SPYL a kutha mo Amushanga gwe gwOmauyelele

E WAWA lyAagundjuka moSwapo olya kutha mo Amushanga gwalyo gwOmauyelele, Charles Siyauya, mopoosa ndjika, shoka tashi ti nee Oyunivesit ya Namibia (Unam) oyi na wo okuthiminika Swanu yi kuthe mo omupresidende gwoyo, Usutuaije Maamberua nosho wo amushanga-ndjayi Omundohotola Tangeni Iyambo moopoosa dhawo.

Maamberua ngoka e li Omukuluntu gwoshikondo shOakauntinga (Oshikondo shOmayalulo nOotaxi), okwa ningi omupresidende gwoSwanu mu Novemba omumvo gwa zi ko pethimbo ndyoka Iyambo a hogololwa. Iyambo oha gandja ootundi moshikondo shElongo mOyunivesiti ya Namibia.Konima owala yomasiku gatano sho ya hogololelwa oopoosa ndhika mu Swanu, oya li ya pewa omikanda tadhi popi kutya inaya pitikwa okukala noopoosa dhopapolitika om,amnga taya longo mu Unam.Aantu yamwe otaya popi ngeyi kutya Unam okwa fa a gama ombinga molwashoka aantu ngaashi Siyauya oya li taya longo moshiputudhilo shimwe.Siyauya omunambelewa moshikondo shelongo lyomeni mu Unam.Unam oku na omulandu ngoka hagu keelele aaniilonga ye kaaya kuthe ombinga miilongo yilwe yopondje unene yuu mbyoka tashi vulika yi nkundipike iilonga mbyoka ya tegelelwa ya gwanithe po ku Unam.Unam ta ti ngeyi kutya nando nee aaniilonga ya pitikwa okukutha ombinga miigongi yopapolitika moongundu dhopapolitika ndhoka dhi li pambelewa, aaniilonga ye itaya vulu oku kala aapopi piigongi mbyoka.Omulandu nguka gwa Unam tagu yelitha wo ngeyi kutya aaniilonga mboka taya ka kutha ombinga miigongi yopapolitika oye na okwiihumbata nawa opo kaaya “lengithe” edhina lyoshiputudhilo shika.Aaniilonga mu Unam oya keelelwa wo okukutha ombinga mokupopitha oshigwana papolitika nenge okupopya pehala lyongundu yontumba yopapolitika.Ewawa lyAagundjuka moSwapo olya tseyitha ngeyi mEtitano lyoshiwike sha zi ko kutya Clinton Swartbooi ngoka e li omuyambidhidhi gwOmupeha gwOministeli yOtango Libertine Amathila, oye ngashiingeyi ta kala nopoosa ndjoka yOmauyelele mewawa ndika, ano oye nee a pingenepo Siyauya.Swartbooi okwa li e na opoosa yuuhamushanga welongo, ooheembundangele nomithigululwakalo.Opoosa ye ndjika kwali oya pewa nee Uapeua Uitele ngoka a li oshilyo sowala mOkomitiye Ompitithi yoPashigwana nenge tutye National Executive Committee (NEC).”Omalunduluko ngaka ga ningwa mOkomitiye ndjika yoPashigwana, oye na nee okukolekwa kOngundumutima nenge ko Central Committee (CC) yoSPYL,” Amushanga gwEwawa lyAagundjuka moSwapo Elijah Ngurare ta popi ngaaka pamushangwa.Ta ti etokolo ndika olya ningwa palombwelo lya Unam ngoka ina hala aaniilonga ye ya kale noopoosa moongundu dhopapolitika.Ewawa ndika lyAagundjuka moSwapo, olya li lya ningi ekwatathano na Unam omanga inali ninga etokolo ndika.Sigo opethimbo oshinyolwa shika tashi yi koshinyanyangidho, inatu mona uuyelele ngele ongundu yopapolitika yoSwanu otayi landula oshiholelwa sha SPYL nenge otayi lundulula omulandu gwa Unam.Iyambo oha gandja ootundi moshikondo shElongo mOyunivesiti ya Namibia.Konima owala yomasiku gatano sho ya hogololelwa oopoosa ndhika mu Swanu, oya li ya pewa omikanda tadhi popi kutya inaya pitikwa okukala noopoosa dhopapolitika om,amnga taya longo mu Unam.Aantu yamwe otaya popi ngeyi kutya Unam okwa fa a gama ombinga molwashoka aantu ngaashi Siyauya oya li taya longo moshiputudhilo shimwe.Siyauya omunambelewa moshikondo shelongo lyomeni mu Unam.Unam oku na omulandu ngoka hagu keelele aaniilonga ye kaaya kuthe ombinga miilongo yilwe yopondje unene yuu mbyoka tashi vulika yi nkundipike iilonga mbyoka ya tegelelwa ya gwanithe po ku Unam.Unam ta ti ngeyi kutya nando nee aaniilonga ya pitikwa okukutha ombinga miigongi yopapolitika moongundu dhopapolitika ndhoka dhi li pambelewa, aaniilonga ye itaya vulu oku kala aapopi piigongi mbyoka.Omulandu nguka gwa Unam tagu yelitha wo ngeyi kutya aaniilonga mboka taya ka kutha ombinga miigongi yopapolitika oye na okwiihumbata nawa opo kaaya “lengithe” edhina lyoshiputudhilo shika.Aaniilonga mu Unam oya keelelwa wo okukutha ombinga mokupopitha oshigwana papolitika nenge okupopya pehala lyongundu yontumba yopapolitika.Ewawa lyAagundjuka moSwapo olya tseyitha ngeyi mEtitano lyoshiwike sha zi ko kutya Clinton Swartbooi ngoka e li omuyambidhidhi gwOmupeha gwOministeli yOtango Libertine Amathila, oye ngashiingeyi ta kala nopoosa ndjoka yOmauyelele mewawa ndika, ano oye nee a pingenepo Siyauya.Swartbooi okwa li e na opoosa yuuhamushanga welongo, ooheembundangele nomithigululwakalo.Opoosa ye ndjika kwali oya pewa nee Uapeua Uitele ngoka a li oshilyo sowala mOkomitiye Ompitithi yoPashigwana nenge tutye National Executive Committee (NEC).”Omalunduluko ngaka ga ningwa mOkomitiye ndjika yoPashigwana, oye na nee okukolekwa kOngundumutima nenge ko Central Committee (CC) yoSPYL,” Amushanga gwEwawa lyAagundjuka moSwapo Elijah Ngurare ta popi ngaaka pamushangwa.Ta ti etokolo ndika olya ningwa palombwelo lya Unam ngoka ina hala aaniilonga ye ya kale noopoosa moongundu dhopapolitika.Ewawa ndika lyAagundjuka moSwapo, olya li lya ningi ekwatathano na Unam omanga inali ninga etokolo ndika.Sigo opethimbo oshinyolwa shika tashi yi koshinyanyangidho, inatu mona uuyelele ngele ongundu yopapolitika yoSwanu otayi landula oshiholelwa sha SPYL nenge otayi lundulula omulandu gwa Unam.