Swapo a tinda elongelokumwe lyOpolisi

O OHAASA odha li dha longithwa nelalakano lyokuhalakanitha aayambidhidhi yoSwapo mboka ya li inaya hala oshigongi shogundu yoRally for Democracy and Progress (RDP) shi ningilwe polukanda lwa ‘One Nation Shitemba’ mu Katutura mOlyomakaya ga zi ko.

Ongundu onene yaapolisi mwakwatelwa mboka yoTask Force oya li ya ithanenwa pehala ndyoka konima sho ongundu yaantu taya tengenekelwa po 150 ya tameke okuholokela pehala mpoka ongundu yoRDP ya li ya pulanda okuningila oshigongi shayo mOlyomakaya. Ongundu ndjoka yaantu oya tindi okuhalakana konima sho ya pulwa kOpolisi yi ninge ngaaka.Pehala lyokuninga ngaaka, oyendji oya tameke nokuli okutuma Opolisi.Omanga ye li komeho gongundu ndjika, Opolisi oya tameke okuninga elyenge etaya tameke okuundula aantu mboka ya shune monima okuza pehala mpoka, ashike nee konima owala sho ye ya kutha po, yamwe yomuyo oya tondoka nokushuna naanaa mpoka ya kuthwa kOpolisi.Kansela gwoshikandjohogololo sha Moses Garoeb, meme Helena Andreas, ngoka a li ta monika a zala iikutu yoSwapo okwa li ina hala okutsakumwe nOpolisi – shoka sha ka eta nokuli Opolisi yi mu ningile omatilitho kutya otayi mu dhitike po ngele ita thigi po ehala ndyoka.Aalumentu yahamano oya li ya dhitikwa mboka mokati kawo mwali omupolisi gumwe ngoka ka li miilonga pethimbo ndyoka nombistoli ye okwa li e yi kuthwa.Oombistoli dhilwe ndatu odha li dha kuthwa kaalumentu yalwe yatano.Pethimbo Opolisi ya li tayi kambadhala okweeta onkalo kohi yokondolola, uunona wumwe owa li wa uvithwanayi koohaasa ndhoka dha li dha longithwa kOpolisi pethimbo tayi halakanitha aantu mpoka – oshinima shoka sha li sha nyenyetwa kooyina uunona mboka.Ooyina yaanona mboka oya nyeyetele Opolisi moshinima shika.Omukiintu omugundjuka okwa li a dhitikwa konima sho a toola emanya enene ndyoka aniwa a li a hala okuumba nalyo iilyo yoRDP.”Ohema yandje oya tuulwa pethimbo lyokudhitikwa nomagundji gandje oga li ga monika kongundu yaantu – onda li nda falwa kOsasiona yOpolisi pOmbili ndi li konyala owala,” omukiintu nguka ta lombwele ngaaka The Namibian.Kepulo kutya okwa ningi shike opo a dhitikwe, okwa yamukula ngeyi, “inandi ninga sha”.”Inatu hala RDP mpaka, ndika ehala lyetu,” omuwiliki molukanda ndyoka ngoka wo e li oshilyo shoSwapo Paulus Loth ta lombwele ngaaka The Namibian mOlyomakaya.”Inaye tu tseyithila okupitila maawiliki yoshigwana kombinga yoshigongi shawo,” ta popi ishewe ngaaka.Sho a tseyithilwa kutya momahala ga Muni, Opolisi na Muni oyo owala haya tseyithilwa kombinga yiigongi, Loth okwa yamukula kutya shoka kashi na oshilonga.”Iinima huka ihayi ningwa ngaashi koEros nenge koWindhoek West,” ta popi ngaaka.RDP okwa li a tseyithile Opolisi kuyele kutya ota ka ningila oshigongi she po One Nation Shitemba.Aawiliki yoRDP oya li ya londodhwa kiilyo yawo ongula yOlyomakaya kutya aawiliki yoSwapo oya gongala pehala mpoka tapu ka kala oshigongi shoRDP nelalakano lyokushi sitopa.”RDP ke na okuningila oshigongi she moshikandjohogololo sha Moses Garoeb, omahogololo gopashikandjo ngoka ga tegelelwa momasiku 31 Kotoba otaga ka kala moshikandjohogololo sha Tobias Hainyeko puushiinda owala.Komufala gwOpevi mOpolisi ya namibia ngoka e li Komanda omutiyali gwOpolisi moshitopolwa sha Khomas Andries van der Byl, okwa popi kutya okwa yi hoka ongula yOlyomakaya konima sho a tseyithilwa kutya aayambidhidhi yoSwapo oko ya gongala hoka.”Onda indile ongundu yaantu mboka naya halakane molwashoka RDP oku na oshigongi tashi ningilwa mpoka omutenya gwesiku ndyoka, ashike oya tindi.Onda li nda lombwele omuwiliki gwoshigwana shoka Loth kutya