RDP ya ulike aakalelipo yo moshigongi shopashigwana

ONGUNDU yoRDP oya ulike ookandidate dhayo ndhoka ta yi ka tuma koshigongi shopashigwana, mehuliloshiwike, pethimbo lyongundu mahogololo ya ningilwa mOvenduka.

Omusholondondo gwongundu ndjika ota gu ulike aakalelipo ya za miitopolwa yi li, yonkalamwenyo.Olyo etulomumwe lyiipala iipe noshowo lyaanapolitika mboka ya lokelwamo mopolitika.’Otwa hala oku ulikila mboka ya li ta ya ti oRDP ongundu yaaKwanyama kutya hasho,’ omuleli gwo RDP omusamane Hidipo Hamutenya ta ti sho a tseyitha omusholondondo gwa hugunina gwongundu ye, kaatoolinkundana.Aakalelipo yotango 16 oya thikama po mookandidate oompe papolitika moka mu na omupevi peresidende gwoRDP, Steve Bezuidenhout, ngoka a li kee shiwike sigo oomvula mbali dha piti sho a kwathele metotepo lyongundu ndjika.Aape yamwe mongundu ndjika oyo amushangandjai gwopevi, Agnes Limbo, Heiko Lucas,Lauraine Weyers na Ndapewa Nghipandulwa.Omuwiliki gwehangano lyokutunga omagumbo lyopashigwana nale, Mike Kavekotora oku li ponomola 16. Okwa li woo ta kondjele ehala lyuukandidate wuuperesidende ndele ina hogololwa.Ewawa lyaagundjuka lyoRDP olya mono wo ompito opo li tule amushanga gwalyo, nomupeha gwe momusholondondo mbaka oyo Nicanor Ndjoze na Sam Hamunyela ye li meni lyomulongo 16.Ongundu oya hoyakanitha ookandidate kutya ngaaka, yahetatu yomomulongo naya hamano ka ye shi aapopi yelaka lyOshiwambo.Mokati kaahogololwa omuna oshilyo oshikulu shoParliamende omusamane Anton von Wietersheim ngoka a mono omawi 215 a landulwa komunashipundi nale gwegumbo etiyali lyopashigwana omusamane Kandy Nehova nomawi 198.Omusholondondo ogwaaleli ya tulwa mumwe. Aaleli ashike ye li yahamano mwaamboka 16 yotango ya li moSwapo, omanga yaheyali oya li iilyo yoparliamende.Omusamane Rudolph Kamburona oye gumwe gwaamboka 16 a li moparliamende a za kongundu yilwe kaayishi ndjoka yoSwapo.Eindilo lyomuleli gwoRDP petameko lyoshigongi shomahogololo, sho omusamane Hidipo Hamutenya a ti aakalelipo 312 na ya tale eyooloko lyopamuhoko, yopaukashike kookantu, lyaantu mboka ye na uulema noshowo aagundjuka olya eta iiyimati.’Otu na okudhiladhila ethikopamwe lyuukashike kookantu, lyoshigwana oshipe, lyoohedhi dhetu dha yooloka nomalaka getu ina ga faathana noshowo iitopolwa 13 hoka atuhe ha tu zi. Iinima ayihe mbika oya pumbwa oku monika ta yi holoka momusholondondo gwetanga ndyoka ta tu, tumu koparliamende konima yomahogololo ga Novemba nuumvo,’Hamutenya a ti.’Shika otwe shi adha,’ Hamutenya ta ti ngaaka ongula yoSoondaha.Konyala oshititatu shimwe shookandidate 72 osho aakiintu mboka ye li 23. Mbaka oye li ashike pevi nomukiintu gumwe okuyeleka nomusholondondo gwoSwapo ngoka gu na aakiintu 24.Mokati kaakiintu yoRDP omuna wo omukalelipo gwaadhinwa yaSan nenge Aayelele me Francis Basson.Kakele komupevi amushangandjai gwo RDP Agnes Limbo, ngoka oye omukiintu gumwe awike mokati kaaleli yane mboka yopombanda yomusholondondo, Loraine Weyers noshilyo shoparliamende shoSwapo nale me Michaela Hubschle, ngoka a thigile po ongundu ndjoka oomvula mbali dha piti, oyo aakiintu ya landulako ponomola 10 no 11. Mbaka oya mono omake 173 noshowo 172 pa mpito dhawo.Omundohotola Beatrice Sandelowski ngoka a wilike enongelo lya TUCSIN oomvula odhindji oku li puu 19 sho a mono omawi 141 na amushanga gwonale gwo NANTU me Mirjam Hamutenya oye okandidate yokiintu ponomola 26.Okwa mono omawi 130.Ookandidate dhimwe ndhoka dha li inaa dhi tegelelwa ongaashi omunangeshefa gwa Venduka, Nic Kruger ngoka a ka la moshikondo shokunyanyangidha omimvo odhindji, na ngashingeyi oha nyanyangidha oshinyolwa sha tseyika Agriforum.Heiko Lucas a za moVenduka na ye woo omunangeshefa.Omunangeshefa omugundjuka a za kuumbugantu Desmond Andreas ngoka e li moomvula omilongo mbali oye okandidate onti 48.Molyomakaya Hamutenya okwa li a indile aakalelipo ya tale woo kombinga yomihoko dha yooloka moNamibia noshowo aantu mboka ye na uulema opo ya tulwe momusholondondo, opo gu kale gu wetike gwa kwatela mo ayehe.Eyalulo lyomawi olya tameke potundi 20h00 molyomakaya poombelewa dhili mepandaanda lya Bismarck moVenduka.Omawi oga yalulwa uusiku auhe sigo ongula onene yoSoondaha, me Michaela Hubschle osho a lombwele oThe Namibian ngaaka.Ongundu oya li yi na omutseyimpango ngoka a kala noku tala kutya ayihe ota yi ende pampango.