Shatiwa ota vulu okwiifutila mo

Shatiwa ota vulu okwiifutila mo

O MUKALIMO Omuwambo momukunda Olupeho mUukwangali muuninginino wOkavango, tate Gabriel Shatiwa (Nehanga) gwoomvula omilongohamano ngoka a kwatelwe po kOpolisi ya Kavango mOlyomakaya ga zi molwashoka e li aniwa mOkavango shaa li paveta, okwa holoka mOmpangu ya Mangestrata mo Rundu nokwa pewa uuthemba wokwiifutila mo N$500.

Sho a holoka mOmpangu ya Mangestrata ngeyi moRundu moka Omaandaha, ina pulwa atye sha manga koshipotha she shoka shokukala mOkavango shaa li paveta noshuundulilwa petameko lyomvula tayi ya omolu omakonaakono gOpolisi. Momumvo 2004, Shatiwa okwa pelwe elombwelo pambapila kOmukwaniilwa gwUukwangali Sitentu Mpasi kutya a kale a yela mo mOkavango moompadhi oontalala molwashoka, kakele kokuya mo shaa li paveta momumvo 1986, oku li wo ta piyaganeke, a dhina Omukwaniilwa, te mu lundile, ta yaka po oongombe oonkani, ta longo nuulingilingi sho ta panga aantu pashiluudhe, okukala ita ende kOmbala yOmukwaniilwa nosho tuu nosho tuu.Nonando a pelwe elombwelo ndika a ze mo moompadhi oontalala, Omukwaniilwa Mpasi ota ti kutya Shatiwa elombwelo ndika okwe li dhina nokwa kala ashike megumbo lye mOkavango moka ke na epitikilo lyokukala mo.Oshifo shika osha li sha talele po Nehanga nguka Oshiwike sha zi ko, moka Nehanga e shi lombwele kutya ye mOkavango okwe ya mo momumvo 1986, a zile komukunda Onambiya popepi nOnyuulaye mOndonga mOshitopolwa sha Shikoto noku li mo nezimino lyOmukwaniilwa Mpasi nElelo lye.Ta ulikile wo Oshifo shika Okakalata kuukwashilyo wUukwangali, ano kOshilongo shUukwanali.Tashi ti ngashi pethimbo lyUukoloni okwa kala ta fendele mElelo lyUukwangali e li Omukwangali.Pokati mpoka Omukwaniilwa Mpasi, okwa gandja po epya negumbo lyomusamane Shatiwa/Nehanga ku Frans Ngoma (Disco), Omukuluntusikola pOsikola yaanona ya Nkwizu yi li muumbangalantuuzilo wa Lupeho moka mwa kala Nehanga.”Ngaye mwene kandi uvite ko nande shoka tashi ningwa kOmukwaniilwa mpasi, oshoka pehala mpaka onde ya po nale momumvo 1986.Nda pewa po kOmukwaniilwa tuu ngoka Mpasi nElelo lye.Nde mu futa oongombe mbali nonda hokana wo aakulukadhi yandje yaali yAakavango.Ndi na aanona naalelwa yandje megumbo lyandje muka.Tashi ti ndi li Omukavango lela nondi na uuthemba wokukala mOkavango muka.”Omuntu ngoka Shatiwa, Omukolokoshi, omupiyganeki mOkavango.E ya mo ke na eziminino.Megumbo lyandje muka ina enda mo.Okwa yaka po oongombe oonkani.Ta ningi sho a hala mOkavango muka.Oku li wo onganga naakulukadhi mboka ha panga, nge kaye na ofuto oheya ningi po ye.Ina hala okuvulika koompango dhandje nElelo lyandje.Okwa tangalala nota ningi shoka a hala.Onkee onda gandja elombwelo kutya na shune kOwambo hoka a zile mUukwangali na ze mo, inadi mu pumbwa mo, naantu yandje inaye mu pumbwa.Ota lundile ndje kutya onde mu futitha oongombe mbali, omanga tse mUukwangali katu futitha omavi.Okwa hala okutya shike ngawo.Omuntu nguka omwiinayi, na ze mo mOkavango/mUukwangali muka,” Omukwaniilwa Mpasi ta ti nokulombwela Oshifo shika ngawo, noshipala sha geya nosha nika oshikuluntu.Ta gwedha ko ta ti kutya kakele ka Shatia, Aanahambo yAawambo ayehe mboka ye li mOkavango yaa na ezimino lye oye na okuyela mo moompadhi oontalala.Omukwaniilwa ta gwedha po ta ti kutya omuniimuna nee ngoka taka hala okugaluka, otaka ninga eindilo lyokugalukila mUukwangali moka.”Ashike nee, nashi kale shuuvitike ko kutya, ngele omusamane Shatiwa mUukwangali ina za mo, nena itandi ka etha nande gumwe gwOmuwambo a galukile mOkavango.Oshowo kutya ayehe mboka taku tiwa kutya naya ze mo mOkavango ngele opwa ka kala yamwe inaya hala okuza mo nena osha yela kutya ompito yokuninga omaindilo kwaamboka ya hala okugalukila mo nayo wo itayi ka kala po we, “Omukwaniilwa Mpasi ta ti ngawo.Pokati mpoka Omukuluntundjayi gwOpolisi Sebastian Ndeitunga, pethimbo ta popitha oshigwana kumwe nAapolisi mEsiku lyOpolisi ya Namibia poRundu mOkavango mEtitano lya zi ko, okwa ningi ekunkililo lya kwata miiti kutya aaniimuna yAawambo mboka ye li muuningini wOkavango shaa li paveta, ya kale ya za mo moompadhi oontalala, nange hasho nena Opolisi otayi ka tsikila noku ya