Swapo oye ta pangele omakuthikuthi gombepo gaNBC

NANDO Ehangano lyokutuma omawi mombepo lyaNamibia olya hulithapo okutuma omawi goongundu dhopolitika pwaana ofuto, ehangano ndika onkene ta li pe ongundu ta yi pangele eyakulo lyuusimani.

Shika osha ndjandjukununwa momushangwakonakono gwo Institute for Public Policy Research[IPPR].Pa ku landula oonkundana dhoshiwike sho kuza 30 Kotoba 2009 sigo 5 ga Novomba nuumvo oNBC oya gandja ooperesenda 82 dhethimbo lyoonkundana koSwapo, omanga oongundu oonkwawo, oonkundana dha dho dhopapolitika odha mono ashike ompito yooperesenda dhili ne kehe yimwe paulwawo.IPPR okwa koneke kutya pethimbo olyo tuu ndyoka ongundu yoCOD no RDP ina dhi mona ompito opo oonkundana dhopapolitika dhadho dhi monikwe kotelevisi yo NBC.Ongundu yo RDP oya lombwele oThe Namibian kutya oya li niigongi iyali oshiwike shoka shimwe okOpuwo mo 31 Kotoba noshikwawo Okongo mu 1 Novomba 2009.Cod ina popiwa naye opo tye sha kombinga yaashika.IPPR oya kala ta yi landula okutoola oonkundana dhopapolitika ko televisi ya NBC notelevisi ya One Africa oshiwike sha piti.Etoolo lyoonkundana netumo lyadho mombepo kombinga yoongundu dhopolitika olya li ngeyi, Swapo okwa mono ompito moonkundana noopeeresenda 82, Swanu okwa ulikwa koteevii pooperesenda dhi li ne,DTA na ye ooperesenda ne, APP oshowo operesenda ne, RP naye oshowo woo omanga Nudo okwa mono ashike oopersenda dhi li mbali adhike..Ehangano olya ti Swapo okwa longitha ominute 40 okuza moominute 49 dhokukundaneka kwongudu dhopolitika uule woshiwike.Moompito dhimwe uuna oongundu dhoompilameno dha mono ompito okupopya moonkundana opendji oonkundana ndhika odha endekela kuuwinayi.Onga, oshiholelwa oshigongi sho DTA osha kalekwa. Omanga oshigongi sho RP shakala sha tashi kundanekwa kombinga yomahilathano.Otelevisi ya One Africa oya gandja ompito yokutuma oonkundana dho teevii koSwapo.Oteevii ndjika oya gandja ethimbo ele koSwapo okuyeleka noongundu oonkwawo.Endjandjukununo oli li ngeyi, SWAPO oku na ooperesenda 50,DPN ooperesenda 14, Nudo ooperesenda 14, RDP ooperesenda 14 noshowo nee ooperesenda heyali, odhoAPP.Omatalulo ngaka ota ga tsikile, nongele okukundaneka huka okwa tsikile ota ku fala sigo oompoka kutya, oshilongo ota shi yono omilandu dha SADC.Omikankalandu ota dhi ti ope na okukala ompito yithike pamwe yoongundu adhihe dhopolitika opo dhi vule oku longitha iikundaneki yepangelo.Euvathano lyAfrica kombinga yuudemokoli, omahogololo, newiliko omapangelo oge na okusoshimpwiyu kutya kehe ongundu yopolitika oyi na ompito oku longitha iikundaneki yoshigwana.Namibia okwa koleka omauvathano agehe ngaka gaali.