Shixwameni naayambidhidhi ye ye li 21 ya thiga po CoD

I GNATIUS Shixwameni ngoka e li omunapolitika a simana gwongundu yompilameno mu Namibia yoCongress of Democrats (CoD), okwa thigi po ongundu yawo pamwe naalanduli ye ye li 21 – nokutota po ongundu ye ompe yopapolitika.

Oya ndjoinwa aniwa kiilyo yoSwapo yi li 11 mbyoka ya thigi po ongundu tayi pangele omasiku ga zi ko. Shixwameni okwa tseyitha oshinima shika pethimbo ta kuthile ko iikundaneki pegumbo lye mOvenduka.Shixwameni okwa li a longitha ooSMS mokuhiya iikundaneki koshigongi shoka sha li pegumbo lye moshilandopangelo.”Onda thigi po uukwashilyo wandje moCoD okuza nena.Iilyo yilwe okuza kiitopolwa yilwe moshilongo, oya thigi po wo CoD pamwe nangame,” ta popi ngaaka miipathi yaantu konyala ye li 25 lwaampoka mboka ya thigi po wo oongundu dhawo dhopapolitika.Mokati kaamboka, omwa li Linus Muchila, Faustinus Wakundumo, Toivo Ashipala na Agapitus Hausiku.Nando nee Shixwameni a lombwela aatoolinkundana kutya aantu ye li 45 oya thigi po oongundu dhawo mwakwatelwa yoNudu no DTA, aantu owala 34 oyo ya li momusholondondo ngoka a li e na, moka mwa li owala Maria Nesilu oye a za moDTA.”Eikutho mo lyatu moongundu dhetu dhopapolitika, olye tu ningi aantu twi ithikamena notatu vulu nee okuninga iigongi noonkundathana nAanamibia ya yoolokathana nelalakano lyokutota po ongundu ompe yopapolitika,” Shixwameni ta popi ngaaka.”Ongundu ompe otayi ka hila iilyo naayambidhidhi yawo okuza moongundu dhopapolitika oonkulu nosho wo mboka inaya kala nale moongundu dhopapolitika – mboka ye wete sha pumbiwa okukutha ombinga mopolitika.”Otwi ikutha mo moongundu dhetu opo tu tameke okuninga oonkundathana memanguluko, notatu ka lopota koshigwana muule wiiwike tayi ya kombinga yaashoka twa mona po.”Okwa li a tulwa momashongo omanene kaanapolitika yamwe opo a tote opaati ompe, Shixwameni ta popi.Konima owala yoshiwike shimwe sha piti po, oshikundanekifo shEpangelo shedhina New Era, osha li sha lopota kutya moshitopolwa sha Kavango otamu totwa ongundu ompe tayi ithanwa Namibia People’s Party (NPP).Herbert Shixwameni ngoka e li omumwayina gwa Ignatius okwa li a thigi po ongundu yoSwapo omasiku ga zi ko.Ignatius Shixwameni okwa li gumwe gwomaaleli ya simana yehangano lyaanasikola lyedhina Nanso lwopehulilo lyomimvo dhomiongo hetatu (1980s), ano omanga ku na owala oomvula ndatu oshilongo shi manguluke.Okwa ningwa nokuli Amushanga gwEwawa lyAagundjuka moSwapo momumvo 1992, nokwa kanitha oshipundi shoka mo 1997 sho Paulus Kapia a hogololwa.Okuza momumvo 1995, Shixwameni okwa li oshilyo shOparliamende nokwa li wo oshilyo shoCentral Committee (CC).Momumvo 1997, okwa li a ulikwa nokuningwa Oministeli yOpevi yOmauyelele.Momumvo 1999, okwa li ikutha mo mOparliamende nokuthiga po wo opoosa ye yUupevi Minista sho a ndjoina ongundu yo CoD.Momumvo 2000, okwa ka galukila ishewe mOparliamende ongoshilyo sho CoD.Mo 2001, Shixwameni okwa li a ningwa Amushanga-Ndjayi gwoCoD.Pethimbo lyomahogololo gomumvo 2004, CoD oya kanitha iipundi iyali na Shixwameni okwa li gumwe gwaamboka yaali ya kana mo mOparliamende.Omumvo tuu ngoka, ina thikama opo andola a hogolululwe mopoosa ndjoka yUuhamushanga-Ndjayi, ashike okwa li a kambadhala oku kondjitha Ben Ulenga momahogololo gopaupresidende – moka a zimo nomake ge li 76 omanga Ulenga a zimo nomake ge li 202.Mu Mei nuumvo, CoD okwa li a ningi Okongresa ye poKeetmanshoop mpoka Shixwameni a palutha opoosa yuupresidende nomake ge li 14 – ndjoka ya sindanwa po natango ku Ulenga.Shixwameni ngoka a li a popi kutya omahogololo ngoka oga yakwa, okwa li a thigi po Okongresa pamwe naayambidhidhi ye konyala ye li petata lyaakwashigongi mboka ya li mOkongresa ndjoka.Shixwameni okwa li a tidhwa mo mopaati ku Ulenga pamwe naalanduli ye ngaashi Kala Gertze, Elma Dienda, Nora Schimming-Chase na Herbert Schultz.Shixwameni nongundu ye, oya li ya fala oshinima shika kOmpangu noshipotha shawo okwa tegelelwa shi ka pulakenwe momasiku 28 ga Januali 2008.Kepulo kutya eikutho mo lye moCoD otali ka guma ngiini oshipotha shoka shi li mOmpangu pethimbo ndika, Shixwameni okwa popi ngeyi kutya opu na natango yakwawo yahamano – noshipotha