Swapo a pewa esindano kaakwati yoohi naaNamibia ye li pondje

ONGUNDU yoSwapo oyo ya mono omawi ogendji konima yomahogololo gaakwati yoohi naaNamibia mboka ye li pondje yoshilongo ga ningilwe etitano lya ziko.

Nonando Okomisi Yomahogololo ya Namibia oya tindi okugandja omiyalu nkene oongundu ndhoka dha kutha ombinga dha ende momahogololo ngaka, oThe Namibian oya mono uuyelele kombinga yomiyalu ndhika okuza koonzo dhimwe nando inadhi kolekwa kwa li ethimbo ndyoka.Iizemo mbika oya ulike omihingo dhili mbali. Gwotango okutya aayendi futa oya gandja esindano kOmuperesidende Hifikepunje Pohamba noko Swapo momahogololo gopauperesidende nogoshigongi shopashigwana, omanga omahogololo pondje yoshilongo otaga ulike pu na eyooloko eshona pokati ko Swapo no RDP.Mo South Africa omahogololo oga ningwa mo Pretoria na Cape Town. MoPretoria Swapo okwa mono omawi 53, moshigongi shopashigwana RDP okwa mono omawi 21, RP ta mono omawi gane ageke.Omuperesidende Pohamba [Swapo] okwa mono omawi 57, Hidipo Hamutenya gwo RDP okwa mono omawi 19, Henk Mudge gwo RP okwa mono omawi gatano.Mo Cape Town Swapo no Rdp oya mono omawi gelyaathane popepi, Swapo okwa mono omake 38 omanga RDP ya landulamo nomake 35.Methigathano lyopauperesidende Pohamba naHamutenya ka ye lyaathane kokule moCape Town, Pohamba okwa mono omake 41 okuyeleka nomawi 37 ga Hamutenya.Mo New York mo Amerika Swapo okwa mono omawi 24 moshigongi shopashigwana RDP okwa mono omawi 22 omanga Nudo a mono omawi gatatu.Mehogololo lyuuperesidende Swapo okwa mono omawi 31 ga Pohamba, ye RDP ta mono omawi 17 ga Hamutenya, Katuutire Kaura gwo Dta okwa hogololwa komuntu gumwe, elenga Kwaima Riruako lyo NUDO olya hogololwa kaantu yatatu.MoBotswana aahogololi 24 oya gandja omawi 16 ko Swapo moshigongi shopashigwana, taya pe RDP omawi gahamano, newi limwe koRP. Pauperesidende Pohamba okwa mono omake 17 omanga RDP, Hamutenya a mono omawi gaheyali.MoBrussels sha Belgium, Swapo okwa ambidhidhwa kaahogololi 10 moshigongi shopashigwana, RDP okwa mono aayambdhidhi yahamano na RP ewi limwe.Mo London, moEngelanda iizemo oyi li ngeyi, moshigongi shopashigwana Swapo okwa mono omake 20, RDP omawi omugoyi, NUDO,COD,DTA, na UDF ,kehe gumwe okwa mono omuyambidhidhi gumwe awike.Momahogololo gopauperesidende Pohamba gwoSwapo okuna omawi 22, Hamutenya gwo RDP okwa mono omawi ga heyali, ookandidate dhimwe dho NUDO, COD, DTA,na UDF oya mono ewi limwe kehe.MoMoscow sha Russia omawi inaaga kolekwa oge li ngeyi, Swapo 25 moshigongi shopashigwanaRDP omawi ga hamano na Nudo okwa mono ewi limwe.Omawi gehogololo lyopauperesidende inaga monika.Omunashipundi shoKomisi yomahogololo ya Namibia, Victor Tonchi okwa ti Aanamibia ye li 1 061 oya hogolola poombelewa dhaakalelipo shilongo 24 pondje yoshilongo molwa oshigongi shopashigwana. Uumbapilahogololo uyali okwa ti owa yonuka.Omanga aahogololi 1 065 pondje yoshilongo oya, hogolola mehogololo lyuperesidende, uumbapila hogololo utatu owa yonuka.Aayendi futa mboka yi ishangitha oye li 7 000 ndele 2 200 yomuyo oyo ayeke yahogolola metitano, pOmbaye noLiindili.Pahapu dhomuunganeki gwomahogololo moshitopolwa shErongo Johannes Kapembe okwa ti aahogololi 1 402 oya hogololele puuketha poMbaye.Omake 1 131 oga yi komuperesidende Hifikepunje Pohamba, omanga oRdp oya mono omawi 206 gomuperesidende gwayo Hidipo Hamutenya.Moshigongi shopashigwana oSwapo oya mono omawi 1 126, RDP ta yi mono omawi 209.PoLiindili inapa gandjwa endjandjukununo lyomiyalu ndele ope shiwike kutya aahogololi 800 oya hogolola mpoka. PoLiindili napo oSwapo oyo ta yi ti pii.Oshifo sho The Namibian osha kongo uuyelele kaanambelewa yOkomisi yomahogololo kombinga yomiyalu ndele ina yi dhi mona nenge inayi dhi pewa.Kapembe okwa ti uuketha womahogololo owa edhile potundi onti 21h00 kongulohi, na omuhogololi kehe ngoka a li mpoka okwa mono ompito opo a hogolole.Ndele yamwe oya li yena okushunithwa ko oshoka ka ye na omishangwa ta dhi ulike kutya yo aayendi futa shili, mbaka oya li ya shunithwa ko kaahona yawo opo ya ka pewe omishangwa ndhoka ta dhi ulike kutya yo aayendi futa shili.Okwa ti momahogololo ngaka inapa monika uumbapilahogololo wa tindwa onkene ewi lyomuhogololi kehe olya yalulwa. Okwa ti eshongo enene olyo ashike ndyoka kutya aantu yamwe mboka kaayeshi aayendi futa oya li ya hala okuhogolola nando yo kaye na epitikilo okushininga.