Shilowa a za mo mu ANC

J OHANNESBURG – Ngoka a li nale Ngoloneya gwoshitopolwa oshiyamba kwaayihe mu South Afrika, Mbhazima Shilowa, mEtiyali lyoshiwiske shika okwa thigi po ongundu yo African National Congress (ANC) e ta popi kutya ota ka ndjoina ongundu yaantu mboka ya hala okutota po opaati ompe moshilongo shoka.

Etotepo lyopaati ompe mu South Afrika otali ka eta elunduluko enene mu ANC, ndjoka ya kala nokulela oshilongo pwaa na omashongo gasha okuza mpoka sho okatongotongo ka hulithwa po mo South Afrika momumvo 1994 na otashi eta wo omaipulo kutya onkalo yopolitika moshilongo shika shi na eliko lya kola mu Afrika alihe oyu uka naanaa peni. Shilowa, ngoka a li Ngoloneya yoshitopolwa sha Gauteng (moka omo mu na Johannesburg), ota nyenyeta ekutho ko lya Thabo Mbeki koshipundi shUupresidende.Okwa ti kutya ye ota ka yambidhidha okangundu kaantu mboka ya thiga po ANC, hoka ka kwatelwa komeho ku ngoka a li nale Ominista yEtanga lyEgameno, Mosiuoua Lekota.Shilowa okwa li gumwe gwomaanambelewa ya ANC mboka ya simanekwa noonkondo na etseyitho lye kutya okwa thiga po ANC, okwe li ningi konima sho Lekota a eta po edhiladhilo lyokutotapo opaati ompe.Pethimbo ndika, ANC okwa tula Lekota pevi, konima sho a gandja uusama kopaati yawo sho ya kutha Mbeki koshipundi.Shilowa otashi vulika a gandja oonkondo kokangundu kaamboka yu uvitile nayi ANC, nonande ka ke na natango eyambidhidho kaanapolitika aanene mu ANC.Okangundu kaantu mboka yu uvitile nayi ANC oka ningi eindilo kAaSouth Afrika ya ye kOkongresa kwa thanekwa yi ka kale ko momasiku 2 ga Novemba, mpoka ta pu ka kundathanwa kutya omolwashike ye li ompinge nopaati nokuthaneka shoka shi na okuningwa po monakuyiwa.Shilowa okwa hokana gumwe gwomaakiintu aanangeshefa aanene mu South Afrika, Wendy Luhabe.Metiyali, Omupresidende gwa ANC Jacob Zuma okwa li a popi kutya iilyo yo ANC mbyoka yi li ompinge naashoka sha ningwa po mopaati, otayi ka katukilwa onkatu.Mbeki okwa li a thiminikwa a thige po oshipundi shUupresidende e ta pingenwapo ku Kgalema Motlanthe, konima sho Omupanguli gumwe a popi kutya okwi idhopa moshipotha shekoraputo nuulingilingi shoka sha li sha ningilwa Zuma.Nampa-ReutersShilowa, ngoka a li Ngoloneya yoshitopolwa sha Gauteng (moka omo mu na Johannesburg), ota nyenyeta ekutho ko lya Thabo Mbeki koshipundi shUupresidende.Okwa ti kutya ye ota ka yambidhidha okangundu kaantu mboka ya thiga po ANC, hoka ka kwatelwa komeho ku ngoka a li nale Ominista yEtanga lyEgameno, Mosiuoua Lekota.Shilowa okwa li gumwe gwomaanambelewa ya ANC mboka ya simanekwa noonkondo na etseyitho lye kutya okwa thiga po ANC, okwe li ningi konima sho Lekota a eta po edhiladhilo lyokutotapo opaati ompe.Pethimbo ndika, ANC okwa tula Lekota pevi, konima sho a gandja uusama kopaati yawo sho ya kutha Mbeki koshipundi.Shilowa otashi vulika a gandja oonkondo kokangundu kaamboka yu uvitile nayi ANC, nonande ka ke na natango eyambidhidho kaanapolitika aanene mu ANC.Okangundu kaantu mboka yu uvitile nayi ANC oka ningi eindilo kAaSouth Afrika ya ye kOkongresa kwa thanekwa yi ka kale ko momasiku 2 ga Novemba, mpoka ta pu ka kundathanwa kutya omolwashike ye li ompinge nopaati nokuthaneka shoka shi na okuningwa po monakuyiwa.Shilowa okwa hokana gumwe gwomaakiintu aanangeshefa aanene mu South Afrika, Wendy Luhabe.Metiyali, Omupresidende gwa ANC Jacob Zuma okwa li a popi kutya iilyo yo ANC mbyoka yi li ompinge naashoka sha ningwa po mopaati, otayi ka katukilwa onkatu.Mbeki okwa li a thiminikwa a thige po oshipundi shUupresidende e ta pingenwapo ku Kgalema Motlanthe, konima sho Omupanguli gumwe a popi kutya okwi idhopa moshipotha shekoraputo nuulingilingi shoka sha li sha ningilwa Zuma.Nampa-Reuters