OMUKULUNTU gOpolisi moshitopolwa sha Erongo, Festus Shilongo, omasiku ga zi ko okwa li a yelwa sho a ningwa Komufala gwOpolisi, konima sho a kala Komufala gwOpevi.
Shilongo okwa li ningwa Komanda gwOpolisi gwoshitopolwa shika momumvo 2000, hoka a li a yi ko okuza koshitopolwa sha Kunene na okwa li a tokola okweeta egameno li li moshitopolwa sha Erongo.
Omateyo gomagumbo nuufuthi oya li ya shuna pevi, sho eya moshitopolwa sha Erongo.
Omathimbo ga zi ko, Oshikondo shi na sha nokukondjitha omiyonene tadhi ningilwa aatalelipo, osha li sha totwa po omanga Uukomitiye u na sha nokugandja omauyelele, wa li wa totwa po moondoolopa dhi ili nodhi I li moshitopolwa. Shilongo okwa lombwele The Namibian kutya ngashiingeyi opu na oshindji a tegelelwa e shi ninge, ihe shika ote ke shi ninga ashike uuna e na oshigwana tashi ya kwathele.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
