Ta yi gamene aaniilonga momagumbo nawa

EHANGANO lya International Labour Organisation, olya pititha oveta yasimana yoku gamena aaniilonga momagumbo muuyuni. Okwa tengenekwa kutya muuyuni omuna aaniilonga yomomagumbo yeli lwopoomiliona 52,6 mboka yeshiwike pambelewa, ndele mboka yaashiwike otashi vulika ya londeke omwaalu nguka sigo opaaniilonga yeli oomiliona ethele limwe.

Oveta ndjika ota yi ka soshimpwiyu kutya aaniilonga mbaka oyena omauwanawa gafa gaaniilonga ayehe mboka ha ya longo palwe. Euvathano ndika ota li indile omapangelo opo ga soshimpwiyu kutya aaniilonga mbaka oye shi uuthemba wawo na oya pewa omauvathano giilonga ga nyolwa molupe lwokondalaka.Euvathano ndika ota li utha woo ishewe kutya omuniilonga gwomegumbo oku na oku mona esiku limwe lyuudha lyevululuko ndyoka ta vulu oku ka dhana palwe pwaashi megumbo nenge pehala mpoka ha longele. Ishewe omuniilonga nguka oku na oku pewa efudho ndyoka ta vulu oku ka fudha palwe mpoka a hala ndele ha ku thiminikwa a kale pegumbo mpoka ha longele methimbo lyefudho lye ndyoka.Euvathano ndika lya ziminwa nomake 396 olya kondjithwa komake omulongo 16 omanga aahogololi 63 ina ya hogolola.Ota li ka tulwa miilonga shampa ashike lya kolekwa kiilongo yi vule iyali. Sigo oompaka iilongo sha Philippines na Uruguay oya ti oyi ilongekidha okukoleka euvathano ndika.Aaniilonga yomomagumbo oyendji natango oha ya monithwa iihuna miilonga yawo noha ya longithwa nayi.