paveta ya Muni, oongundu ohadhi ningi iigongi konima ngele dha gandja etseyitho lyadho kutya otadhi ka ninga oshigongi, ashike inaya za po,” ta lombwele ngaaka The Namibian.Omapandela goSwapo ngoka ga li ga tulwa komuti gumwe gu li popepi, oga li ga kuthwa ko kOpolisi omanga ethimbo lyoshigongi shoRDP inali thika.Pahokololo lyOmukuluntuwiliki gwehangano lyUuthemba wOmuntu Phil ya Nangoloh, omatukano ngoka ga tukwa aapolisi melaka evalelwa mo, oshinima “itashi vulu okwiidhidhimikilwa”.”Esimaneko okusimaneka aapolisi ye li miikutu nosho wo okusimaneka omalombwelo gawo, oshinima kasha li nokuli,” ta lombwele ngaaka The Namibian.Lwopotundi onti 14h30, Erasmus Hendjala ‘Kaptein’ ngoka e li okandidaate yoRDP momahogololo gopashikandjo sha Tobias Hainyeko okwa ningi etokolo lyokukaleka oshigongi shoka nokwa thindikilwa kegumbo lye kOpolisi.Amushanga-Ndjayi gwoRDP Jesaya Nyamu ngoka wo a li a thiki pehala lyoshiningwanima shika, okwa indile Epangelo li sitope omatilitho goludhi nduka.”Itatu ka zimina okuningwa ngaaka pamukalo gwa fa ngoka gwa li tagu longithwa kepangelo lyokatongotongo,” ta popi ngaaka.Omuwiliki gwEwawa lyAagundjuka moSwapo Elijah Ngurare ngoka wo a li a yi kehala lyoshiningwanima shoka, okwa popi kutya iilyo yoRDP nOpolisi oyi ipwililikile omalombwelo ga Kansela gwokandjohogololo shoka.”Ngele owa hala ehala, owu na okuninga ekwatathano na Kansela gwoshikandjohogololo shoka.Oshinima osha li iilyo yoRDP nOpolisi ye li ompinge nayalwe.Ehala ndyoka kali li moshikandjohogololo moka tamu ka ningwa omahogololo.Kaya li ye na oku ka ningila oshigongi shawo hoka nando okashona,” Ngurare ta popi.Ngoloneya gwoshitopolwa sha Khomas Sofia Shaningwa ngoka wo a yi kehala lyoshiningwanima shoka konima yokathimbo, okwa popi wo kutya aayambidhidhi yoSwapo kaye na ondjo nelongitho lyoohaasa olyali li na okuyandwa.”Uuhanona nuunona auhe mbuka owa mona iihuna na ngashiingeyi owu na omeho omatiligane molwohaasa,” ta lombwele ngaaka The Namibian.”inatu hala okulwa, ashike hamuntu owala ta zi hoka eteya huka noluhindo,” Shaningwa ta popi.Ongundu ndjoka yaantu oya tindi okuhalakana konima sho ya pulwa kOpolisi yi ninge ngaaka.Pehala lyokuninga ngaaka, oyendji oya tameke nokuli okutuma Opolisi.Omanga ye li komeho gongundu ndjika, Opolisi oya tameke okuninga elyenge etaya tameke okuundula aantu mboka ya shune monima okuza pehala mpoka, ashike nee konima owala sho ye ya kutha po, yamwe yomuyo oya tondoka nokushuna naanaa mpoka ya kuthwa kOpolisi.Kansela gwoshikandjohogololo sha Moses Garoeb, meme Helena Andreas, ngoka a li ta monika a zala iikutu yoSwapo okwa li ina hala okutsakumwe nOpolisi – shoka sha ka eta nokuli Opolisi yi mu ningile omatilitho kutya otayi mu dhitike po ngele ita thigi po ehala ndyoka.Aalumentu yahamano oya li ya dhitikwa mboka mokati kawo mwali omupolisi gumwe ngoka ka li miilonga pethimbo ndyoka nombistoli ye okwa li e yi kuthwa.Oombistoli dhilwe ndatu odha li dha kuthwa kaalumentu yalwe yatano.Pethimbo Opolisi ya li tayi kambadhala okweeta onkalo kohi yokondolola, uunona wumwe owa li wa uvithwanayi koohaasa ndhoka dha li dha longithwa kOpolisi pethimbo tayi halakanitha aantu mpoka – oshinima shoka sha li sha nyenyetwa kooyina uunona mboka.Ooyina yaanona mboka oya nyeyetele Opolisi moshinima shika.Omukiintu omugundjuka okwa li a dhitikwa konima sho a toola emanya enene ndyoka aniwa a li a hala okuumba nalyo iilyo yoRDP.”Ohema yandje oya tuulwa pethimbo lyokudhitikwa nomagundji gandje oga li ga monika kongundu yaantu – onda li nda falwa kOsasiona yOpolisi pOmbili ndi li konyala owala,” omukiintu nguka ta lombwele