Swapo a tinda epopilo kutya aawiliki yaali mu Hardap naya kuthwe miilonga

O NGUNDUMUTIMA yoSwapo nenge tutye Politburo oya ekelehi ethanekopolilo kutya aawiliki yaali yomoshitopolwa sha Hardap naya kuthwe manga miilonga.

Momushangwa ngoka gwa shangelwa omuunganeki gwoSwapo pashitopolwa shoka Nico Mungenga, Amushanga-Ndjayi gwOpevi moSwapo John Pandeni okwa popi kutya aawiliki yaali mboka ya kuthwa miilonga hoka naya shunwe mo meendelelo. Mboka ya kuthilwe miilonga pakathimbo hoka oyo nee – Kansola gwoshitopolwa sha Hardapo shokuuzilo Edward Wambo nosho wo omuunganeki gwoshitayi sha Rehoboth East, Willie Swartz.Pahokololo lya Pandeni, ongundu ndjoka tayi ka kala mewiliko lya Hage Geingob ngoka e li oshokoto yoSwapo mOparliamende otayi ka talela po oshitopolwa shoka nokuninga omakonakono kombinga yokwaauvathana mokati kewililo lyoSwapo hoka.Mbaka yaali oya li ya kuthwa miilonga konima sho The Namibian a holoka puuyelele oshingongi shimwe moka mwa li mwa kwatithwa okasete moka ewiliko lyopashitopolwa lya li lya hala okuya kutha miilonga.Mokati kaamboka ya li ya gongala moshigongi shika oyo nee Ngoloneya gwa Hardap Katrina Hanse-Himarwa, Theo Diergaardt na Barakias Namwandi (mboka ye li ookansola dhopadhitopolwa), Omuunganeki gwOpaati moshitopolwa Nico Mukenya, Omuunganeki gwoshitopolwa sha Gibeon Hans Josef nosho wo omuunganeki gwoshitopolwa sha Rehoboth West, Dawid Richter.Ndhika odha li dha popiwa ku gumwe gomiilyo yOpaati ngoka a li e dhi tila momakutsi goThe Namibian omasiku ga zi ko.Kakele ka Ngoloneya Kanse Himarwa, ongundu ndjoka oyo ngaa aniwa ya li ya gongala ishewe nokuninga epopilo kutya Wambo na Swartz naya kuthwe miilonga.Ongundu ondjika otayi popi kutya aniwa Swartz ini itula mo unene miinima yOpaati nokwi itula unene miinima yomaudhano.Oshinima shimwe, otaya popi ishewe kutya Wambo okwa gandja uuyelele kuyalwe kombinga yoshigongi shimwe shoka sha li sha ningilwa pegumbo lyanakukuthwa wo miilonga Francis Basson ngoka a li omuunganeki gwoSwapo pOmalinda.Pandeni ta ti oshizemo shmakonakono itashi ka pewa ewiliko lyopashitopolwa.Okwa lombwele wo Mungenga kutya nakale a kwashilipaleka kutya omitungilo dhOpaati odhi ihupo moshitopolwa shoka.Mungenga okwa zimine kutya okwa mona shili omukanda ngoka gwa zi ku Pandeni, ta yi oya uvithwa nayi ketokolo ndyoka ihe oye na okusimaneka etokolo lyOpolitburo okushuna miilonga aanambelewa mboka.Nando ongaaka, okwa popi kutya ewiliko lyopashitopolwa olya dhika oonyala mevi kombinga yepopilo lyawo kutya mboka yaali naya kuthwe miilonga.”Oshayela kutya ongundu ya Wambo na Swartz oga gamenwa kaanenentu yamwe mongundu.Nando ongaaka, itatu shuna nando omitse miipeta molwashoka otwa hala okumvudha mo mboka taya teya po ongundu,” ta popi ngaaka.”Ethimbo otali keya naamboka taya gamene ongundu ya Swartz na Wambo otaya ka tulwa puuyelele,” ta londodha ngaaka.Oonzo dhimwe shi okwiinekelwa osha lombwele The Namibian kutya iilonga ya Munganga okuhwahwameka etopoko mongundu oya nyanwa kOplitburo sho yi li ompinge nekotampango lyOpaati.Otaku fekelwa ngeyi kutya Mungenga okwa hala okunyateka omadhina gaaunganeki yopaikandjo opo a ka thikame owala mwene mopoosa ndjika pwaa na omukondjithi pethimbo lyomahogololo ngoka taga ka ningwa Juli nuumvo.Mungenga ota tamanekelwa wo omaihumbato gaa li nawa moshigwana nosho wo okulongitha nayi omilandu dhoSwapo.Mungenga okwa ekelehi kokule omapopyo ngoka ta popilwa.Okwa popi kutya oshinima shika ootakatika owala dha Wambo na Swartz taya lalakanene okwiikutha okunyenyetelwa nokukutula komapepe ge.Ta ti oyo ya kaula onyanga noye na okunyenyetelwa moshinima shika.”Wambo na Swartz inaya opala nokuli okwiithanwa iilyo yoSwapo molwashoka aainingithi,” ta popi ngaaka.”Kutya nee otashi pula shike, itandi shunitha