Shoka SWANU taka ninga po nge okwa hogololwa

PETHIMBO ta popitha oshigongi shAatoolinkundana pOutapi moMusati meti 11 Novemba 2009, Omupresidende gwo SWANU omusamane Usutuaije Maamberua, okwa ti kutya shampa ashike oSwanu ya hogololwa momahogololo ngaka twa thinda, Omupresidende gwayo omusamane Maamberu, ota ka eta po iinima tayi landula meni lyoomvula mbali ndatu tadhi landula.

Omupresidende gwoSWANU, Maamberua, ta ti mOmwedhi Maalitsa omvula tayi ya 2010, otaka eta puuyelele Oolopota dhUukommissi wOmakonaakono mboka wa totelwe po wu konaakone iinima yontumba ya ningwa mEpangelo nosho tuu. Ta mbwanga mumwe Uuministeli wIimaliwa nOkomissi yOmathaneko gOoprograma dhEpangelo. Ta tula mumwe Uuministeli wIipindi nIikwafaabulika naamboka wIinima yOpondje yOshilongo. Ta tula mumwe Uuministeli wOmaenditho nOmakwatakanithokumwe naamboka wOmauyelele. Taka tala kutya Oshikondo shUuhamushanga mOkabinete ka Namibia, shi kale sha kutha ko iilonga yimwe yomUuministeli wOmauyelele. Taka tula mumwe Uuministeli wOmavi naamboka wUunamapya. Mu Apilili 2010, Omupresidende gwa SWANU ota kiitula mo unene moshipotha shaamboka ya li ya hala okuteta ko Caprivi. Ta ti opwa pita unene ethimbo ele taku ungaungiwa noshipotha shoka sho itashi pu. Mu Mei 2010, otaka gandja elombwelo oonakukuthwa iimuna yawo pu Gam ya futilwe ekanitho lyawo. Mu Juni, otaka hokolola kutya omukalo gwEpangelo lyoSwapo gwokugandja iilonga kOohailwa ashike gu kale gwa hulithwa po. Mu Juli 2010, ta ka ningulula Okaansela yokugandja omayele kOmupresidende shi na sha nEmona lyoshilongo.Mu Auguste 2010, Omupresidende gwoSwanu ta ka igidha kuningwqe Oshigongi oshinene tashi popi onkalo yEvi moNamibia. Mu Septemba 2010, taka tula po Okommissi tayi konaakono onkalo yomikunda moka mu na aakwashigwana ya hepa noya pumbwa ekwatho meendelelo. Mu Oktoba 2010, omusamasne Maamberua, ota ti ngele okwa hogololwa Omupresidende gwa Namibia ota ka tula po olutu lu na sha nOmatulululo nEgandjululo lyevi. Mu Novemba 2010, otaka hokolola kutya Elongo lyopaPrima, otali kala itali futwa notali dhengele sigo opoomvula 16.Mu Desemba 2010, omusamane Maamberua ngele okwa hogololwa otaka tula po olutu lwokulongekidha po oonkundathana nEpangelo lyAandowishi shi na sha nEhepeko nedhipago lyaakwashigwana ya Namibia kAandowishi pethimbo ya li taya kolonyeke Namibia. Ano lu ka tule po Elandulathano lyIikundathanwa, Esiku nEthimbo. Mu Januari 2011, otaka gandja elombwelo openzela yAakulupe yi gwedhelwe nomu Febuluali 2011, otaka tula po Oshiketha shokuungaunga nIiponga mbyoka hayi ya po inayi tegelewa ngashi Omafundja nIikukuta. Mu Januari 2011, Swanu ngele oya yi koshipundi otayi ti kutya otaya ka talulula omatuko goondhila gOpaigwana ga Air Namibia nokutula aaniilonga mOmahangano galwe gayama kEpangelo.Mu Februari 2011, omusamane Maamberua otaka eta po eyambidhidho kEpangelo kAanuunamapya naaniimuna opo ya vule okweeta po sha shomupondo shi na sha niikulya muule woomvula ntano tadhi landula. Mu Maalitsa 2011, otaka shunitha pevi elongitho lyoshimaliwa mUuministeli wEgameno nokugandja oshimaliwa shimwe kIitopolwa yElongo. mOmwewdhi omo tuu moka, otaka tula po wo Okakomisi kokuungaunga noshinima shEdhiminathanepo.Mu Apilili 2011, otaka tula po omulandu kutya Oopperesenda 50 dhOokwota dhOohi nodhOosheya mOomina, dhi kale dhOmahangano gomIitopolwa yokomikunda nOmahangano gokuhumitha komeho Iitopolwa yokomikunda.Mu Mei 2011, Swanu otaka tula po Oshiketha shOkuyambidhidha Aanyasha mboka taya kongo iilonga naamboka kaye na iilonga. Mu Juni 2011, otaya ka tameka nokutula Oosenda/Oosikola dhUungomba mIitopowla ayihe, nelalakano kutya Oshitopolwa kehe osha pumbwa Osenda yokulonga oshigwana Iilongwa yOpaungomba muule woomvula ntano tadhi landula.Mu Juli 2011, otaya ka tula po omulandu ngoka tagu ka utha ayehe ya mone uuhaku wiihwapo na kehe gumwe a kale e na uuthemba wokumona ekwatho lyokufutila epango lye. Mu Auguste 2011, otaya ka shunitha pevi nenge taya ka kutha po iimaliwa ayihe ya li ya futwa eilongo lyAanasikola mIiputudhilo yOpombanda ya Namibia. Mu Septemba 2011, otatya ka kutha po Ookampani dhEgandjo lyOlusheno moNamibia, ngashi OoNORED nosho tuu nokugandja uuthemba kOmalelo gOondoolopa ga lande gogene olusheno ku Nampower guukilila.Taya ka tula Oshikondo shOmeya mEpangelo nelalakano lyokushunitha pevi oofuto dhomeya unene tuu kwaamboka yomiitopolwa yokomikunda nayalwe wo mboka aathigona moshigwana. Mu Oktoba 2011, otaya ka utha kutya oondjambi dhopetameko miilonga yi ili noyi ili, moNamibia alihe, odhi na okukala dhi thike peni.Mu Novemba 2011, Swanu, otayi ka tamununa mo omagandjo gomagano gopetameko, opo ga kale taga pewa Aanamibia ayehe ye ga pumbwa, opo shi kuthe po omwaka omunene ngoka gu li pokati kaayamba naathigona. Mu Desemba 2011, Omupresidende gwa Swanu otaka kutha po Ewiliko lyokuungaunga niifendela yoshigwana mUuministeli wIimaliwa noku li tula mOmalelo galwe ga yama kEpangelo.