Taleliipo oshilongo sheni

AANAMIBIA oyendji sigo oompaka ina ya mona efuta, ombuga nenge iithitukuti, ngaashi, oondjamba, nenge oompanda monkalamwenyo.

Ngaka ogo omadhiladhilo goMinista yOmudhingoloko, nuupashioni, Netumbo Nandi-Ndaitwa. Pethimbo lyoku dhimbulukwa esiku lyokutalelapo muuyuni, po Tsumkwe olyomakaya.Okwa ti aaNamibia oya pumbwa okulundulula onkalo ndjika. Nandi -Ndaitwa okwa kumike aakwashigwana opo ya tameke oku talelapo oshilongo shawo, nokunyanyukilwa shoka shili moshilongo. Okwa ti aaNamibia oya pumbwa okukonakona oshilongo shetu nokushi mona kutya oshiwanawa. Okwa ti nonando oyendji iha ya ka enda nokutalelapo mpaka naampeyaka molwa ondando yomahala gokulala, opena oompito dhilwe okutalelapo ngaashi okutalelapo mokulongitha omahala mpoka hapa dhikwa oothaila, shika oshina ombiliha na otashi nyanyudha.Okwa ti aakwashigwana oya pumbwa okwiilonga okupungula opo limwe lyomomasiku ya vule okuka talelapo moshilongo.Ongo oshiholelwa oshifo shoThe Namibian osha pula Phillipus Shuudi omuhingi gwotekisa moVenduka, ngoka a ti sigo oompaka ina mona natango efuta lyaAtlantica. Okwa ti ina vula oku ya komunkulofuta oshoka kena oshimaliwa okushininga, unene tuu shoka sho ku futa mpoka ta ka lala, mohotela nenge molodge. Shuudi okwa ti esiku limwe ngiika otaka pungula oshimaliwa opo a vule oku ka talelapo komunkulofuta.Nandi Ndaitwa okwa ti aatalelipo mboka haya talelepo moNamibia oha ya longekidha etalelopo lyawo uulethimbo okugongela oshimaliwa omanga inaa ya ka talelapo. Okwa ti uutalelipo owa li wa humu nawa komeho nooperesenda 11 pokati komumvo 2006-2007 ndele oshikondo shika oshali sheehamekwa komahupilo omawinayi muuyuni omumvo 2008 no 2009. Okwa ti onkalo yonuumvo ota yi ulike yi li hwepo kombinga yomatalelopo oshoka omahupilo guuyuni otaga hwepopala.Pahapu dhe hangano lyomatalelopo lyuuyuni lyIigwanahangano oshikako shotango shonuumvo otashi ulike pena ekoko lyooperesenda heyali maatelelipo yopaigwana muuyuni auhe.