ngaaka The Namibian.Kepulo kutya okwa ningi shike opo a dhitikwe, okwa yamukula ngeyi, “inandi ninga sha”.”Inatu hala RDP mpaka, ndika ehala lyetu,” omuwiliki molukanda ndyoka ngoka wo e li oshilyo shoSwapo Paulus Loth ta lombwele ngaaka The Namibian mOlyomakaya.”Inaye tu tseyithila okupitila maawiliki yoshigwana kombinga yoshigongi shawo,” ta popi ishewe ngaaka.Sho a tseyithilwa kutya momahala ga Muni, Opolisi na Muni oyo owala haya tseyithilwa kombinga yiigongi, Loth okwa yamukula kutya shoka kashi na oshilonga.”Iinima huka ihayi ningwa ngaashi koEros nenge koWindhoek West,” ta popi ngaaka.RDP okwa li a tseyithile Opolisi kuyele kutya ota ka ningila oshigongi she po One Nation Shitemba.Aawiliki yoRDP oya li ya londodhwa kiilyo yawo ongula yOlyomakaya kutya aawiliki yoSwapo oya gongala pehala mpoka tapu ka kala oshigongi shoRDP nelalakano lyokushi sitopa.”RDP ke na okuningila oshigongi she moshikandjohogololo sha Moses Garoeb, omahogololo gopashikandjo ngoka ga tegelelwa momasiku 31 Kotoba otaga ka kala moshikandjohogololo sha Tobias Hainyeko puushiinda owala.Komufala gwOpevi mOpolisi ya namibia ngoka e li Komanda omutiyali gwOpolisi moshitopolwa sha Khomas Andries van der Byl, okwa popi kutya okwa yi hoka ongula yOlyomakaya konima sho a tseyithilwa kutya aayambidhidhi yoSwapo oko ya gongala hoka.”Onda indile ongundu yaantu mboka naya halakane molwashoka RDP oku na oshigongi tashi ningilwa mpoka omutenya gwesiku ndyoka, ashike oya tindi.Onda li nda lombwele omuwiliki gwoshigwana shoka Loth kutya paveta ya Muni, oongundu ohadhi ningi iigongi konima ngele dha gandja etseyitho lyadho kutya otadhi ka ninga oshigongi, ashike inaya za po,” ta lombwele ngaaka The Namibian.Omapandela goSwapo ngoka ga li ga tulwa komuti gumwe gu li popepi, oga li ga kuthwa ko kOpolisi omanga ethimbo lyoshigongi shoRDP inali thika.Pahokololo lyOmukuluntuwiliki gwehangano lyUuthemba wOmuntu Phil ya Nangoloh, omatukano ngoka ga tukwa aapolisi melaka evalelwa mo, oshinima “itashi vulu okwiidhidhimikilwa”.”Esimaneko okusimaneka aapolisi ye li miikutu nosho wo okusimaneka omalombwelo gawo, oshinima kasha li nokuli,” ta lombwele ngaaka The Namibian.Lwopotundi onti 14h30, Erasmus Hendjala ‘Kaptein’ ngoka e li okandidaate yoRDP momahogololo gopashikandjo sha Tobias Hainyeko okwa ningi etokolo lyokukaleka oshigongi shoka nokwa thindikilwa kegumbo lye kOpolisi.Amushanga-Ndjayi gwoRDP Jesaya Nyamu ngoka wo a li a thiki pehala lyoshiningwanima shika, okwa indile Epangelo li sitope omatilitho goludhi nduka.”Itatu ka zimina okuningwa ngaaka pamukalo gwa fa ngoka gwa li tagu longithwa kepangelo lyokatongotongo,” ta popi ngaaka. Omuwiliki gwEwawa lyAagundjuka moSwapo Elijah Ngurare ngoka wo a li a yi kehala lyoshiningwanima shoka, okwa popi kutya iilyo yoRDP nOpolisi oyi ipwililikile omalombwelo ga Kansela gwokandjohogololo shoka.”Ngele owa hala ehala, owu na okuninga ekwatathano na Kansela gwoshikandjohogololo shoka.Oshinima osha li iilyo yoRDP nOpolisi ye li ompinge nayalwe.Ehala ndyoka kali li moshikandjohogololo moka tamu ka ningwa omahogololo.Kaya li ye na oku ka ningila oshigongi shawo hoka nando okashona,” Ngurare ta popi.Ngoloneya gwoshitopolwa sha Khomas Sofia Shaningwa ngoka wo a yi kehala lyoshiningwanima shoka konima yokathimbo, okwa popi wo kutya aayambidhidhi yoSwapo kaye na ondjo nelongitho lyoohaasa olyali li na okuyandwa.”Uuhanona nuunona auhe mbuka owa mona iihuna na ngashiingeyi owu na omeho omatiligane molwohaasa,” ta lombwele ngaaka The Namibian.”inatu hala okulwa, ashike hamuntu owala ta zi hoka eteya huka noluhindo,” Shaningwa ta popi.