Shack Dwellers na Standard Bank yi imanga uukuni kumwe

POUTAPI E HANGANO lya tseyika nawa lyOkwiitungila omagumbo gaamboka ye na iiyemo iishona lela moshigwana noya kala muumbashu, lyedhina Shack Dwellers Federation of Namibia omathimbo ga zi ko olyi imanga uukuni kumwe nOmbaanga ya tseyika nawa ya Standard Bank moka Ehangano ndika lya ningi etokolo li kale ha li pungula iimaliwa yalyo mOmbaanga ndjika.

Ehangano ndika lyokutungila iilyo yalyo omagumbo gaamboka ye na iiyemo kayi li pombanda olya thikama moongunduhangano mIitopolwa ayihe ya Namibia omulongoniitatu. Oongundu nee adhihe ndhika dhi li iitayi yEhangano enene ( Shack Dwellers Federation of Namibia), hadhi gongele oshimaliwa paeprojeka dhadho, odho nee dha tokola okupatulula uumbo womapungulilo mOmbaanga ndjika ya Standard Bank moshilongo.Edhilaadhilo ndika oye li tulile miilonga lwotango mOshomeya, pakwathelo lyEhangano lyOkutungitha Omagumbo moNamibia lyedhina Namibia Housing Action Group lyomusamane Heinrich Amushila.Esiku ndjoka kOshomeya hoka aaniilonga mOmbaanga ya Standard oya longele pamwe niilyo ya Shack Dwellers, ya fooloma pamwe oondhopi dhokutunga omagumbo.Ombaanga ndjika tayi gandja wo omagano goshimaliwa shokutyapula esiku ndjoka mpoka.mEtiyali lyoshiwike shika, Ostandard Bank na Shack Dwellers Federation, oye ya pamwe pOutapi mOmbalantu mOshitopolwa sha Musati moka ya kolekulula euvathano lyawo lyokupungula kwoongundu dha Shack Dwellers Federation mOmbaanga ya Standard.Pethimbo olyo tuu ndjoka, aaniilonga yomOmbaanga ya Standard ye vulithe pomulongo oya longo pamwe noongundu dha Shack Dwellers, ano ya the omukanka gwofundamende yegumbo limwe lyoshilyo sha Tweshipanda Saving Group.Ombanga ya Standard oya ganbdjele po wo okapandi kOoN$1000 kokutyapulitha esiku.Oshiithanene osha li wo sha kalwa ku meya gwOndoolopa yAutpai tate Ndeshitila noshowo Kaansela gwOshikandjohogololo shAutapi tate Tataati Shileka.Tate Heinrich Amushila gwo Namibia Housing Action Group oye a li ta wilike oshiithanene shika nokwa pandula noonkondo Standard Bank sho a tokola okukwatela nokulongela kumwe noShack Dwellers Federation.Ta ti iilyo yOshack Dwellers, oya mona ompito ombwanawa yokupungula mOmbaanga ya Standard na itayi kala hayi kuthwa nande otekisa komapungulo gawo ngoka.Ta ti kutya okwa tokolwa ku ka ningwe eshainouvathano pokati kEhangano ndika lyOoShack Dwellers nOmbaanga ya Standard, li na sha nomakwatelo gokolela.Omusamane Amushila ta indile kEwiliko lyOmbaang ya Standard li kale tali kundathana naakuluntuwiliki yoShack Dwellers opo ayihe yi ende nawa.Omusamane Nakawa ngoka oye a li omuwiliki gwOsheendo shaaniilonga moStandard Bank, okwa lombwele ayehe ya li mpoka kutya Ombaanga yawo oya simaneka noonkondo iilongo yokomake, yombike noshihupulo, onkee oya tokola okukwatha mboka yoShack Dwellers, oshoka oya tokola okulonga noonyala dhawo yene nokwiimonena omagumbo okuza muumbashu.Meya gwOndoolopa yAutapi tate Ndeshitila noshowo Kaansela gwAutapi tate Shileka, nayo oya pandula noonkondo eimangokumwe lya Shack Dwellers nOmbaanga ya Standard