Swapo ota fala RDP kompangu molwelundilo

S
wapo okwa ti ota fala RDP noshowo omuleli gwongundu ndjoka kompangu molwa enyateko neshundulo, sho aniwa Hidipo Hamutenya a lundile ongundu ta yi pangele kutya oya kala ta yi fukile momahogololo ngoka ga pitapo nale.

Amushangandjai gwo Swapo me Pendukeni Iivula Ithana okwa tilitha kutya ota ya fala Hamutenya nongundu ye kompangu ngele ita popi kutya shoka a ti kashishi shoshili. Swapo okwa ti Hamutenya okwa ningi omalundilo ngaka pethimbo lyoshigongi shongundu ndjoka pOkongo oSoondaha ya yi.’Itandi shunitha sha nenge itandi lundulula shoka nda popi’Hamutenya osho a yamukula.’Otandi tegelele ompangu na otandi ka popya oshindji moka,’Iivula Ithana okwa ti Swapo okwa haluthwa komalundilo kaagena omakankameno gomusamane Hamutenya.’Omalundilo ngaka omanene, no ka gena okweethiwa inaaga kondjithwa komuntu eli nawa noku na uudemokoli.Omuntu kehe iisimaneka yemwene ita vulu okuninga omalundilo ngoka kaagena mpoka gathikama, shila ongele pamwe ye eli kohi yoshinima shontumba shoka oye ashike mwene eshi shi,’ osho Iivula Ithana a ti.Hamutenya okwa lombwele ongundu yaayambidhidhi yo RDP pOkongo kutya Swapo oya kala ha yi longitha oombuthulu okufukila opo yi sindane momahogololo gapiti.’Oku na oku kala a sa ohoni kwaashoka a popi pOkongo.Tse moSwapo ota tu shongo Hamutenya opo a gandje uumbangi woshili puuyelele mboka ta wu ulike okufukila hoka ta popi. Ngele Hamutenya okwa li eshi kutya oSwapo oya li ha yi fukile omolwashike shika a kala eshi holeka ompango.Ha shi li nani mondjila kutya ngoka te ende noombudhi hadhi yaka naye okwa talika ko ongo omufuthi,’ Iivula Ithana ta ti.Hamutenya okwa ti etseyitho kutya oSwapo otayi mufala kompangu ita shi ti kutya kehe gumwe mongundu ndjoka ote mu ningile shika. Shika osha fa naa shoka taku tiwa ye omufuthi.Sho nda li moSwapo itashi ti kutya onda li omufuthi nenge onda li omuyoni gwompango.Hamutenya okwa ti uuketha womahogololo owa adhika komunkulo gwo mulonga gwa Kavango noshowo uumbapilahogololo poGobabis.’Oswapo nenge Okomisi yomahogololo ya Namibia inaya vula okufatulula nkene uumbapila mbuka wa thiki hoka,.Uumbapila hogololo owa nyanyangidhwa kehangano lya Namprint. Osheende ngiini?Kungame shika osho efukilo,’ Hamutenya tati.Iivula Ithana okwa ti, Swapo ke shi sha kombinga yefukilo ndyoka ta li popiwa.’Ngele ye okwa li ta fukile nena okwa li te shiningi oye awike ndele ha muuwanawa woSwapo, na popye nawa kutya okwa li te shi ningile lye,’ Iivula Ithana ta pula.Iivula Ithana okwa ti Hamutenya okwa pumbwa okugandja uumbangi itau wu vulu okukondjithwa kombinga yomalundilo ge. Ngele ine shi ninga nena opolisi oyi na oku mwiithana opo a gandje omushangwagano komeho gawo. Ngele ine shi ninga nena Swapo ota ka thiminikwa iipopile moku ya kompangu opo Hamutenya a hokolole efukilo ndika mpoka lya zi.