AAKWIITA yepangelo lya Syria oya tsikile okuumba omahala gaakwashigwana mboka ya tsondumbo nepangelo lya Bashar Assad, omanga Kofi Annan ta kambadhala oku tula miilonga oplana ye yokuhulithapo uutondwe nomaumbathano pokati kaa ikondjithi mboka.
Annan okwiitaala kutya oplana ye yokweetapo ehulithipo lyuutondwe ota yi vulu oku longa natango. Annan okwa tindi omathaneko kutya aatsindumbo na Assad na ya homatekwe, a ti oshinima sha tya ngaaka osha nika oshiponga.Epangelo lya China kombinga yalyo olya indile Assad opo a simaneke oplana yaamushanga ndjayi nale gwiigwana Hangano moku hulithapo elongitho lyoonkondo ndyoka lya kala uule woomwedhi 13. Oombangi odha ti omitopo dhoondjembo oondhigu odha li tadhi uvika mo Damascus, noshowo muumbugantu woprovince ya Daraa moka omo mwa tameke oshinima shetsondumbo nepangelo lya Assad.Annan okwa popile mo Tehran sha Iran kutya onaklo ota yi ka lunduluka okuuka kuuwanawa metine nenge mehuliloshiwike ndika.Shika ota shi vulu oku ningwa ngele oombinga mbali miita mbika odha simaneke oplana yiitsa ihamano yokweetapo ombili. Epangelo lya Syria olya fatulula nkene ta li ka tula miilonga oplana yombili ya etwapo ku Annan.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
