Sapp ota ono omukalo gwokulanditha olusheno

UUKUMWE womalusheno muumbugantu wAfrica wa tseyika nawa Southern African Powe Pool(SAPP), otuu ka tameka okulanditha olusheno pokati kiilongo mbika momwedhi Novomba.

Omukalo nguka gwokulanditha olusheno ota gu katungilwa kwaangoka hagu longithwa kiilongo ya Nordic. Ehangano li na oombelewa dhalyo moNorway olyo limwe enene ha li landitha olusheno pamukalo nguka.Sigo oompaka elanditho lyolusheno moshitopolwa sha SAPP oha li ningwa pauvathano lyoshilongo noshilongo.Omanga oku za omwedhi nguka olusheno ota lu kala ta lu landithwa ongaashi iilandithomwa yilwe pokati kiilyolongo yehangano ndika.Shika ota shi ka pitika iilongo mbika yi vule oku landa olusheno esiku limwe komeho nenge oku popya kutya oshilongo shontumba osha hala oku landa olusheno nduka kwiingapi pethimbo lyolela.Aalandi naalandithi yolusheno moSAPP oyo omahangano gokulonga olusheno ngaashi Eskom, Nampower, Botswana Power Corporation, Ehangano lyolusheno lya Mozambique, naandyoka lyokweenditha olusheno lya Mozambique, Motraco.Endiki lyokulandithila olusheno ota li kala moHarare sha Zimbabwe, nelanditho ota li ningwa pamukalo gokulongitha ointernet.Ehangano ha li ithanwa Nord Pool Consulting olya kala nokulonga pamwe na SAPP okuza 2004, lya kala ta li kwatha SAPP okutunga po omukalo gwokulanditha, okulonga aaniilonga, oku ya ningila iigongiilonga noshowo oseminar.Nord Pool Consultancy okwa kwathele wo SAPP okuhololapo omishangwa dhi na sha nelanditho lyolusheno ndyoka ha li ningwa komeho esiku limwe.Olya wathele wo mokuwilika aakonakoni mboka ya pewa iilonga moku mangulula elanditho lyolusheno miilyolongo yoSAPP.Eyooloko limwe pokati ka Nord Pool na SAPP oondika kutya moshitopolwa sha Afrika aalongi yomalusheno oyo ashike ha ya kutha ombinga mokulanditha olusheno omanga moNord Pool ota mu adhika omahangano 320 ngoka ge na sha no kulanditha noshowo nokulanda olusheno, etata lyomahangano ngaka oge li ngoka haga longo olusheno.Onkene moshitopolwa shaSAPP omuna ompito yo ku landitha olusheno kombanda yoongamba ta shi ningwa komahangano ngoka haga longo olusheno. Sha hala kutya iilyolongo ota yi vulu okulanda olusheno inaapa pumbwa euvathano manga shika inaashi ningwa.Iilongo oha yi vulu okuninga eyuvathano lyuule wesiku limwe nenge lyomvula hamano mokulanda nokulanditha olusheno.Pethimbo ndika Namibia ota tungu oongodhi dholusheno pokati ka South Africa opo ya vule okutaambathana olusheno pakulanditha.Opwa tegelelwa aapunguli ya kuthe ombinga metungo lyoshitaasi shokulonga olusheno muumbugantu wAfrica, ngele oya shilipalekwa kutya otaya vulu okulanditha olusheno.Uuwanawa womalanditho ngaka ga SAPP oomboka kutya muka omuna omukalo omwaanawa gwokulanditha olusheno pondando yomondjila. Omukuluntupitithi gwa NordPool Consult Hans-Arild Bredeson a ti.Iilyolongo yaSAPP oyi li 12 mbika oyo South Africa, Lesotho, Swaziland, , Mozambique, Zimbabwe, Botswana, Namibia, Angola, Zambia, Malawi,Tanzania noDemocratic Republic ya Congo.Ehangano lyoSapp olya dhikwa po mo 1995 okuhololapo omalandithilo golusheno gena oondando oombwanawa, muumbugantu wAfrica noshowo okupa aalongithi yolusheno ehogololo lyaampoka ta yalanda olusheno.Iilyolongo oya uvaneke okutotapo omalanditho guukumwe molusheno moSADC.