Takamitheni iimaliwa yiikengelela mokati koshigwana

O POLISI mOshitopolwa sha Musati otayi lombwele nokulondodha oshigwana kutya opu na aamentu yamwe ye na iimaliwa yOoranda dha South Afrika dhiikengelela notaya ende nee taya landa nayo iinima yawo moositola nomoondingosho moka.

Omupopiliko gwOpolisi mOshitopolwa sha Musati Konstabela Linekela Shikongo ta lombwele The Namibian kutya Opolisi mOshitopolwa sha Musati oya kwata po omumati gwoomvula 23 gwedhina Nestor Petrus gwokOgongo mUukwambi mOshitopolwa sha Musati, sho a adhika ta landa niimaliwa yiikengelela yOoranda dha South Afrika mObaa yedhina Sun Set Bar pOositola dhopOgongo mUukwambi mOshitopolwa sha Musati meti 24 Desemba omvula ya zi ko. Konstabela Shikongo ota ti kutya Nestor nguka okwa adhika nOoranda dha South Afrika dhiikengelela dhomwaalu gu thike poR21,000.Dha thikama mOmafo goR200 ashike ogendjigendji, ge na oonomola ngaashi AA3410119E ge li 47, AB8651057E ge li 28, AB1042395E ge li 12 no AA3410149E ge li 23.Nestor Petrus nguka otaku tiwa nee sho e ya moSun Set Bar moka okwa pula mo omalovu gomwaalu gwontumba nokupa kakadhona ngoka ha landitha moka oshimaliwa shoka shOoranda dha South Afrika shiikengelela.Okakadhona hoka haka landitha moka nani okakotoka nokakonene oshimaliwa shoka noku shi mona kutya oshiikengelela.Oya kwata okamatyona hoka nokwiithana Opolisi nokakwatwa po.Opolisi sho ya ningi omakonaakono, oye ka adha natango nOoranda 21, 000 dha South Afrika dhiikengelela.Nestor nguka okwa holokele mOmpangu ya Mangestrata pOutapi mpoka meti 27 Desemba 2005 moshipotha shokwaadhika niimaliwa yiikengelela.Ina pulwa manga a tye sha kwali noshipotha she oshuundulilwa keti 5 Apilili 2006 omolu omakonaakono.Ina pewa uuthemba wokwiifutila mo nande.Konstabela Shikongo ota londodha ngeyi oshigwana, unene tuu aanangeshefa, shi kale sha kotoka nokutala nawa iimaliwa mbyoka tayi landwa nayo mOositola dhawo moka kutya oyoshili tuu nenge oyiikengelela.Konstabela Shikongo ota ti kutya Nestor nguka okwa adhika nOoranda dha South Afrika dhiikengelela dhomwaalu gu thike poR21,000.Dha thikama mOmafo goR200 ashike ogendjigendji, ge na oonomola ngaashi AA3410119E ge li 47, AB8651057E ge li 28, AB1042395E ge li 12 no AA3410149E ge li 23. Nestor Petrus nguka otaku tiwa nee sho e ya moSun Set Bar moka okwa pula mo omalovu gomwaalu gwontumba nokupa kakadhona ngoka ha landitha moka oshimaliwa shoka shOoranda dha South Afrika shiikengelela.Okakadhona hoka haka landitha moka nani okakotoka nokakonene oshimaliwa shoka noku shi mona kutya oshiikengelela.Oya kwata okamatyona hoka nokwiithana Opolisi nokakwatwa po.Opolisi sho ya ningi omakonaakono, oye ka adha natango nOoranda 21, 000 dha South Afrika dhiikengelela.Nestor nguka okwa holokele mOmpangu ya Mangestrata pOutapi mpoka meti 27 Desemba 2005 moshipotha shokwaadhika niimaliwa yiikengelela.Ina pulwa manga a tye sha kwali noshipotha she oshuundulilwa keti 5 Apilili 2006 omolu omakonaakono.Ina pewa uuthemba wokwiifutila mo nande.Konstabela Shikongo ota londodha ngeyi oshigwana, unene tuu aanangeshefa, shi kale sha kotoka nokutala nawa iimaliwa mbyoka tayi landwa nayo mOositola dhawo moka kutya oyoshili tuu nenge oyiikengelela.