SSC okwa hala oomiliyuna dhe 30

OKAMPANI ya Social Security Commission (SSC) otayi ka ninga eindilo lyomeendelelo kOmpangu yOpombanda sho ya kwatwa kuumbanda kutya otashi vulika yi kanithe oomiliyuna omilongo ndatu ndhoka dhi li kofeema ya kwatathana nEwawa lyaagundju yoSwapo.

Oshifo sha Insight Namibia otashi ka lopota mu Aguste kutya ehangano lya Avid Investment ndyoka li lilwe komeho kOmupevi Minista mUuministeli wIiyenditho nOmakwatathano noku li wo Amushanga gwEwawa lyAagundjuka, Paulus Kapia, olya ndopa okushunitha oshimaliwa shoka konima yomimvo mbali moka kwali kwa talika kutya otali ka kala lya kola painiwe. Otaku popiwa kutya Kapia okwa dhana onkandangala onene mokukonga oshimaliwa shoka sha pewa Avid Investment.mOsoondaha, Omupevi Minista okwa popi kutya ke na ontseyo kombinga yoshipotha shoka SSC a hala okuninga mOmpangu, ihe okwa hokolola owala kutya ote ke shi kundathana na yakwawo ngele a thiki moshilando oshiwike shika.Avid Investment okwa totwa po ku Lazarus Kandara na Fritz Jacobs.Kandara okwa li a holoka ishewe moshinima shi na sha nepungulo lyiimaliwa ya SSC paulingilingi omimvo ne dha piti po ngashiingeyi.Jacobs okwa li wo iikutha miilonga komeho gomakonakono pOmina yOshingoli ya Navachab poKaribib, omakonakono oga li taga ningwa shi na sha na Avid Investment.Sigo oshiwike sha zi ko SSC okwa li a tegelela okupewa oshimaliwa she shoomiliyuna omilongo ndatu (N$30 million) kwa gwedhwa iishoshela mbyoka ya li ya uvathana.Insight Namibia okwa tseya ngeyi oshiwike sha zi ko kutya Olaata ya SSC oya gandja elombwelo nuuthemba kewilikongundu lya SSC kutya nali kale lya katukila Avid oonkatu dhopaveta mwakwatelwa eindilo kOmpangu yOpombanda kutya omaliko gehangano ndyoka inaga nyengwa nando okulye manga.Aawiliki yokampani ndjika oya tseyithilwa nale kombinga yoshinima shika.Eindilo mOmpangu yOpombanda ndyoka tali ningwa oshiwike shika, limwe lyomoonkambadhala dha SSC okumona kutya oshimaliwa shoka osha longithwa shike nenge osha pungulwa peni.Avid okwa ndopa okushunitha oshimaliwa shoka nenge okugandja uuyelele kutya osha pungulwa peni.Ngashiingeyi opu na omapopyo kutya otashi vulika omukuluntuwiliki gwa SSC, Tuli Nghiveluah na Menindjela gwIiniwe, Avril Green ya kuthwe miilonga pakathimbo molwashoka oyo ya popila oshinima shika.Green okwe shi pondola okweeta Gideon Mulder komeho gokomitiye yomazulo ngoka a li wo a tidhwa miilonga ya SSC ong’oshizemo.Omunashipundi gwa SSC, Frans Kapoifi okwa tindi okugandja okomenda ye moshinima ta popi owala kutya “ewilikongundu olya katuka oonkatu.”Ta ti ina hala okupopya kombinga yomifofoto kutya aanambelewa aakuluntu otashi vulika ya kuthwe miilonga.Konima yolopota ya Insight Namibia omwedhi gwa zi ko, kombinga yepungulo lyoshimaliwa sha SSC mu Avid, SSC okwa zimine kutya okwa tula shili oomiliyuna omilongo ndatu (N$30 million) mu Avid.Otaku popiwa kutya Kapia okwa dhana onkandangala onene mokukonga oshimaliwa shoka sha pewa Avid Investment.mOsoondaha, Omupevi Minista okwa popi kutya ke na ontseyo kombinga yoshipotha shoka SSC a hala okuninga mOmpangu, ihe okwa hokolola owala kutya ote ke shi kundathana na yakwawo ngele a thiki moshilando oshiwike shika.Avid Investment okwa totwa po ku Lazarus Kandara na Fritz Jacobs.Kandara okwa li a holoka ishewe moshinima shi na sha nepungulo lyiimaliwa ya SSC paulingilingi omimvo ne dha piti po ngashiingeyi.Jacobs okwa li wo iikutha miilonga komeho gomakonakono pOmina yOshingoli ya Navachab poKaribib, omakonakono oga li taga ningwa shi na sha na Avid Investment.Sigo oshiwike sha zi ko SSC okwa li a tegelela okupewa oshimaliwa she shoomiliyuna omilongo ndatu (N$30 million) kwa gwedhwa iishoshela mbyoka ya li ya uvathana.Insight Namibia okwa tseya ngeyi oshiwike sha zi ko kutya Olaata ya SSC oya gandja elombwelo nuuthemba kewilikongundu lya SSC kutya nali kale lya katukila Avid oonkatu dhopaveta mwakwatelwa eindilo kOmpangu yOpombanda kutya omaliko gehangano ndyoka inaga nyengwa nando okulye manga.Aawiliki yokampani ndjika oya tseyithilwa nale kombinga yoshinima shika.Eindilo mOmpangu yOpombanda ndyoka tali ningwa oshiwike shika, limwe lyomoonkambadhala dha SSC okumona kutya oshimaliwa shoka osha longithwa shike nenge osha pungulwa peni.Avid okwa ndopa okushunitha oshimaliwa shoka nenge okugandja uuyelele kutya osha pungulwa peni.Ngashiingeyi opu na omapopyo kutya otashi vulika omukuluntuwiliki gwa SSC, Tuli Nghiveluah na Menindjela gwIiniwe, Avril Green ya kuthwe miilonga pakathimbo molwashoka oyo ya popila oshinima shika.Green okwe shi pondola okweeta Gideon Mulder komeho gokomitiye yomazulo ngoka a li wo a tidhwa miilonga ya SSC ong’oshizemo.Omunashipundi gwa SSC, Frans Kapoifi okwa tindi okugandja okomenda ye moshinima ta popi owala kutya “ewilikongundu olya katuka oonkatu.”Ta ti ina hala okupopya kombinga yomifofoto kutya aanambelewa aakuluntu otashi vulika ya kuthwe miilonga.Konima yolopota ya Insight Namibia omwedhi gwa zi ko, kombinga yepungulo lyoshimaliwa sha SSC mu Avid, SSC okwa zimine kutya okwa tula shili oomiliyuna omilongo ndatu (N$30 million) mu Avid.