Banner Left

Swapo ke na ouyelele kombinga yomutumba womeholamo waNujoma naMnangagwa

Utoni Nujoma

Hamushangandjai woSwapo Sophia Shaningwa okwa ti ongudu kai na nande eshiivo kutya minista woinima ya pamba oilonga Utoni Nujoma okwa shakena napelesidente waZimbabwe Emmerson Mnangagwa.

Nujoma okwa li a shakena naMnangagwa, oo e li omunashipundi wehangano lomayambulepo oilongo yokuumbuwanhu waAfrica li shiivike nawa nedina Southern African Development Community (SADC), “etalelepo lopaumwene” keumbo lepangelo moHarare Etitano.

Shaningwa okwa lombwela oThe Namibian Etivali kutya Swapo kakwa li nande e na ouyelele kombinga yoshoongalele naasho kwa li tashi kundafanwa.

“Kandi na ouyelele,” Shaningwa osho a ti ngaho.

Ehangano loikundaneki laZimbabwe, ledina The News Hawks, ola ti Nujoma okwa lombwela ovatoolinghundana kutya oshoongalele shaye okwa li shopaumwene, kutya nee okwa popya kombinga yondjokonona nomakwatafano aye omonakudiwa naMnangagwa.

“Onde ya netalele po lopaumwene, ndee ngaashi mu shi shi eshi kwa li pelesidente ominista youyuki, okwa li ndi li ominista youyuki moNamibia. Okudja opo otwa kala nokulongela kumwe tu kendabale tu kandule po omaupyakadi oshitopolwa,” Nujoma osho a ti ngaho.

Nujoma, nande ongaho, ina nyamukula eengodi nomapulo oThe Namibia oo kwa li a tuminwa kuye e na sha netalelepo laye kuMnangagwa.

‘OSHA NYIKA PANGE APA’
Omundjadjukununi woikwapolitika Henning Melber okwa ti kapu na oshinima shopaumwene kombinga yaminista e li mombelewa koshilongo shimwe ta talele po pelesidente keumbo laye lopambelewa, kutya nee ove likunda shike.

“Eshi osha ningwa ku na ashike eemwedi dishona komahoololo aNamibia nokonima omuleli wongudu kwa li a talela po China mafiku aa, ndee omunhu oo e na ekwatafano lakola nomushamane wokandidate koupelesidente koSwapo okwa ka talela po vali omuleli umwe koZimbabwe, oshe shi ninga vali shi kumwifa ngee inashi nyika pange apa,” Melber osho a ti ngaho.

Emmerson Mnangagwa

Kutya nee elalakano loshoongalele ola shike, otali eta omafeekelo ahapu, Melber osho a weda ko ngaho.

“Eshi oinima lela inai teelelwa tai ya koluheela, oyo tai xwaxwameke oumbada waasho tashi linyenge, osho ngee Swapo okwa kanifa omahoololo, otashi dulika shi kafe osho sha ningwa moZimbabwe eshi kwa li ongudu yomilameno ya kengelelwa ndee tai anyenwa i ye koshipundi nokukufa ko epangelo,” Osho a ti ngaho.

“Eengudu domilameno nadi lidengele okatenda. Pamwe eshi okaafeekela ashike, ashike oka etwa kuye mwene. Swapo na kotoke aha xwaxwameke omalipulo kutya ota kala ina hala okutambula ko ehalo lovahoololi ngee oidjemo inai dja mo ngaashi a hala.”

Melber okwa ti Nujoma ne uye a yeleke nokuyandja ombili. Okwa pula yoo vali Swapo opo a kaleke Nujoma omutumba ndee ta yeleke etalelepo laye.

“Shaashi omahangano akulu ekondjelo manguluko, ongomapangelo moSADC, okwa kala e na edafano eedula dihapu lokwaamena nokuyambidida akwao, okwa kala nokupopila ovaleli vavo ongomitwe doSADC,” Osho a weda po ngaho.

Omundjadjukununi woikwapolitika Ndumba Kamwanyah okwa ti omitumba dopaumwene pokati kovanambelewa vepangelo nomitwe doilongo nadi ningwe kwa talika nawa, unene ngaa kombinga yelongo lopauyelele nosho yo omilandu dopambelewa. “Ovanambelewa vepangelo ova teelelika va ninge oyoongalele oyo i na sha nouwa woshiwana pauyelele, kashi fi paumwe, opo kukelelwe omaudeko apuka,” Osho a ti ngaho.

Pakutala onghatu yaMnangagwa moSADC nekufombinga loSADC mokukonakona omahoololo, oshoongalele otashi eta omalipulo kombinga yolwaamambinga.

“Elongopauyelele ola fimana okukwashilipaleka efikopamwe nelineekelo momatokolo oSADEC. Ekwatafano la dja nale pokati kongudu yoZanu-PF noSwapo, kombinga yomapopyo omahoololo a pita a danenwa koZanu-PF, otashi dulika li eta omalipumomumwe ile omanwefafanemo, unene ngaa ngee elalakano lomutumba ou inali yela.”

Natango, omutotiveta wongudu yoPopular Democratic Movement Maximalliant Katjimune okwa ti otashi kumwifa eshi Nujoma kwa li a udika ta ti Namibia ota dulu okulihongela kuZimbabwe.

“Eshi oipolopolo ashike neitavelo la puka. Ihatu lilongo sha kepangelo loukanyamukulwa ngaashi olo loZanu-PF. Oshiwana sha Namibia osha fikama koudemokoli nokefimano loufemba womunhu., oyo itai tu kumwe nomukalo wepangelo laZimbabwe,” Katjimune osho a weda po ngaho.
Mnangwagwa.

Stay informed with The Namibian – your source for credible journalism. Get in-depth reporting and opinions for only N$85 a month. Invest in journalism, invest in democracy –
Subscribe Now!

Latest News