mokukandula po oluhepo lwomagumbo nokutungila oshigwana omagumbo omawanawa.Omuwiliki Omukuluntu gwIilonga yoShack Dwellers Federation moshilongo ashihe meme Martha Kaulwa noshowo ngoka gwOshitopolwa shUumbangalantu meme Sofia Henock nayo wo opo ya li poshiithanene pOnhimbu pOutapi mpoka.Oongundu nee adhihe ndhika dhi li iitayi yEhangano enene ( Shack Dwellers Federation of Namibia), hadhi gongele oshimaliwa paeprojeka dhadho, odho nee dha tokola okupatulula uumbo womapungulilo mOmbaanga ndjika ya Standard Bank moshilongo.Edhilaadhilo ndika oye li tulile miilonga lwotango mOshomeya, pakwathelo lyEhangano lyOkutungitha Omagumbo moNamibia lyedhina Namibia Housing Action Group lyomusamane Heinrich Amushila.Esiku ndjoka kOshomeya hoka aaniilonga mOmbaanga ya Standard oya longele pamwe niilyo ya Shack Dwellers, ya fooloma pamwe oondhopi dhokutunga omagumbo.Ombaanga ndjika tayi gandja wo omagano goshimaliwa shokutyapula esiku ndjoka mpoka.mEtiyali lyoshiwike shika, Ostandard Bank na Shack Dwellers Federation, oye ya pamwe pOutapi mOmbalantu mOshitopolwa sha Musati moka ya kolekulula euvathano lyawo lyokupungula kwoongundu dha Shack Dwellers Federation mOmbaanga ya Standard.Pethimbo olyo tuu ndjoka, aaniilonga yomOmbaanga ya Standard ye vulithe pomulongo oya longo pamwe noongundu dha Shack Dwellers, ano ya the omukanka gwofundamende yegumbo limwe lyoshilyo sha Tweshipanda Saving Group.Ombanga ya Standard oya ganbdjele po wo okapandi kOoN$1000 kokutyapulitha esiku.Oshiithanene osha li wo sha kalwa ku meya gwOndoolopa yAutpai tate Ndeshitila noshowo Kaansela gwOshikandjohogololo shAutapi tate Tataati Shileka.Tate Heinrich Amushila gwo Namibia Housing Action Group oye a li ta wilike oshiithanene shika nokwa pandula noonkondo Standard Bank sho a tokola okukwatela nokulongela kumwe noShack Dwellers Federation.Ta ti iilyo yOshack Dwellers, oya mona ompito ombwanawa yokupungula mOmbaanga ya Standard na itayi kala hayi kuthwa nande otekisa komapungulo gawo ngoka.Ta ti kutya okwa tokolwa ku ka ningwe eshainouvathano pokati kEhangano ndika lyOoShack Dwellers nOmbaanga ya Standard, li na sha nomakwatelo gokolela.Omusamane Amushila ta indile kEwiliko lyOmbaang ya Standard li kale tali kundathana naakuluntuwiliki yoShack Dwellers opo ayihe yi ende nawa.Omusamane Nakawa ngoka oye a li omuwiliki gwOsheendo shaaniilonga moStandard Bank, okwa lombwele ayehe ya li mpoka kutya Ombaanga yawo oya simaneka noonkondo iilongo yokomake, yombike noshihupulo, onkee oya tokola okukwatha mboka yoShack Dwellers, oshoka oya tokola okulonga noonyala dhawo yene nokwiimonena omagumbo okuza muumbashu.Meya gwOndoolopa yAutapi tate Ndeshitila noshowo Kaansela gwAutapi tate Shileka, nayo oya pandula noonkondo eimangokumwe lya Shack Dwellers nOmbaanga ya Standard mokukandula po oluhepo lwomagumbo nokutungila oshigwana omagumbo omawanawa.Omuwiliki Omukuluntu gwIilonga yoShack Dwellers Federation moshilongo ashihe meme Martha Kaulwa noshowo ngoka gwOshitopolwa shUumbangalantu meme Sofia Henock nayo wo opo ya li poshiithanene pOnhimbu pOutapi mpoka.