mo nando omalaka gandje kutya aainingithi na ishewe inaya opala nokuli okwiithanwa iilyo yoSwapo,” ta gwedha ko ngaaka.Sho ya pulwa koThe Namibian, ayehe Wambo na Swartz oya tindi okugandja ookomenda dhawo moshinima shika.Mboka ya kuthilwe miilonga pakathimbo hoka oyo nee – Kansola gwoshitopolwa sha Hardapo shokuuzilo Edward Wambo nosho wo omuunganeki gwoshitayi sha Rehoboth East, Willie Swartz.Pahokololo lya Pandeni, ongundu ndjoka tayi ka kala mewiliko lya Hage Geingob ngoka e li oshokoto yoSwapo mOparliamende otayi ka talela po oshitopolwa shoka nokuninga omakonakono kombinga yokwaauvathana mokati kewililo lyoSwapo hoka.Mbaka yaali oya li ya kuthwa miilonga konima sho The Namibian a holoka puuyelele oshingongi shimwe moka mwa li mwa kwatithwa okasete moka ewiliko lyopashitopolwa lya li lya hala okuya kutha miilonga.Mokati kaamboka ya li ya gongala moshigongi shika oyo nee Ngoloneya gwa Hardap Katrina Hanse-Himarwa, Theo Diergaardt na Barakias Namwandi (mboka ye li ookansola dhopadhitopolwa), Omuunganeki gwOpaati moshitopolwa Nico Mukenya, Omuunganeki gwoshitopolwa sha Gibeon Hans Josef nosho wo omuunganeki gwoshitopolwa sha Rehoboth West, Dawid Richter.Ndhika odha li dha popiwa ku gumwe gomiilyo yOpaati ngoka a li e dhi tila momakutsi goThe Namibian omasiku ga zi ko.Kakele ka Ngoloneya Kanse Himarwa, ongundu ndjoka oyo ngaa aniwa ya li ya gongala ishewe nokuninga epopilo kutya Wambo na Swartz naya kuthwe miilonga.Ongundu ondjika otayi popi kutya aniwa Swartz ini itula mo unene miinima yOpaati nokwi itula unene miinima yomaudhano.Oshinima shimwe, otaya popi ishewe kutya Wambo okwa gandja uuyelele kuyalwe kombinga yoshigongi shimwe shoka sha li sha ningilwa pegumbo lyanakukuthwa wo miilonga Francis Basson ngoka a li omuunganeki gwoSwapo pOmalinda.Pandeni ta ti oshizemo shmakonakono itashi ka pewa ewiliko lyopashitopolwa.Okwa lombwele wo Mungenga kutya nakale a kwashilipaleka kutya omitungilo dhOpaati odhi ihupo moshitopolwa shoka.Mungenga okwa zimine kutya okwa mona shili omukanda ngoka gwa zi ku Pandeni, ta yi oya uvithwa nayi ketokolo ndyoka ihe oye na okusimaneka etokolo lyOpolitburo okushuna miilonga aanambelewa mboka.Nando ongaaka, okwa popi kutya ewiliko lyopashitopolwa olya dhika oonyala mevi kombinga yepopilo lyawo kutya mboka yaali naya kuthwe miilonga.”Oshayela kutya ongundu ya Wambo na Swartz oga gamenwa kaanenentu yamwe mongundu.Nando ongaaka, itatu shuna nando omitse miipeta molwashoka otwa hala okumvudha mo mboka taya teya po ongundu,” ta popi ngaaka.”Ethimbo otali keya naamboka taya gamene ongundu ya Swartz na Wambo otaya ka tulwa puuyelele,” ta londodha ngaaka.Oonzo dhimwe shi okwiinekelwa osha lombwele The Namibian kutya iilonga ya Munganga okuhwahwameka etopoko mongundu oya nyanwa kOplitburo sho yi li ompinge nekotampango lyOpaati.Otaku fekelwa ngeyi kutya Mungenga okwa hala okunyateka omadhina gaaunganeki yopaikandjo opo a ka thikame owala mwene mopoosa ndjika pwaa na omukondjithi pethimbo lyomahogololo ngoka taga ka ningwa Juli nuumvo.Mungenga ota tamanekelwa wo omaihumbato gaa li nawa moshigwana nosho wo okulongitha nayi omilandu dhoSwapo.Mungenga okwa ekelehi kokule omapopyo ngoka ta popilwa.Okwa popi kutya oshinima shika ootakatika owala dha Wambo na Swartz taya lalakanene okwiikutha okunyenyetelwa nokukutula komapepe ge.Ta ti oyo ya kaula onyanga noye na okunyenyetelwa moshinima shika.”Wambo na Swartz inaya opala nokuli okwiithanwa iilyo yoSwapo molwashoka aainingithi,” ta popi ngaaka.”Kutya nee otashi pula shike, itandi shunitha mo nando omalaka gandje kutya aainingithi na ishewe inaya opala nokuli okwiithanwa iilyo yoSwapo,” ta gwedha ko ngaaka.Sho ya pulwa koThe Namibian, ayehe Wambo na Swartz oya tindi okugandja ookomenda dhawo moshinima shika.