AALELI yongundu tayi pangele yo Swapo oya longitha oomvula 19 okukukala ashike taya iyambapaleke, pehala lyokuyambulapo eliko lyoshilongo, Omuwiliki gwo Congress of Democrats (CoD), Ben Ulenga, osho a popi ngaaka.
Ulenga okwa ti oshigwana okwa li sha tegelela Swapo e eta po elongo li li nawa nomagumbo kondando yi li nawa, ihe shika inaye shi ninga.
Ulenga shika okwe shi popi pethimbo lyoshigongi shopaati sha li tashi kundathana kombionga yomilandu dhopaati sha ningwa mEtitano pondje yOvenduka. ‘Iikando yi li ine Swapo okwa li a pewa oonkondo kaahogololi a pangele, molwashoka aantu oya li ye na einekelo kutya Swapo ote ke ya pa iilonga, omagumbo nelongo li li nawa lyaanona yetu, ihe okwa ndopa iikoando ine okugwanitha po omauvaneko ge,’ Ulenga osho a popi ngaaka.
Okwa gandja wo uusama kEpangelo sho lya longitha oshimaliwa shOondola oomiliyuna omathele gahamano yi tunge Egumbo epe lyEpangelo muule woomvula heyali. ‘CoD okwa totwa po momumbo 1999 okweeta po elunduluko mu Namibia, okukondjitha uukayamukulwa, okukalekapo uundemokoli, okukondjitha uukwamuhoko nokweeta po oshigwana sha hangano,’ Ulenga ta popi.
Oshigongi shika osha li sha kalwa kaawiliki yopaitopolwa yo CoD ye li 50. Ulenga okwa ti iitopolwa 13 ya Namibia oya totwa po shi ikwatelele koongamba dhopamihoko, sha za pethimbo lyuukoloni CoD okwa hala shi lundululwe.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