oshi na owala okutsikila.”Otandi ya halele ompolo, nonda hala ya sindane,” ta popi ngaaka.Nora Schimming-Chase okwa tindi okugandja okomenda ye kombinga yeikutho mo lya Shixwameni moCoD.Shixwameni okwa tseyitha oshinima shika pethimbo ta kuthile ko iikundaneki pegumbo lye mOvenduka.Shixwameni okwa li a longitha ooSMS mokuhiya iikundaneki koshigongi shoka sha li pegumbo lye moshilandopangelo.”Onda thigi po uukwashilyo wandje moCoD okuza nena.Iilyo yilwe okuza kiitopolwa yilwe moshilongo, oya thigi po wo CoD pamwe nangame,” ta popi ngaaka miipathi yaantu konyala ye li 25 lwaampoka mboka ya thigi po wo oongundu dhawo dhopapolitika.Mokati kaamboka, omwa li Linus Muchila, Faustinus Wakundumo, Toivo Ashipala na Agapitus Hausiku.Nando nee Shixwameni a lombwela aatoolinkundana kutya aantu ye li 45 oya thigi po oongundu dhawo mwakwatelwa yoNudu no DTA, aantu owala 34 oyo ya li momusholondondo ngoka a li e na, moka mwa li owala Maria Nesilu oye a za moDTA.”Eikutho mo lyatu moongundu dhetu dhopapolitika, olye tu ningi aantu twi ithikamena notatu vulu nee okuninga iigongi noonkundathana nAanamibia ya yoolokathana nelalakano lyokutota po ongundu ompe yopapolitika,” Shixwameni ta popi ngaaka.”Ongundu ompe otayi ka hila iilyo naayambidhidhi yawo okuza moongundu dhopapolitika oonkulu nosho wo mboka inaya kala nale moongundu dhopapolitika – mboka ye wete sha pumbiwa okukutha ombinga mopolitika.”Otwi ikutha mo moongundu dhetu opo tu tameke okuninga oonkundathana memanguluko, notatu ka lopota koshigwana muule wiiwike tayi ya kombinga yaashoka twa mona po.”Okwa li a tulwa momashongo omanene kaanapolitika yamwe opo a tote opaati ompe, Shixwameni ta popi.Konima owala yoshiwike shimwe sha piti po, oshikundanekifo shEpangelo shedhina New Era, osha li sha lopota kutya moshitopolwa sha Kavango otamu totwa ongundu ompe tayi ithanwa Namibia People’s Party (NPP).Herbert Shixwameni ngoka e li omumwayina gwa Ignatius okwa li a thigi po ongundu yoSwapo omasiku ga zi ko.Ignatius Shixwameni okwa li gumwe gwomaaleli ya simana yehangano lyaanasikola lyedhina Nanso lwopehulilo lyomimvo dhomiongo hetatu (1980s), ano omanga ku na owala oomvula ndatu oshilongo shi manguluke.Okwa ningwa nokuli Amushanga gwEwawa lyAagundjuka moSwapo momumvo 1992, nokwa kanitha oshipundi shoka mo 1997 sho Paulus Kapia a hogololwa.Okuza momumvo 1995, Shixwameni okwa li oshilyo shOparliamende nokwa li wo oshilyo shoCentral Committee (CC).Momumvo 1997, okwa li a ulikwa nokuningwa Oministeli yOpevi yOmauyelele.Momumvo 1999, okwa li ikutha mo mOparliamende nokuthiga po wo opoosa ye yUupevi Minista sho a ndjoina ongundu yo CoD.Momumvo 2000, okwa ka galukila ishewe mOparliamende ongoshilyo sho CoD.Mo 2001, Shixwameni okwa li a ningwa Amushanga-Ndjayi gwoCoD.Pethimbo lyomahogololo gomumvo 2004, CoD oya kanitha iipundi iyali na Shixwameni okwa li gumwe gwaamboka yaali ya kana mo mOparliamende.Omumvo tuu ngoka, ina thikama opo andola a hogolululwe mopoosa ndjoka yUuhamushanga-Ndjayi, ashike okwa li a kambadhala oku kondjitha Ben Ulenga momahogololo gopaupresidende – moka a zimo nomake ge li 76 omanga Ulenga a zimo nomake ge li 202.Mu Mei nuumvo, CoD okwa li a ningi Okongresa ye poKeetmanshoop mpoka Shixwameni a palutha opoosa yuupresidende nomake ge li 14 – ndjoka ya sindanwa po natango ku Ulenga.Shixwameni ngoka a li a popi kutya omahogololo ngoka oga yakwa, okwa li a thigi po Okongresa pamwe naayambidhidhi ye konyala ye li petata lyaakwashigongi mboka ya li mOkongresa ndjoka.Shixwameni okwa li a tidhwa mo mopaati ku Ulenga pamwe naalanduli ye ngaashi Kala Gertze, Elma Dienda, Nora Schimming-Chase na Herbert Schultz.Shixwameni nongundu ye, oya li ya fala oshinima shika kOmpangu noshipotha shawo okwa tegelelwa shi ka pulakenwe momasiku 28 ga Januali 2008.Kepulo kutya eikutho mo lye moCoD otali ka guma ngiini oshipotha shoka shi li mOmpangu pethimbo ndika, Shixwameni okwa popi ngeyi kutya opu na natango yakwawo yahamano – noshipotha oshi na owala okutsikila.”Otandi ya halele ompolo, nonda hala ya sindane,” ta popi ngaaka.Nora Schimming-Chase okwa tindi okugandja okomenda
ye kombinga yeikutho mo lya Shixwameni moCoD.