Shalli natango ita vulu oku longitha iimaliwa yimwe O

MUKULUNTU nale gwetanga Lyegameno lya Namibia, Martin Shalli ita vulu natango oku longitha iimaliwa mbyoka ya pungulwa mokambo kombaanga moZambia. Shalli okwa li a indile ohofa yopombanda opo yi kuthepo elombwelo ndyoka lya pelwe Omutamaneki ndjayi ta li utha opo iimaliwa mbyoka yi kalekwepo inaa yu gumwa.

Omutamanekindjayi okwa li a indile ohofa opo yi gandje elombwelo kutya iimaliwa konyala yoomiliona dhooN$2,8 na yi gamenwe yaalongithwe nenge yi nanweko kombaanga ndjoka. Eindilo olya ningilwe mu Septemba omumvo gwayi kohi yomautho goveta ndjoka yina sha nekeelelo lyiilonga ya longekidhwa yomuyonena. Shalli okwa li a sindana meindilo lye kutya elombwelo ndyoka ta li utha kutya imaliwa ye ina yi gumwa nali kuthwepo. Okwa li a kankamekele etompelo kutya omunambelewa ngoka a li a longekidha oshinima shika kena uuthemba noonkondo dhopaveta oku shi ninga onkene mokuninga ngaaka okwe shi longo eli pondje yoveta.Ndele eindilo opo iimaliwa mbyoka yi vule okulongithwa, olya, yiwa moshipala,sho omutamaneki ndjayi, Martha Imalwa a tulamo ishewe eindilo olyo tuu ndyoka kutya iimaliwa mbyoka natango nayi kale ya gamenwa yaa nanweko kombaanga ndjoka moZambia. Iimaliwa mbika ota yi konenenwa kutya otashi vulika mbyoka yi kale yeetwa mo momukalo gwaali paveta, na ishewse ina tseyithilwa oshikondo shiifendela. Ota ku fekelwa kutya iimaliwa, mbika Shalli okwe yi pewa omolwashoka Namibia a landele iilongitho yopakwiita konyala yobiliona yimwe oku za koChina. Iimaliwa mbyoka oya futilwa mombaanga ya Shalli kehangano, lya Poly Technologies Incorporated, kwa tiwa mbika aniwa okommissi, ndele Shalli okwa li aniwa a lombwele opolisi kutya keshiwo kutya omolwashike iimaliwa mbyoka ya shangwa ongo ocommission, ye ngele okwa li aningi euvathano nayo opo ya longithe egumbo lye lili moSuiderhof sha Venduka uule womimvo omulongo no ya li yena oku mu futa oodola omayovi 500 000 omanga inaa ya longitha olukalwa lwe.