Rwanda ota kaleke po omakwatathano ge na Ndowishi

K
IGALI – Epangelo lya Rwanda otali ka kaleka po omakwatathano galyo gopaundiplomate na Ndowishi, konima yoomwedhi mbali sho oshilongo shika shAafrika lyopokati sha li sha shunitha Omukalelipo gwa Ndowishi konima sho Omunambelewa gwasho omukuluntu a li a kwata po mu Frankfurt mu Novemba.

Rose Kabuye, ngoka e li omuponto omunene gwOmupresidende gwa Rwanda Paul Kagame, okwa li a shunithwa ku France ku Ndowishi mu Novemba, konima sho a li a fekelwa kutya okwa li e na mo sha medhipago lyaangoka a li nale Omupresidende gwa Rwanda, Juvenal Habyarimana.
Kabuye okwa li a shuna ku Rwanda kOkrismesa na pethimbo ndika, okwa shuna ku France hoka e li ko a tegelela epangulo.
‘Ndowishi na Rwanda oya zimina ya tume aakalelipo yawo kiilandopangelo yawo muule wethimbo efupi, h Epangelo lya Rwanda osho lya popi ngaaka pamushangwa, ngoka gwa monika koshitumikundaneki sha Reuters.
Kabuye okwa ningilwa oshipotha shi na sha neumbo mo lyondhila ya Habyarimana mu Apiilili 1994, oshiningwanima shoka sha talika ko kaantu oyendji kutya osho sha eta omadhipago gaantu oyendji ga nyanyaleka moshilongo shika momumvo ngoka, ngoka ga faalele oomwenyo dhaantu ya konda po 800,00.
Nande ongaaka, Rwanda okwa ekalehi kokule omapopyo Kabuye oku na mo sha moshinima shika. – Nampa-Reuters