwa pandula Sanlam pehala lyosikola yawo. Ta ti Sanlam na simanekwe, na Kalunga ne mu yambeke, omolu ehalo lye lyokukwathela oshigwana shokomongula ngeyi, unene tuu shoka shomIitopolwa yomuushayi. Mutendewa ta indile wo kOmahangano galwe gOpaimaliwa ga landule oshiholelwa oshiwanawa sha Sanlam shokukwathela oshigwana moompumbwe dhasho unene tuu shoka shokomongula.