tidha mo koonkondo.Opolisi oya tameka nalenale okutidha mo aanafaalama ayehe yaapopi yOshiwambo muuninginino wa Kavango, nonande taya ti kutya oye li mo paveta nopaziminino lyOmukwaniilwa Mpasi nElelo lye.Momumvo 2004, Shatiwa okwa pelwe elombwelo pambapila kOmukwaniilwa gwUukwangali Sitentu Mpasi kutya a kale a yela mo mOkavango moompadhi oontalala molwashoka, kakele kokuya mo shaa li paveta momumvo 1986, oku li wo ta piyaganeke, a dhina Omukwaniilwa, te mu lundile, ta yaka po oongombe oonkani, ta longo nuulingilingi sho ta panga aantu pashiluudhe, okukala ita ende kOmbala yOmukwaniilwa nosho tuu nosho tuu.Nonando a pelwe elombwelo ndika a ze mo moompadhi oontalala, Omukwaniilwa Mpasi ota ti kutya Shatiwa elombwelo ndika okwe li dhina nokwa kala ashike megumbo lye mOkavango moka ke na epitikilo lyokukala mo.Oshifo shika osha li sha talele po Nehanga nguka Oshiwike sha zi ko, moka Nehanga e shi lombwele kutya ye mOkavango okwe ya mo momumvo 1986, a zile komukunda Onambiya popepi nOnyuulaye mOndonga mOshitopolwa sha Shikoto noku li mo nezimino lyOmukwaniilwa Mpasi nElelo lye.Ta ulikile wo Oshifo shika Okakalata kuukwashilyo wUukwangali, ano kOshilongo shUukwanali.Tashi ti ngashi pethimbo lyUukoloni okwa kala ta fendele mElelo lyUukwangali e li Omukwangali.Pokati mpoka Omukwaniilwa Mpasi, okwa gandja po epya negumbo lyomusamane Shatiwa/Nehanga ku Frans Ngoma (Disco), Omukuluntusikola pOsikola yaanona ya Nkwizu yi li muumbangalantuuzilo wa Lupeho moka mwa kala Nehanga.”Ngaye mwene kandi uvite ko nande shoka tashi ningwa kOmukwaniilwa mpasi, oshoka pehala mpaka onde ya po nale momumvo 1986.Nda pewa po kOmukwaniilwa tuu ngoka Mpasi nElelo lye.Nde mu futa oongombe mbali nonda hokana wo aakulukadhi yandje yaali yAakavango.Ndi na aanona naalelwa yandje megumbo lyandje muka.Tashi ti ndi li Omukavango lela nondi na uuthemba wokukala mOkavango muka.”Omuntu ngoka Shatiwa, Omukolokoshi, omupiyganeki mOkavango.E ya mo ke na eziminino.Megumbo lyandje muka ina enda mo.Okwa yaka po oongombe oonkani.Ta ningi sho a hala mOkavango muka.Oku li wo onganga naakulukadhi mboka ha panga, nge kaye na ofuto oheya ningi po ye.Ina hala okuvulika koompango dhandje nElelo lyandje.Okwa tangalala nota ningi shoka a hala.Onkee onda gandja elombwelo kutya na shune kOwambo hoka a zile mUukwangali na ze mo, inadi mu pumbwa mo, naantu yandje inaye mu pumbwa.Ota lundile ndje kutya onde mu futitha oongombe mbali, omanga tse mUukwangali katu futitha omavi.Okwa hala okutya shike ngawo.Omuntu nguka omwiinayi, na ze mo mOkavango/mUukwangali muka,” Omukwaniilwa Mpasi ta ti nokulombwela Oshifo shika ngawo, noshipala sha geya nosha nika oshikuluntu.Ta gwedha ko ta ti kutya kakele ka Shatia, Aanahambo yAawambo ayehe mboka ye li mOkavango yaa na ezimino lye oye na okuyela mo moompadhi oontalala.Omukwaniilwa ta gwedha po ta ti kutya omuniimuna nee ngoka taka hala okugaluka, otaka ninga eindilo lyokugalukila mUukwangali moka.”Ashike nee, nashi kale shuuvitike ko kutya, ngele omusamane Shatiwa mUukwangali ina za mo, nena itandi ka etha nande gumwe gwOmuwambo a galukile mOkavango.Oshowo kutya ayehe mboka taku tiwa kutya naya ze mo mOkavango ngele opwa ka kala yamwe inaya hala okuza mo nena osha yela kutya ompito yokuninga omaindilo kwaamboka ya hala okugalukila mo nayo wo itayi ka kala po we, “Omukwaniilwa Mpasi ta ti ngawo.Pokati mpoka Omukuluntundjayi gwOpolisi Sebastian Ndeitunga, pethimbo ta popitha oshigwana kumwe nAapolisi mEsiku lyOpolisi ya Namibia poRundu mOkavango mEtitano lya zi ko, okwa ningi ekunkililo lya kwata miiti kutya aaniimuna yAawambo mboka ye li muuningini wOkavango shaa li paveta, ya kale ya za mo moompadhi oontalala, nange hasho nena Opolisi otayi ka tsikila noku ya tidha mo koonkondo.Opolisi oya tameka nalenale okutidha mo aanafaalama ayehe yaapopi yOshiwambo muuninginino wa Kavango, nonande taya ti kutya oye li mo paveta nopaziminino lyOmukwaniilwa Mpasi nElelo lye.

Stay informed with The Namibian – your source for credible journalism. Get in-depth reporting and opinions for only N$85 a month. Invest in journalism, invest in democracy –
Subscribe Now!

Latest News